دخلت ريم عيادة الدكتورة أمنية وهي تشعر بمزيج من التردد والقلق.
أمنية: أخبارك إيه يا ريم؟ الأسبوع اللي فات كان عامل إزاي معاكي؟ هل التزمتي بالحاجات اللي اتفقنا عليها؟
ريم: حاولت. كتبت في الدفتر اللي قولتيلي عليه، بس بصراحة كان صعب. كل ما أكتب، بحس إني بعيد نفس الذكريات. حاولت أبقى مشغولة زي ما قولتي، بس أفكاري فالموضوع كانت بتلاحقني طول الوقت
أمنية: ده طبيعي يا ريم. المواجهة مع الماضي والتعامل مع المشاعر العميقة بياخد وقت. مش المفروض نخلص من كل حاجة في يوم وليلة. الأهم إنك حاولتي، وده لوحده تقدم.
ريم بتردد: بس ساعات بحس إن مفيش فايدة. لسه بحلم بيه، ولسه بحس إنه موجود في حياتي، حتى بعد ما جربت الحبوب اللي كتبتيهالي.
أمنية: الحبوب هدفها تهدئة عقلك أثناء النوم، مش إنها تمحي الذكريات. وعشان نتغلب على الأحلام دي، محتاجين نفهمها. قوليلي إيه اللي كنتي بتحلمي بيه بالظبط؟ كوابيس بيقتلك فيها؟
اومأرت ريم برأسها نافيه
ريم بصوت مهتز: احلام حلوة. بحلم اننا لسه مع بعض زي بداية جوازنا
أمنية: للي بتحسيه في الحلم ده انعكاس للمشاعر اللي جواكي. عقلك الباطن لسه بيحاول يرجع للحظات الامان الي عيشتيها معاه. بس لازم نكون واضحين: الأمان اللي بتدوري عليه مش هتلاقيه في الماضي، خصوصًا مع شخص زي سليم.
ريم بإحباط: عارفة ده، بس مش قادرة أتحرر من اللي حصل. و في افكار كتير بتجيلي
امنية: زي ايه؟
ريم: زي اني عايزة ادور ورا الناس الي هو كان شغال معاهم و ابلغ عنهم بس مش عارفه دي افكار صحية و لا عقلي الباطن بيخدعني بردة عشان افضل جوة الموضوع
امنيه: بالعكس دي خطوة حلوة هتساعدك تشوفي الامور علي حقيقتها بس اهم حاجه متعرضيش حياتك للخطر. لو تعرفي حاجه روحي بلغي و الشرطه هي تدور عليهم
ريم: حاضر
أمنية: الفترة دي خلينا نركز على الحاضر وعلى الحاجات اللي ممكن تديكي شعور بالأمان من غير ما تلتفتي للماضي. استمري في الكتابة، وجربي تمارين التنفس الي هبعتهولك علي الواتس، وكمان ممكن نبدأ نغير بعض العادات اليومية.
ريم: زي إيه؟
أمنية: زي إنك تحطي حدود واضحة لأفكارك. لما تحسي إنك بتفكري في سليم، حاولي تستبدلي الفكرة بحاجة إيجابية. زي ما قولتي، مفيش فايدة في إنك تعيدي نفس الذكريات كل مرة.
ريم: هحاول. بس ممكن أحتاج مساعدة أكتر.
أمنية: وإحنا هنا علشان كده. كل جلسة هي فرصة لمساعدة نفسك. إنتي مش لوحدك في ده يا ريم، وأنا هنا معاكي خطوة بخطوة. ادي نفسك فرصه تانيه يا ريم انك تبدأي من جديد و عيشي الحياة
***************************
وصلت ريم إلى مقر الشركة وطلبت من الاستقبال ان تلتقي بنجلا في مكتبها.
YOU ARE READING
لن اغفر لك
Romanceعد بي الي حيث كنت قبل ان التقيك ثم ارحل روايه بالعاميه المصرية لو قريت السطور هتقرا قصه رومانسيه ومغامرة خفيفة لكن لو قريت بين السطور هتقرا عن العقبات الي بتقابلها الستات بمختلف اعمارهم فالمجتمع المصري علي مختلف طبقاته تنويه صغتن عشان منزعلش من بعض...
