#برجوازي
#بقلمي : #مشاعر_مبعثره
الحلقه (٢١)
صحيت مخلوعه حاسه نفسي دا عااالي وصدري كأنو في حجر ضاغط عليه لمن بقيت اكح رقدت على ضهري شويه وانا مغمضه بس حسيت به ببوسني فجاءة فتحت عيوني كان مديني ضهرو وماشي مسكت يدو قلت له ماشي تخليني ؟ : صحيتي؟ : ايوا انت لبست ماشي طبعا لابس ملابسو وشايل شنطتو سمعنا صوت الباب قال لي سمر قومي البسي دا علي قمت بسرعه افتش في ملابسي المبعثرة في الغرفه وفنيلتي ما لقيتا الا اداني تيشيرت من شنطتو ويعاين فيني قال لي ما هاين علي امشي اخليك : معتز يا اما غمض او اطلع ما تعاين لي رفع حاجبو وقال لي في حاجه ما شفتها يعني؟ وجاء باسني الباب دقا شديد دفرتو لبست سرعه ولميت شعري كعكه ورفعت الحاجات المشتته كلها معتز فتح لعلي قال له جاهز انا : طيب خلينا نمشي : ماشي ادخل : ادخل كيف يا زول سمر وديتا اهلا ولا شنو؟ : قاعده جوا ما تخاف ادخل عادي دخل حواحبو في بعض أشار له باني لابسه ما رضى يقول له ادخل هي لابسه عشان ما احس بالحرج بس مستحيل دا يحصل انا خجلانه شديد من علي وما قادره اعاين له خجلانه لدرجة انو لو سألني من شي ما بقدر ارد له الا معتز يرد لانو ما عاوز حتى يحسس علي بالحرج وعادي خلاه يدخل الغرفه اما انا حاسه بنفسي رخيصه عديل كنت بلملم في الحاجات وابكي لمن هم دخلو مسحت دموعي
في حاجه تاني؟ : بس السراير وباقي الحاجات الكبيره دي : خليني اوصلكم اول بعداك برجع باخدهم طلعنا بالركشه وصلنا معتز الموقف ورفض يخلي اي زول فينا يجي معاه
معتز : ماتبكي ما تبكي يا سمر اسمعي الكلام : على الاقل................ كفاك لحدي هنا ما حااوصيك على نفسك خلي بالك منها عشاني هزيت راسي قال وانت يا علي حااخليها امانه عندك هي واسرتا خلي بالك منهم دي زوجتي وانت ما بتتوصى : في عيوني والله ودع علي بالحضن وانا في يدي ترجف سااااي ضغط عليها وهمس لي خلي بالك من نفسك انا بحبك : لا اله الا الله : محمد رسول الله دموعي جرت قال لي ودعتك الله وطوالي ركب وانا مع علي في الركشه دموعي ما وقفت وهو بعاين لي بالمرايه ما عارفه جاتني الشجاعه من وين واتكلمت معاه
بتعاين لي كدا مالك؟ : مسترخصني صح؟ شايفني واحده ساهله وعديمة شرف : سمر اهدي لو سمحتي : انا هاديه : انا ما قلت لك شي مالك اسي منفعله قعدت ابكي قال لي لو زعلانه على سفر معتز لازم تصبري نفسك فتره وحاتعدي ولو لشي تاني حابي اقول لك ما تقسي على نفسك انتي واحده متزوجه كل الناس عارفه ما دخلتي في حرمه والعارف انو ما عمل حاجه تغضب ربو ما بشتغل بكلام زول ارفعي راسك مافي حاجه تخجلي منها وانا اخوك : ليه ما منعتو؟ : عمري ما حصل ساعدتو في حاجه انا عارفا غلط المهم هو هداني شويه وداني بيتهم وهناك امو كانت منتظراني بحزمة اسئله وانا محرجه وما عارفه ارد
ليلتك عدت كيف؟ قعدت ابكي ختت يدا في صدرو وقالت سجمي في شنو؟ : مافي شي : ما عمل شي؟ : خالتي كل شي تمام : يا بنتي ردي دخل عليك ولالا نزلت بمعنى ايوا قالت لي زعلانه منو؟ سمر يا بنتي انا اكتر واحده كنت متمنيه اشوفك عروس ومبسوطه واخدمك في عرسك لكن والله الولد حالتو صعبه ضايع هو متزوج وما قادر يقعد مع مرتو لمن كمان مسافر وما حصل هبش مرتو والله لو بنتي ادخلا له عاينت لها قالت لي انا الشرت عليه والله من زمان قاعده اقول له كدا لمن لقى بيت ايجار قلت له اعمل كرامه بسيطه وسوق مرتك كفاك واسي ما فيها حاجه اخوك زاتو ما كان رافض : بس مافي زول من اهلي عارف لو بعلمهم ما كنت حاازعل : اسي ما راح شي كلمي امك ونصر الدين هي بتعرف تمهد له اصلك ما تخافي من شي مدام ما عملتي شي حرام ماشه وين اسي : عندي محاضره : لالا محاضرة شنو انتي ما شايفه نفسك عامله كيف ارقدي ارتاحي وكان علي كوثر انا بكلما لك نمت نومه طويله لمن حلمت كل الحصل بيني وبين معتز شفتو في الحلم لمن بقيت اتقلب في السرير قربت اقع الا امي صحتني
أنت تقرأ
برجوازي
Actionاحبته منذ نعومة اظفارها كان حلما يراود منامها حلمت لم تحسبه مستحيلا كبرت به لتصدم بواقع اخر فهو لا يعرف بوجودها حتى من جهة اخرى يتعرض لصفعة قويه تنقله من الحياة البرجوازيه التي عاشها الى ما دون خط الفقر بلا مأوى بلا عمل او حتى صديق
