عد بي الي حيث كنت قبل ان التقيك ثم ارحل
روايه بالعاميه المصرية
لو قريت السطور هتقرا قصه رومانسيه ومغامرة خفيفة لكن لو قريت بين السطور هتقرا عن العقبات الي بتقابلها الستات بمختلف اعمارهم فالمجتمع المصري علي مختلف طبقاته
تنويه صغتن عشان منزعلش من بعض...
هستاذنكم لو قابلتكم اي اخطاء إملائية اكتبولي عليها كومنت و انا هصلحها ************************** في صباح يوم السبت وصل سليم الي شقة ريم لتخرج هي له ومعها حقيبتين كبيرتين
Oops! This image does not follow our content guidelines. To continue publishing, please remove it or upload a different image.
سليم: صباح الخير. ايه الشنط دي كلها
ريم: واحدة فيها هدومي و واحدة فيها سندويتشات و شوية عصاير
سليم: سندويتشات ايه يا ريم هو انا مسافر مع خالتي؟ الجو ده خلص من زمان
تظاهرت ريم بالغضب منه مازحه
سليم: تصدقي انا جعت فجأه و حنيت لسندويتشات خالتي!
ضحكت ريم وتوجهت معه الي الخارج لتتفاجئ بوجود 3 سيارات
ريم: ليه كل دول؟
سليم: عربيه لينا و عربيتين حرس عشان لو انفصلنا هناك يبقي كل واحد معاها مجموعه
ريم: هو احنا هنحارب!
سليم: اركبي و بطلي لماضه و خليني اعمل مكالمة
اتصل سليم علي نجلا التي تفاجأت بوجودة بمصر
سليم: مجرد موصلت المغرب جالي اتصال ان المقابله اتلغت فرجعت امبارح بالليل بس اهم حاجه محدش يعرف اني فمصر يا نجلا
نجلا: تمام حاضر
سليم: عندك حاجه عطلانه عليا؟
نجلا: لا الدنيا تمام متقلقش . هتيجي الشركة بكره؟
سليم: احتمال بس الاكيد هاجي يوم الاتنين
اغلق سليم الهاتف و بعدها باقل من دقيقة توقفت السيارات امام النادي الرياضي الي تتمرن به ريم
ريم: احنا وقفنا هنا ليه؟
سليم: تعالي بس
سحبها سليم من يدها و توجه الي موظف الاستقبال
سليم: عندي ميعاد مع صاحب الچيم. قوليله سليم الصياد
بعد ان ابلغت الموظفه المدير اتي علي الفور لمقابلة سليم وتفاجأ لوجود ريم معه
المدير: اتفضل يا سليم بيه
سليم: مش هتفضل. مش العقد طلع من الشنطه هنا؟ يبقي نتكلم هنا. انا جيتلك بنفسي اهو عشان لما المكان بتاعك يتقفل تبقي عارف مين الي قفله
