استيقظ سليم في صباح اليوم ليجد ريم تنام بجواره و تدفن وجهها في صدره. نظر لها في تعجب فهي تظل ترفضه و هي مستيقظه و و ترفض النوم بجواره اما و هي نائمه فتتعلق به ابتسم سليم و تنهد " كيف تكون قريبه منه كل هذا القرب و بنفس الوقت هي ابعد ما يكون عنه. بين ذراعيه و لا يستطيع ان بقترب منها. اخذ يتفحص وجهها كيف تبدو هادئه مستكينه. اقترب سليم منها و قبل شفتيها قبله خفيفه لتبداله هي القبله في البدايه و لكن سرعان ما استعادت وعيها و قامت بدفعه بعيدا عنها
ريم: اد ايه انت حيوان و حقير
سليم: حيوان! انتي مراتي.
ريم: ايوة حيوان. انت ازاي تسمح لنفسك تقرب مني غصب عني
سليم: لو عايز اقرب منك غصب عنك هعمل ده بسهوله كنتي هتصحي تلاقي نفسك مربوطه و عريانه فسريري لكن انا سايبك براحتك
ريم: انت قليل الادب و سافل. تقدر تقولي تسمي الي انت عملته ده ايه؟!
نظر سليم اليها دون رد لوهله محاولا السيطره علي اعصابه
سليم: ولا حاجه
نهض سليم و دخل الي المرحاض متجاهلا كل السباب الذي تسبه هي به وبعد قليل كان مرتديا ملابسه و ذهب الي عمله
دخل سليم الي مكتبه و لحقت به نجلا
نجلا: عامل ايه؟
سليم: تمام. دارين رجعت؟
نجلا: رامي كلمني وقال انه وداها المدرسه و انا هروح اخدها من هناك
سليم: روحي بدري النهارده و قضي اليوم معاها
نجلا: مفيش داعي. كده كده هبقي اخرج معاها بعد الشغل
سليم: اسمعي الكلام يا نجلا مش عايز مقاوحه. قوليلي بقي عندنا ايه النهارده؟
نجلا: الجمارك افرجت عن الشحنه و وصلت المخازن. هحتاج منك تتمم عليها
سليم: كويس. هنزل اخر اليوم. ايه كمان؟
نجلا: بقالك كتير منزلتش المصنع و لا لفيت علي المخازن. ممكن نعمل ده و ممكن ارتبلك ميتنج مع تيم السيلز
سليم: خليني اعد مع بتوع السيلز وكده كفايه النهارده
نجلا: تمام. انت متاكد انك كويس؟
سليم: اها تمام. نجلا اطلبيلي فطار لو سمحتي
خرجت نجلا و اخذ سليم يراجع بعض الملفات
*******************************
توجه عصام الي قصر الصياد بعد ان اوصل سليم الي عمله ليطمئن علي الاوضاع هناك. ما ان وصل حتي اخبره احد الرجال ان السيدة فريدة تنتظره فتوجه لها علي الفور
كانت فريده تتناول طعام الافطار مع ريناد
عصام: صباح الخير يا فندم
فريدة: اهلا يا عصام ازيك
عصام: الحمد لله تمام. قالولي ان حضرتك عايزاني
YOU ARE READING
لن اغفر لك
Romanceعد بي الي حيث كنت قبل ان التقيك ثم ارحل روايه بالعاميه المصرية لو قريت السطور هتقرا قصه رومانسيه ومغامرة خفيفة لكن لو قريت بين السطور هتقرا عن العقبات الي بتقابلها الستات بمختلف اعمارهم فالمجتمع المصري علي مختلف طبقاته تنويه صغتن عشان منزعلش من بعض...
