#برجوازي
#بقلمي : #مشاعر_مبعثره
الحلقه (٦)
اسماعيل قال له لالا اسي دي ولا نمشي نشتكيك كمان بتغشنا؟ انت ما قلت بتبيع لها الطبليه؟ : ما بايع جابر قال له لو اديناك اسي قروشك كامله ؟ نطط عيونو قال له يا كدا ولا نمشي نفتح فيك بلاغ وترجع لها قروشا انشاءالله تدين الناس اتدخلو قعدونا كلنا وقالو له يا تبيع ولا ترجع لها قروشا وجابر قال له بندفع لك منهم تاني طلع قروش من جيبو وداك منظر القروش خلعو لمن قرب يريل اصلو كلب واسماعيل برضو طلع العندو اتصلت بأمي عندا قروش مخبياها جابت منها ونصر الدين برضو لمن جاء في لحظتا اشترينا الطبليه واسماعيل اجر بوكس جابا البيت انا قربت اطير من الفرح لسه اسم ابوي مكتوب عليها بس جابر كان زعلان مني عشان اتصرفت من راسي وختيتهم كلهم قدام الامر الواقع لا وكمان خليتهم يدفعو كل العندهم واشترو الطبليه غصب
جابر انا اسفه : ما بكفي يا سمر انا مش قلت لك الطبليه دي انسيها هدا دفعتينا الورانا والقدامنا وما حانستفيد منها اي شي : حانشغلا : ما حاتقدر : والله العظيم نقدر خلينا نحاول : انتي هو فضلتي لينا قروش نحاول بها : اسفه والله ما تزعل مني
تاني يوم مشيت المدرسه حق الفطور ما عندي بس امي حشت لي عيشه بباقي ملاح الغداء جات حلا لقتني بفطر روعه كانت بتشرح فيزياء مع شلتا
خير ما عندك شغله غير انتي؟ : ما قلت لك تعالي معاي اوريك البنت البتطلع فيك اشاعات؟ : والله لو عاوزه تقولي بخشمك قولي ما محتاجه شوف : لانك ما حاتصدقي يا بنت انتي عشان بعيده من السوشيال ميديا ما عارفه البتقال عنك اخر الاخبار قالو انتي عامله علاقه غير شرعيه مع معتز بعد الزواج : ما شغاله بالاشاعات انا : ولو اهلك عرفو؟ : اهلي واثقين في تربيتهم وعندهم عقل بفكر البنت دي سكتت مسافه قالت لي ثقه؟ والله ياريت لو اهلي عندهم منها حسيتا صادقه في الجمله دي بالذات قلت لها براك بتختي نفسك في موضع شك بتصرفاتك وافعالك الغلط قلت فرصه انصحا وهي قامت تضحك والله يا بنات نظامي طلع لكم صوت وفري نصايحك دي لنفسك حاتحتاجيها وحياتك ومشت
يلا نصر الدين شال له تلفزيون بالقصد وعاد امي تهرج ساااي تلفزيون شنو نحن ناقصين : حاابيعو يا امي نستفيد من قروشو وادفع القصد العلي على راحتي : دا ياهو فهمك يا غبي؟ عاوز تكمل القروش وتقعد تفتش للبتكمل به اقصادك والله الا تتسجن اسماعيل قال له والله فكره حتى أنا كنت عاوز اخد غرض من البنك ونشغل الطبليه وندفع من الربح : مافي طبليه بتشتغل دا كلام فارغ ساي وضياع قروش كانو بفكرو كل يوم وانا متمنيه لو كان عندي قروش عشان اساعد بس انا نفسي باخد مصروفي منهم جابر طبعا من كان اكبر معارض بعد ادوه قروش المقاوله قام دخل صندوق واخد الصرفه الاولى صلحو الطبليه وشالوها ختوها في محل ابوي كان خاتيها زمان شارع المدارس انا طبعا وريت صحباتي قلت لهم حانبيع فطور ارخص من بتاع المدرسه كنت خايفه الاكل يبور والله الليل دا كلو ما نمت اول يوم عملنا طعميه بس قعدو جابر واسماعيل انا من جرس الفطور ضرب مشيت ما كان في ناس والطلبه بشترو من زبائنهم عملو لي سندوتش ولروعه برضو اها في كم طلبه جو اشترو بس ما كتيرين نهاية اليوم جابر قال لي شيلي باقي العجين وديه التلاجه ما يخمر مشيت محبطه وامي قالت لي ما اول يوم عادي يعني مشيت استحميت كنت مرهقه نمت امي صحتني
أنت تقرأ
برجوازي
Açãoاحبته منذ نعومة اظفارها كان حلما يراود منامها حلمت لم تحسبه مستحيلا كبرت به لتصدم بواقع اخر فهو لا يعرف بوجودها حتى من جهة اخرى يتعرض لصفعة قويه تنقله من الحياة البرجوازيه التي عاشها الى ما دون خط الفقر بلا مأوى بلا عمل او حتى صديق
