اثناء عودة سليم من عمله كان هو يقود السياره و بجواره عصام بمفردهما
سليم: في حاجه مهمه عايز اقولك عليها
عصام: قول
سليم: كلمت باولو النهارده و وافق ان اشتغل معاه فالسلاح كمان
عصام: هايل. دي خطوة مهمه جدا
اومأ له سليم ايجابا
سليم: قولتله ان معايا طلبات بالفعل جاهزة لكن انا مش عايز ابقي مجرد سمسار بيجيب المطلوب و بياخد عمولته انا عايز اشوف و اعرف كل الانواع الموجوده عنده فاتفق معايا اني هسافره قريب اشوف الموجود عنده
عصام: حلو جدا
سليم: لازم بقي تجهز مشتري تقيل
عصام: موجود و النهارده الطلبات بتاعتهم هتكون عندك. مالك قلقان ليه؟
سليم: سوق السلاح ده خطير يعني قبل كده كنا بنتعامل مع عيال فرافير انما ده عصابات و ناس شغلتها الموت
عصام مازحا: و ارهابين كمان.
سليم ضاحكا: حاسك عايز تقولي حاجه
عصام: اول زبون ليك الجماعه بتوع ولاية سينا
سليم: لا يا عصام مش للدرجادي. انا مبحبش الناس دي
عصام: هو احنا هنناسبهم؟! دول الي هيطلبوا كميه كبيره و فلوسهم حاضره. وانا مرتب معاهم كل حاجه فاضل بس تقابلهم. هرتبلك معاهم ميعاد بكره
سليم: تمام
عصام: انا كمان عايز اقولك علي حاجه. ريناد النهارده كانت فالنادي مع صحابها و شهاب اخو خديجه صاحبتها كان معاهم
سليم: و فيها ايه؟!
عصام: اعدو لوحدهم شويه و تقريبا كده في بدايه اعجاب
سليم: تخلي عينك عليها يا عصام. انا مش حمل مشاكل من ناحيه ريناد دلوقتي خالص. انا حياتي ملغبطه بما فيه الكفايه
عصام: مش محتاج توصيني يا سليم
سليم: عموما شهاب انا اعرفه من زمان واعرف اهله. بس بقالي سنين معرفش عنه حاجه. حهزلنا كده فايل عنه نبص عليه نشوف الغربه عملت فيه ايه
****************************
مر اليوم الاول بالشقه علي ريم ببطء فهي تشعر بالغيظ والعجز الشديد و قلة الحيلة. كان الغضب بداخلها تجاه سليم شديد و تجاه نفسها اشد فهي من وضعت نفسها فهذا الوضع معرضه حياتها و حياة صديقتها و اسرتها للخطر. كلما تتذكر ان سليم هددها بقتلهم تحتقره بشده كيف استطاع ان يفعل ذلك بها. كيف استطاع ان يوجه سلاحه تجاه طفله لم تتجاوز العاشرة من عمرها
رات ريم السيده التي تتحدث لغة لا تفهمها بدأت بتجهيز طعام الغداء علي الطاوله و رحلت و بعدها بدقائق عاد سليم الي الشقة. بمجرد ان دخل من الباب اشاحت ريم بنظرها عنه
YOU ARE READING
لن اغفر لك
Romanceعد بي الي حيث كنت قبل ان التقيك ثم ارحل روايه بالعاميه المصرية لو قريت السطور هتقرا قصه رومانسيه ومغامرة خفيفة لكن لو قريت بين السطور هتقرا عن العقبات الي بتقابلها الستات بمختلف اعمارهم فالمجتمع المصري علي مختلف طبقاته تنويه صغتن عشان منزعلش من بعض...
