**************************
في صباح اليوم التالي كانت نجلا تقوم بتوصيل ابنتها "دارين" الي المدرسه و قابلت رامي زوجها السابق الذي كان ينتظرهم امام المدرسه و ما أن ان رأته دارين حتي جريت اليه و احتضنته
دارين: بابي حبيبي وحشتني عامل ايه؟
رامي: انتي كمان واحشاني اوي يا دوري. قوليلي عامله ايه فالمدرسه؟ عايزك تطلعي من الاوائل . شوفي جبتلك ايه. الحلويات الي انتي بتحبها
نجلا: قولي لبابي شكرا يا دوري. و اختاري واحده بس من الحلويات تاخديها معاكي المدرسه و الباقي هاخده البيت و تاخدي منه كل يوم واحده
دارين: شكرا يا بابي . هاخد التشوكليت دي
نجلا: يالا حبيبتي بوسه لمامي و بوسه لبابي و ادخلي المدرسه عشان متتاخريش
و قبلتهم دارين و ذهبت و تبعتها عينا نجلا و ما ان اتطمأنت انها دخلت الي المدرسة توجهت الي رامي
نجلا: من امتي الحنيه دي؟ عايز ايه يا رامي
رامي: عايز اشوف بنتي ايه في مانع؟ اهو انتي هتفضلي طول عمرك كده مهما الواحد يحاول يعمل لازم السواد الي فقلبك ده تطلعيه و تقفليني
نجلا: ده علي اساس ان انا مش عارفاك؟ انت اناني مبتفكرش غير فنفسك و بس. بنتك نفسها و لا تفرق معاك. فهات من الاخر و قول عايز ايه
رامي: تعرفي هتفضلي طول عمرك كده وحيده انتي مفيش حد يستحملك انا لولا بس اني كنت بحبك مكنتش شايف السواد ده كله ولولا بنتي الي بيني و بينك لاكنت هبقي عايز اكلمك و لا اشوفك اصلا
نجلا: ماشي يا حنين حيث كده بقي هات فلوس اجيب لبنتك لبس للعيد
رامي: فلوس ايه يا نجلا الي بتتكلمي فيها! شوفي عايزه كام و انا اجيبهوملك او حتي اخد انا دارين و انزل اجيبله كل الي هي عايزاه
نجلا: وده من امتي الكلام ده!
رامي: طول عمري الي فايدي مش ليا و انتي عارفه. انتي بس الي عشان وحشه فاكره كل الناس وحشين زيك
نجلا: الكلمتين دول تضحك بيهم علي حد تاني لسه ميعرفكش مش عليا انا
رامي: ارجعيلي يا نجلا. انا بحبك و مش قادر اعيش من غيرك
نجلا: انت مش طبيعي. انت مريض نفسي. هو مش انا وحشه و سودا من جوه!
رامي: ايوة بس بحبك اعمل ايه. ارجعيلي يا نجلا
نجلا: ارجعلك! عشان ترجع تضربني تاني؟ انت ناسي انت كنت بتعاملني ازاي! ناسي كنت بتنكد عليا ازاي! ناسي كنت بتذلني ازاي! يا شيخ ده انا بقرف لما بشوفك و لما بفتكر اني كنت بحبك فيوم و مش عارفه انا ازاي كنت متحمله القرف ده. انا لولا ان بيني و بينك دارين و لا كنت بصيت فوشك تاني
YOU ARE READING
لن اغفر لك
Romanceعد بي الي حيث كنت قبل ان التقيك ثم ارحل روايه بالعاميه المصرية لو قريت السطور هتقرا قصه رومانسيه ومغامرة خفيفة لكن لو قريت بين السطور هتقرا عن العقبات الي بتقابلها الستات بمختلف اعمارهم فالمجتمع المصري علي مختلف طبقاته تنويه صغتن عشان منزعلش من بعض...
