في عصر يوم الجمعة كانت نجلا في شقتها تعد طعام الغداء حتي سمعت صوت جرس الباب. فتحت نجلا الباب لتتفاجأ بوجود سلطان امامها
نجلا: اهلا يا عمو ازي حضرتك عامل ايه؟
سلطان: انا تمام الحمد لله. كنت عايز استاذنك يا نجلا عايز اخدك انتي و دارين و نخرج شويه ونتغدي برة سوا
نجلا: طبعا يا عمو حضرتك تؤمر .
سلطان: انا هستناكو تحت علي ما تلبسو و تنزلو
اغلقت نجلا الباب بعد نزول سلطان و اخبرت دارين انهم سيخرجون لتناول طعام الغداء بالخارج معا و لم تخبرها عن وجود سلطان خشية من ان ترفض
بعد قليل مو الوقت نزلت نجلا و دارين ليجوا سلطان بانتظارهم بسيارته. نظرت دارين لوالدتها بلوم و لكن ركب بالسيارة في صمت. قرر سلطان أن يأخذ نجلا ودارين في نزهة إلى حديقة قريبة. جلسوا على مقعد خشبي تحت شجرة كبيرة، و طلبوا طعام الغداء من احد المطاعم الموجوده بالحديقة. سلطان بدأ الحديث بلطف
سلطان: دارين. عامله ايه فالمدرسة
دارين بحذر: انا كويسة، بشارك في فريق الرسم ونطلع رحلات أحيانا
سلطان مبتسما: عظيم. وأنا متأكد أنك موهوبة جدًا في الرسم. عارفة، لما كنت في سنك، كنت بحب الرسم بردة
ابتسمت له دارين ابتسامة مجاملة و اشاحت بنظرها بعيدا عنه
سلطان: عايز اتكلم معاكي فحاجه مهمه وانا عارف انك كبيرة و هتفهميني. بس الاول قوليلي. مش انتي عارفه ان ماما بتحبك اكتر حاجه فالدنيا؟
دارين: انا عارفه حضرتك عاوز تكلمني فايه و لو ماما بتحبني اكتر حاجه فالدنيا زي ما حضرتك بتقول؟ ليه بقي هي عايزة تتجوز واحد تاني و تجيب ولاد تانيين؟
سلطان: هجاوبك بس قوليلي انتي الاول. انتي بتحبي ماما اكتر حاجه الدنيا؟
دارين بتصميم: كيد بحبها، لكن لو اتجوزت عصام، هروح أعيش مع بابا
سلطان: انا فاهم مشاعرك كويس ودة طبيعي انك تزعلي و تضايقي ان ماما هتتحوز و انك تكوني عايزة تروحي لباباكي حتي من غير ما ماما تتجوز. دلوقتي لو مانا و بابا كانو كملو مع بعض و بقي عندك اخوات تانين كنتي هتسيبيهم و تمشي برده؟
دارين: لا
سلطان: عشان الام و الاب مهما كان عندهم ولاد كتير بيفضلوا يحبوهم زي بعض و عمر ما حبهم بيقل لواحد فيهم صح؟
اومأت له دارين ايجابا
سلطان: بابا و ماما الاتنين بيحبوكي لكن هم الاتنين مكانوش مبسوطين مع بعض. بابا دلوقتي اتجوز و انتي عندك اخوات و بابا بيحبك زيهم بالظبط. برده ماما لو اتجوزت و بقي عندك اخوات هتحبكوا كلكو زي بعض
دارين: و ليه اصلا تتجوز؟ هو انا مش كفايه عليها؟
سلطان: لا يا حبيبتي كفايه. بس ماما ست و عندها احتياج لحاجات انتي ماقدريش تعمليهالها. زي انها لو تعبت بالليل مين يودها للدكتور مين يشتريلكو الحاجات من بره. في حاجات كتير ماما بتعملها و شايله همها بس لو معاها راجل يساعدها تخلي بالها عليكي هتكون مبسوطه اكتر. هي بتحبك وعايزة تكون مبسوطه و مرتاحه و انتي معاها. وعصام كمان بيحبك وعايز يكون فحياتكم يحميكم و يساعدكم و يشسل همكم عشان تكونو مبسوطين و هو كمان هينيسط معاكم
YOU ARE READING
لن اغفر لك
Romanceعد بي الي حيث كنت قبل ان التقيك ثم ارحل روايه بالعاميه المصرية لو قريت السطور هتقرا قصه رومانسيه ومغامرة خفيفة لكن لو قريت بين السطور هتقرا عن العقبات الي بتقابلها الستات بمختلف اعمارهم فالمجتمع المصري علي مختلف طبقاته تنويه صغتن عشان منزعلش من بعض...
