Ineffable Love is now Mulazim-e-Al-Wadood
We meet thousands of people in this world, we get attracted to hundreds, we fall for ten and then we'll be united with the one whose name was written with our name thousands of years ago.
...
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
Zayn aahista se apne kamray ka darwaza khol kar bahar nikla. Waqt raat ke dhai baje ke qareeb tha. Woh halkay bhuray rang ki t-shirt aur siyah jeans mein malboos tha, paaon mein aaram-deh jootay. Uski aankhon mein neend ka shaiba tak na tha.
Seerhiyon se neeche utar kar woh ground floor ke neeche maujood garage ki jaanib barha. Garage ka maahol tareek tha, magar jaise hi Zayn ne darwaza khola, motion sensor lights khud-ba-khud roshan ho gayin. Samne ek car khadi thi, jis par ek siyah kapra dala hua tha.
Zayn ne aahistagi se qadam barhaya, kapray ko ek jhatkay se utaara aur zameen par phenk diya. Car ka badan chamakdar aur shandaar tha, Uski siyah satah par roshni parte hi woh aaine ki tarah jhalkne lagi.
Zayn darwaza khol kar andar betha, steering ko mazbooti se tham liya. Engine ki goonj garage ki deewaron se takra kar goonji. Woh car ko garage se nikal kar sarrak par le aaya.
Sarrakein weraan thin, woh car car ko highway par le aaya. Zayn ki raftaar wehshi thi. Usne car ko full accelerator par dhakel diya. Tyres ki cheekh faza mein goonj uthi aur car aage barh gayi.
Zayn ne car ko ek taraf mora, samne ek truck ki bari headlights dikhai dein, magar woh ek lamhay ke liye bhi nahi ruka. Woh car ko truck ke qareeb le aaya aur palak jhapakte hi doosri taraf se nikal liya, woh maut ko chakma de raha ho.
Ek tang mor aaya, magar Zayn ne brake lagane ke bajaye car ko drift karwa diya. Sarrak par tyres ki cheekh aur ragad ki awaaz ne maahol ko larza diya. Car ka tawazun kisi mahar khiladi ke qadamoon ki tarah barqarar raha.
Raftaar barhti gayi. Samne ek motorcycle wala achanak lane badal gaya, magar Zayn ne car ko is maharat se mora ke motorcycle wala hairat se peeche mur kar dekhne laga.
Car ke speedometer ki sui apni aakhri had ko choo rahi thi. Zayn ke chehre par paseena tha, magar uske haath mazbooti se steering par jame hue the. Usne ek aur gaari ko peeche chhora, sarrak par aise bhaag raha tha jaise shayad khud zindagi ka ta’aqub kar raha ho. Usne gadi ki speed dheemi ki.
Sarrak puri tarah se sunasaan thi, sirf duur duur street lights ki halki roshni nazar aa rahi thi. Usne speedometer par nazar daali—car 160 ki speed se daud rahi thi. Hawa ke teez jhonke uski windshield se takra rahe thay, lekin ek ajeeb sa sukoon uske chehre par tha.
