Urdu Novel
We meet thousands of people in this world, we get attracted to hundreds, we fall for ten and then we'll be united with the one whose name was written with our name thousands of years ago.
...
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
Roman Urdu Version
Banglore May 4, 2012
Aaj Jummah ka din tha. Khalid apne kamre se nikle. Unhone safed shalwar kameez pehna hua tha, aur haath mein tasbeeh thi jo halki awaz ke saath ghoom rahi thi.
Baramde ke ek kone mein Fazila baithi hui thi. Unka dupatta sar se khisak kar kandhe tak aa gaya tha, lekin unka chehra pur-sukoon tha. Wo apne shauhar ko dekh rahi thi, jo masjid jane ki tayari mein the. Khalid baramde ke darwaze par khade ho gaye aur apne jooton ke tasme bandhne lage.
Tabhi drive-way se ek gaadi ki awaaz sunayi di. Zayn ghar laut raha tha. Woh tez kadam uthata, maathe par pasine ki boondein liye, angan mein dakhil hua. Uske chehre par ajeeb si thakan thi, Fazila ne usay dekha, lekin kuch na kaha.
Khalid ne Zayn ko dekhte hi tasbeeh ko haath mein daba liya aur muskara kar usay bulaya.
"Zayn, aa gaya beta? Mashallah, waqt pe aaye ho. Chalo, mere saath namaz ke liye chalte hain."
Zayn ne ek pal ke liye ruk kar khalid ki taraf dekha. Uski ankhon mein ek ajeeb si uljhan thi, Uska gala sukha hua tha, lekin usne apni baat keh di.
"Dad, mujhe chhod dijiye. Main abhi nahi jaa sakta. Thak gaya hoon."
Yeh sun kar Khalid ka chehra ek pal ke liye utar gaya. Unki aankhon mein afsos tha, lekin woh jor se kuch keh nahi sake. Unhone dheemi awaaz mein kaha.
"Beta, ye sirf hamari ibadat nahi, Allah ka hukum hai. Jummah ki namaz chhodna achha nahi."
Zayn ne khalid ki baat suni, lekin usne sirf apni gardan jhuka di aur bina kuch kahe andar chala gaya.
Khalid apni jagah khade rahe, Fazila uth kar unke paas aayi. Unhone shafqat bhari nazar se apne shohar ko dekha.
"Khalid, use majboor mat karo. Islam mein kisi par namaz ka bojh dalna mana hai. Allah ne hidayat ka darwaza khula rakha hai. Tum bas dua karo ke wo khudse iss raaste par aaye."
