#برجوازي
#بقلمي : #مشاعر_مبعثره
الحلقه (٢٢)
لو خليتوها شويه كانت حاتموت هي والفي بطنا : الفي بطنا دا شنو كمان : حايكون شنو يعني الجنين بتاعا : انت اكيد غلطان يا دكتور انا بنتي ما حامل : ما حامل كيف البنت دي لها شهرين وظاهر عليها ما بتاكل ولا بتشرب حاجات مغذيه دمها زاتو ضعيف شديد نصر الدين قام هاج وقعد يشاكل في الدكتور عديل لمن طردو قال له الا لو بنتكم دي ما متزوجه بس مدام ما عارفين ومنفعلين كدا : والله العظيم هي متزوجه ولو عاوز القسيمه اسي انا بجيبا لك بس عندها خلافات مع زوجها وعاوزه تطلق عاد الناس الفي المستشفى كلهم يتفرجو فينا امي كانت ماسكا نفسا وانا بعد خلصت الدرب من نظراتهم عرفت انهم كشفوني قعدت ابكي وامي خشما ما فتحتو معاي لمن وصلنا البيت مشت المطبخ نصر الدين جاء دافر لي الباب لمن انخلعت قمت على حيلي وعيونو شرار
لك عين ترفعي راسك كمان؟ كدا يدو عاوز يضربني لمن ختيتا في وشي بس هو اتراجع قال لي لو ما كان جابر اخوي متوفي وهو الموصيني ما اقسى عليك كان قتلتك وارتحت من فضيحتك بس للاسف هو ما موجود ولو كان قاعد كان حايمنعني منك بس هو مافي وانا مضطر اتصرف معاك بنفس طريقتو انتي مرتاحه كدا؟ مبسوطه شديد من نفسك؟ قعدت ابكي شات التربيزه قدامي قال لي هسسس اوعك تبكي عشان ما اكسر راسك دا بتبكي لمنو بعد ضيعتي شرفك وشرفنا كلنا دا منو التافه دا انطقي قعدت اتمتم عيونو دي بقت شويه وتطلع من مكانا لمن بتنفس بصوت قلت له معتز صرخ فيني معتز مسافر يا كلبه : ق قبل يسافر خت يديه في راسو عملتي كدا ليه فهميني؟ استغليتي ثقتنا فيك والحريه الاديناك لها مع التافه دا صح؟ عشان كدا جابر عقد لك صح؟ : والله العظيم ما حصل اقسم بالله العظيم ما حصل لمسني الا بعد اتزوجنا : هو وينو الزواج دا مجرد عقد العرس ما تم انتو الاخترتو تأجلو العرس ما نحن بتتنافقو علينا ليه؟ اخر حاجه كنت متوقعه انو انتي تعملي كدا ما قدرتي تصبري يعني؟ : بس هو زوج.......... : زوجك بتعيشي معاه في الخفاء؟ صرخ فيني لو اصلا عارفين نفسكم عاوزين كدا ما كان تتكلمو في البيت دا كنا دخلناكم ببلح كنا عملنا كرامتك والناس دي كلها تعرف اما العملتوه دا اسمو غلط وانا مستحيل اسامحك عليه المره دي غلطتي غلط كبير في حقنا كلنا المره دي انفضحنا بالجد ما اشاعات طول عمرك جايبا لينا كلام الناس ما تبكي ما تبكي فاهمه؟ انا المفروض ابكي عليك لانك ضيعتي نفسك انتي تبكي على شنو؟ وهو وينو اسي الرجل؟ ما هدا خلاك عاوزه تشيلي في بطنك وتلدي وتربي جناه اعمل فيك شنو انا اسي : اعمل العاوزو يا معتز انا تا........... : معتز؟ تاني معتز؟ انتي ما بتتوبي الناس دي كلها بقت لك معتز؟ انتي جنيتي صح؟ عامل فيك شنو التافه دا وريني : انا اسفه والله العظيم عارفه اني خيبت املكم حتى الاعتزار خجلانه منو والله : حتى خجلك دا اخجلي منو وما بكفي لكن انتي ما عندك حياء ولا خجل لو بالجد عندك كان خجلتي منو هو وما سمحتي له ياخد شرفك اسي خجلك واسفك وكل شي تعمليه ما بفيدك : ما حااعمل اي حاجه خلاص انا انهزمت وبعترف بكدا اعملو فيني العاوزنو اقتلوني وارتاحو مني اصلا وجودي ما سبب لكم غير الوجع : ما حااشفق عليك مهما قلتي ولا في شي بشفع لك واكيد ما حااقتلك لانو جواك روح بريئه ما عندها ذنب ذنبا في رقبتك انتي امي قالت له امشي يا ولدي عليك الله جيب لينا الملاح الزمن فات : ملاح؟ حاضر يا امي بجيب الملاح حااجيبو
أنت تقرأ
برجوازي
Actionاحبته منذ نعومة اظفارها كان حلما يراود منامها حلمت لم تحسبه مستحيلا كبرت به لتصدم بواقع اخر فهو لا يعرف بوجودها حتى من جهة اخرى يتعرض لصفعة قويه تنقله من الحياة البرجوازيه التي عاشها الى ما دون خط الفقر بلا مأوى بلا عمل او حتى صديق
