عد بي الي حيث كنت قبل ان التقيك ثم ارحل
روايه بالعاميه المصرية
لو قريت السطور هتقرا قصه رومانسيه ومغامرة خفيفة لكن لو قريت بين السطور هتقرا عن العقبات الي بتقابلها الستات بمختلف اعمارهم فالمجتمع المصري علي مختلف طبقاته
تنويه صغتن عشان منزعلش من بعض...
Oops! This image does not follow our content guidelines. To continue publishing, please remove it or upload a different image.
ريم☝️ في صباح يوم الجمعه في منتصف شهر اكتوبر استيقظت ريم في الصباح الباكر علي انغام اغنيه "killing me softly" و قامت بالاتصال بصديقتها ساره عدة مرات
سارة بصوت ناعس: رن رن رن عالصبح! في ايه يا مزعجة
ريم: هو انا مش ماكدة عليكي هننزل السوبر ماركت سوا!
سارة: هو يعني لازم 7 الصبح؟ حرام عليكي والله. ده انا بستني يوم الجمعه ده عشان مصحاش بدري
ريم: ماهو عشان نروح قبل الزحمه عشان نلحق نخلص عشان ورايا شغل مانا مش فاضيه زيك يا هانم. يالا قومي البسي بلاش دلع. انا كمان هلبس و هعدي عليكي.
بعد اقل من ساعه كانت ريم و ساره يتجولون بداخل الهايبر ماركت
Oops! This image does not follow our content guidelines. To continue publishing, please remove it or upload a different image.
سارة☝️ سارة: انا قولت انتي مش هتعرفي تصحي بدري النهارده خصوصا بعد سهرة امبارح
ريم: مانتي عارفه لازم انزل اجيب حاجه الشهر قبل ما المرتب يطير
سارة: عموما كويس ان اتقابلنا. عندي ليكي اخبار حلوة. واحد صاحب حسام شافك امبارح فالفرح و سأل حسام عليكي
ريم: بلاش والنبي كلام فالمواضيع دي عشان انا وانتي عارفين انها مبتكملش و انا اصلا شايله فكره الجواز دي من دماغي خالص
سارة: ما يمكن المره دي يطلع مختلف و يتفهم الحقيقه
ريم: حقيقه ايه يا ساره الي هيفهمها! مفيش غير حقيقه واحده هي ان بابا مات فالسجن فقضيه مخدرات. مفيش حد عادي قادر يتقبل ده. انتي بقي عايزة تفهميني ان ظابط ممكن يتقبل ده و يتفهمه! يالا يالا خلينا نخلص عشان نمشي
