#برجوازي
#بقلمي:#مشاعر_مبعثره
الحلقه(٤)
انا بقيت ذي الصنم وامي كملت كلاما ب
فيه الخير والله لكن ما بمشي والله ست البيت ما عزمتنا نمشي متطفلين ساي اصلا هي لا بتعرف الناس ولا شغاله بزول بتعزم الناس البتدورهم بس انا لسه الكلمه كانت بتتردد في اضاني شنطة معتز؟ طوالي وقعت وامي تصرخ ورشوني بمويه وشمموني ريحه حتى صحيت قعدت ابكي بكاء شديد بحرقه وهم ما جابيين خبر ما مصدقه انو معتز حايتزوج بس كيف وانا انا شنو بكيت بكاء وهم ما فاهمين شي انا نفسي صعبت علي شديد يعني انا احلامي كلها اتدمرت كدا ببساطه انا كنت عايشه على الأحلام دي وهي المهونا علي الفقر والضيق العايشه فيه لاني كنت متأكده اني حانساهم بعد القى العز واعيش في العماره اتزوج معتز حبيبي بس ليه ليه؟ هو ما شايفني يعني كملت الدموع عاد وما عارفه اشكي لمنو تاني يوم جات الشغاله بتاعتم قالت لينا الليله مودين الشنطة بتاعة معتز ابتسام قالت لكم تعالو قربت اقوم اضربا زعلت زعل الاكل غلبني امي قالت خلاص والله نمشي طوالي كان كدا والمساء مشت وجابر واسماعيل برضو نصر الدين طبعا ما غرضو وانا قاعده في البيت سامعه الزغاريد ابكي ساااي وامي دي جات مصدومه من الحال عاد يا يمه ياريتك كان جيتي وشفتي الشيله ولا شيلة وزير التياب دي والفساتين والشباطه والدهب شفتي البلبسوه الخليجين داك لونو اصفاااار والبيت انتي يا بنتي حصل شفتي البيت؟ طبعا اتذكرت زمان لمن كنت صغيره بغش صحباتي وبقول لهم انا ساكنه في العماره ديك وكل يوم بجي اقيف قداما لحدي ما انا زاتي صدقت انها حقتي بس في النهايه كان حلم صحيت منو بصدمه انا مرضت عديل وامي ما رحمتني في كل دقيقه وثانيه لازم تتكلم عن الشنطه والبيت بتاع البرجوازي ما عارفه انها انها بتعذب فيني وبتضغط على جرحي وانا عيانه راقده عديل بعد العرس قرب جات الحبشيه بتاعتم وقالت لامي ابتسام بتناديك قالت لي ارح معاي ابيت مع اني كنت متلهفه اعرف ليه؟ وقلبي يودي ويجيب يلا امي جات قالت لي ابتسام عاوزاها تعمل معاهم الخبيز لانو سمعت انها شاطره وما عاوزه تشتري حق السوق دا ما بتضمنو
اها ورايك شنو؟ : بعملو والله شكلو الخبيز العملتو لنمارق عجبا هي ما جات عرسهم اها امي مشت للخبيز وقالو لها الا تجي العرس طبعا جابو لينا جردل خبيز انا في خشمي ما ختيتو والله غايتو جنس نفسنه البشوفك كدا يقول كان خطيبك وشلبوه منك: وليه بتقوليها كدا ليه يعني ؟ قليله انا؟ : ما قليله يا بنتي لكن الناس ديل ولا شبهنا ولا مستوانا ممكن يتواضعو ويتونسو معانا يساعدونا بس لمن يجو للنسب بشوفو الزيهم انتي حلوه يا بنتي والف راجل يتمناك وسيد الرجال كمان بس ما قدر دا الزول يحلم على مقاسو : كأني قلت لك حاباه بس : عارفاك ما حاباه بس بس بفتح لك عيونك عشان لقدام لو جاك راجلا تمام نديك له: انتي ما قلتي لي اقري واشتغلي : وبرضو حاتتزوجي
اها يوم العرس قلت لامي ماشه معاك وروعه برضو قالت ماشه مشينا من الصباح ذي التقول العرس حق اهلنا وشفت ابتسام لاول مره شكلا مرا متسلطه هي كبيره بس متشببه لابسه فستان وممكيجه تتامر في الناس مع انو معاهم قروش بس ما أجرت نسوان للعده خلت نسوان الحب العزمتهن يغسلن في العده ويعملن العصيده للفطور امي اشتغلت مع النسوان وانا وروعه قاعدين فجاءة كدا البيت اتملى عاد الحي دا كلو جاء المعزوم والمامعزوم اصلا هي شكلا عزمتنا عشان الناس يقولو مؤجرانا للشغل بالقروش والبنات ديل عاد اخر لبس ومكياج تقول عروسات استغربت فيهم مع انو حلا دي ما عندها اصحاب كتار اصلا هي ما شغاله بهم بس قاعده مع بنات اهلا جوا غرفتا وانا قاعده بتوبي الهزاز وغبشا وسفنجتي مقطوعه ومخيطه
أنت تقرأ
برجوازي
Actionاحبته منذ نعومة اظفارها كان حلما يراود منامها حلمت لم تحسبه مستحيلا كبرت به لتصدم بواقع اخر فهو لا يعرف بوجودها حتى من جهة اخرى يتعرض لصفعة قويه تنقله من الحياة البرجوازيه التي عاشها الى ما دون خط الفقر بلا مأوى بلا عمل او حتى صديق
