#برجوازي
#بقلمي : #مشاعر_مبعثره
الحلقه (٩)
ضربتو وضربتا فرغت المسدس فيها ولسه بضغط على الزنات ما كنت حاسي بالحاصل حولي البيت كلو وامكن الجيران زاتهم بقو داخل الغرفه والانصدم انصدم والبصرخ وانا حاسي اني لسه ما اخدت حقي ليه ليه؟ قصرت منكم في شنو يا تافهين يا عديمين الشرف انا حرمتك من شنو تمشي تفتشيه في اخوي وانت انت ما لقيت غير عيوش حبيبتي عشان تمارس معاها قزارتك ما خجلتو من نفسكم ما خجلتو من ربنا الشايفكم وغرام بنتي في نصكم ابوي دا طوالي انصدم قبل ما هم يتصلو بالشرطه انا سبقتهم واتصلت ماما جات خنقتتي وبقت تصرخ وتنبذ وتضرب فيني
قتلت ولدي يا ولد الحرام والله العظيم الحقك له طوالي نفضتا بقوه
وهو وهو ما حرام العملو؟ لو انا الخنت ولدك كنتي حاتدافعي عني كدا؟ : والله ما ارحمك والله العظيم اقتلك واخواني كلهم بقو يسبو ويضربو فيني اليوم داك بالذات ما سكت لهم ايوا قتلتو وحااقتلو الف مره لو رجع بي الزمن انتو شنو ما عندكم احساس؟ ما عندكم ضمير الشرطه جات اعتقلوني وهم شالوهم بالاسعاف الناس دي كلها بقت تتفرج
كنت نايمه بليل فجاءة صحاني صوت ضرب سلاح لمن قربت اقع قريب الخمسه ولا سته طلقات وامي دي صرخت عديل طلعنا لقينا جابر في الباب امي قالت له في شنو يا ولدي : ما عارف والله بس نصر الدين ما جاء لحدي اسي امي دي بقت تبكي وتعزي كأنو نصر الدين هو الانضرب وانا زاتي خايفه خايفه شديد اتصلت باسماعيل قلت له ما عارفين نصر الدين وين وسمعنا صوت ضرب نار : انا زاتي سمعت والله وشايف الناس جايطه حتى النسوان في الليل داك ملو الشارع
جابر اتصل بنا وقال لينا اوعا تطلعو من البيت رجع مع اذان الصبح حتى جاء ومعاه اسماعيل ونصر الدين امي دي حضنتو وبقت تبكي قال لها مالكم انتو بتبكو كدا انا ما فيني شي كنت في النادي مع اصحابي ولمن سمعنا صوت الضرب مشينا نشوف الحاصل : اها والحاصل شنو : والله يا امي حادث صعب مره واحده معتز سليمان قتل مرتو واخوه شفناه وهو مطلعنو بالبوكس وهم بالاسعاف عريانين استغفر الله العظيم انا طوالي وقعت امي صرخت سمر سمر يا بنتي قومي فتحت لقيت وشي وصدري كلهم مويه وشامه ريحه قويه قعدت اعطس اسماعيل كان خايف اسماعيل جاء وكان خايف قال لبسيها يا خالتي انا جبت الركشه امي قالت له لالا خلاص صحت يا ولدي خليها كويسه لبكرا لو ما اصبحت كويسه نوديها كتر خيرك قلت لهم ولا بكرا ولا اليوم انا كويسه ما فيني شي الخبر صدمني بس وقعدت ابكي عاد للصباح على قدر ما مغيوظه وزعلانه من عيوش الخاينه على قدر ما خايفه على معتز ياربي حايحصل فيه شنو هو قاتل اتنين اكيد حايعدموه الصباح برضو ما قمت ابكي ساااي امي جاتني اسمعي يا بنت هوي الوضع الانتي فيه دا حايخلي اخوانك يشكو فيك شنو من امس معدياها بكاء واكل ما بتاكلي يقولو شنو؟ : مافي شي : لا في والفي قلبك دا خليه مدفون جواه احسن لك انتي : انتي فاهماني غلط : مافي زول فاهمك قدري نتيجتك قربت تطلع شيلي همها بدل تشيلي هم معتز سليمان التاج انا زعلت من كلام امي دا اكتر ومقتنعه من جواي انو صح بس عاوزه اعرف مصير معتز شنو ما كل مره اتفاجأ بأخبارو مره خطب مره اتزوج ومره ولد واسي قاتل يعني المره الجايه حااسمع بخبر اعدامو قعدت ابكي بس من الفكره طبعا انا وروعه فصلنا بعض خلاص واتعدم التواصل ولا حتى سلام قلت لاسماعيل انا عارفه انو الموضوع بضايقك ولو سألت جابر ولا نصر الدين حايفهموني غلط بس انا بالجد عاوزه اعرف الحصل لمعتز سليمان شنو : بهمك للدرجه دي؟ : اعتبرو فضول بس : ما عارف
أنت تقرأ
برجوازي
Acciónاحبته منذ نعومة اظفارها كان حلما يراود منامها حلمت لم تحسبه مستحيلا كبرت به لتصدم بواقع اخر فهو لا يعرف بوجودها حتى من جهة اخرى يتعرض لصفعة قويه تنقله من الحياة البرجوازيه التي عاشها الى ما دون خط الفقر بلا مأوى بلا عمل او حتى صديق
