Urdu Novel
We meet thousands of people in this world, we get attracted to hundreds, we fall for ten and then we'll be united with the one whose name was written with our name thousands of years ago.
...
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
Note: This chapter is written in both English and Roman Urdu. The English version starts from where the Roman Urdu version ends.
__________________________________________
Roman Urdu Version
Banglore April 4, 2012
Kamre mein gehri khamoshi chhayi hui thi. Mez ke gird baithe employees ki nazrein samne rakhe kagzaat par thin, aur unka dhyan us aadmi ki awaaz par markooz tha jo itminan ke saath baat kar raha tha. Uski baaton mein ek khaas thehrao tha, jaise woh har lafz ko tol kar ada kar raha ho. Woh aadmi, jo baat kar raha tha, hamesha ki tarah maharat aur qabliyat ke saath apne khayalat ka izhar kar raha tha. Uske chehre par sanjeedgi aur aankhon mein gehri zahanat thi.
"Mera maanna hai ke agar hum is strategy ka istemal karen, to yeh company ke mustaqbil ke liye ek ahem qadam hoga." Afzal ne narmi lekin hatmi lehje mein kaha.
Clients mein se ek ne sawal kiya, "Aur agar yeh strategy nakaam ho jaye?"
Uske labon par halki muskurahat ubhri. "Nakaami bhi ek sabaq hai. Lekin mere experience ke mutabiq, yeh mansooba nakaami ka koi imkan nahi rakhta."
Chand lamhon ke baad, jab behas mukammal hui, to usne apne laptop ko khola taake chand zaroori documents talash kar sake. Lekin jab uski nazrein screen par jamin, to woh lamha bhar ko ruk gaya. Samne ek tasveer thi. Tasveer mein ek naujawan stage par khada tha, uske haath mein mic tha, aur chehre par bepanah itminan aur bharosa. Uske saath Khalid Akhtar, company ke chairman, bhi moujood the.
Meeting khatam hone ke baad woh tezi se CEO ke cabin ki taraf badha. Darwaze par halki dastak de kar andar dakhil hua aur bola, "Pata hai aaj kya hai?"
Samne baithe shakhs ne bagair nazar uthaye jawab diya, "Meeting hai employees ke saath?"
