في صباح يوم الاربعاء بعد ان اوصلت نجلا دارين لمدرستها توجهت الي عملها لتجد عصام بانتظارها بالمكتب
نجلا: صباح الخير
عصام: وحشتيني
نجلا: بس بقي احنا فالمكتب.. سليم جوا؟
عصام: لا مش هيجي النهارده. احنا لسه واصلين اصلا فهو روح يرتاح و انا قولت اجي اشوفك قبل ما اروح
نجلا: حمد لله علي السلامه
عصام: متعرفيش تزوغي ساعتين نروح نفطر فاي حته؟
نجلا: لا خالص. انا ورايا شغل متلتل
عصام: طيب بعد الشغل نتغدا سوا
نجلا: لا برده لان مواعده دارين نتغدي سوا. روح انت دلوقتي استريح من السفر و نبقي نشوف بعدين
عصام: مالك يا نجلا في ايه؟ عماله بتقفليها فوشي و مقابلاني مقابله بارده. هو انتي زعلانه من حاجه؟
نجلا: عصام انا بجد مش عارفه اقولك ايه. كل الي هقولهولك ياريتني قابلتك من زمان بجد كانت حياتي بقت حاجه تانيه
عصام: ماحنا لسه فيها اهو
نجلا: لا مش لسه فيها ولا حاجه. انا مش حرة نفسي انا بنتي اغلي حاجه فحياتي. اغلي حتي من نفسي
عصام: رامي قالك حاجه تاني ضايقتك؟
نجلا: لا مش هو. دارين هي الي قالتلي ان انا لو اتجوزتك هي هتروح تعيش مع باباها. انا مقدرش اعيش من غير بنتي يا عصام
عصام: طيب سيبي الموضوع ده عليا
نجلا: لا. انا لما فكرت لقيت انها معاها حق. احنا لو اتجوزنا و بقي عندنا طفل هي هتفضل طول العمر حاسه ان ناقصها حاجه و هي عايشه معانا معندهاش اب و اخوها او اختها عايش مع باباه و مامته
عصام: انا عمري ما هحسسها بفرق
نجلا: انا متاكده بس الوضع نفسه هيحسسها بكده
عصام: انتي مبتحبنيش يا نجلا. انتي مع اي حاجه تضايقك بتقوليلي مش عايزاك. معندكيش استعداد تبذلي اي مجهود عشان علاقتنا تنجح. الي يريحك. انتي حرة
نجلا بدموع: انا اسفه يا عصام. انا بموت من جوايا وانا بقولك كده. بس صدقني غصب عني. مقدرش اخسر بنتي. انا قبل ما احبك انا أم
عصام: انا كمان عندي بنت فنفس وضع بنتك
نجلا: مروة لسه صغيره مش فاهمه حاجه ده غير ان مامتها مش موجودة هتكبر تلاقيني ادامها و انا هكون امها لكن انا بنتي كبيره و فاهمه و باباها موجود و بياثر عليها
تركها عصام و ذهب دون ان يرد عليها
************************
وصل سليم الي قصر الصياد ليجد فريدة و ريناد يتناولون طعام الافطار ط. نهضت فريدة و احتضنته
YOU ARE READING
لن اغفر لك
Romanceعد بي الي حيث كنت قبل ان التقيك ثم ارحل روايه بالعاميه المصرية لو قريت السطور هتقرا قصه رومانسيه ومغامرة خفيفة لكن لو قريت بين السطور هتقرا عن العقبات الي بتقابلها الستات بمختلف اعمارهم فالمجتمع المصري علي مختلف طبقاته تنويه صغتن عشان منزعلش من بعض...
