عد بي الي حيث كنت قبل ان التقيك ثم ارحل
روايه بالعاميه المصرية
لو قريت السطور هتقرا قصه رومانسيه ومغامرة خفيفة لكن لو قريت بين السطور هتقرا عن العقبات الي بتقابلها الستات بمختلف اعمارهم فالمجتمع المصري علي مختلف طبقاته
تنويه صغتن عشان منزعلش من بعض...
استيقظ سليم علي صوت هاتفه كانت نجلا هي المتصله الغي سليم المكالمه و ارسال لها رساله "مش هعرف ارد ابعتي هنا" و وصل له الرد بعد لحظات "لازم تكلمني ضروري في مشكله فالجمارك". خرج سليم الي الشرفة و تحدث معها
سليم: خير يا نجلا في ايه
نجلا: سوري والله اني بكلمك النهارده و بدري كده بس في كيماويات جايالنا من اليابان محجوزه فالجمرك عشان مشتبه فيها و عايزين يدخلوها تحاليل و الحكايه دي ممكن تطول
سليم: سيبيهم يحللوها زي ما عم عايزين مفيش مشكله. راجعي بس الاستوكات الي عندنا من الكيماويات دي و لو في حاجه منهم ناقصه اتصرفي و اشتري من اي حد تاني جوة مصر حتي لو سوق سودا. المهم اتاكدي ان عندنا استوكات تغطينا شهر
نجلا: تمام
اغلق سليم الهاتف و لكنه شعر بالقلق الشديد. ايمكن ان تكون تلك احد الاعيب جمال؟ نزل سليم الي مكتبه ليستطيع التحدث بحريه حتي لا تسمعه ريم و قام بالاتصال بجمال
جمال: صباح الخير يا عريس
سليم: سؤال واحد يا جمال. الشحنه الي جايه من اليابان انت حاطط فيها حاجه من ورايا؟
جمال: حاجه من وراك ازاي بس؟
سليم بغضب: انت هتستعبط! حاجه زي الي بتحطهم فمخازني
جمال: لا يا سليم مفيش حاجه بجيبها من بره من وراك و الي بحطه فمخازنا ده كله صناعه محلي
سليم: الشحنه محجوزه فالجمرك و داخله تتحل. لو في حاجه قولي غشان الحق الم الموضوع
جمال: متقلقش يا سليم مفيش حاجه
سليم: ماشي يا جمال همشي وراك المره دي مش عشان واثق فيك لا عشان انت عارف ان ابنك رسميا لسه مسؤل الجودة و لو طلع فيها حاجه هلبسهاله ميري
جمال: طب اديك قولت. اتطمن *************************** استيقظت ريم في ظهر اليوم التالي لم تجد سليم بجوارها. نهضت و بحثت عنه بارجاء المكان و لكنها لم تجده. اتصلت عليه ليخبرها انه بمكتبه ينهي بعض المكالمات فقررت ان تنزل الي الحديثه و تتمشي بارجاء للمكان لتتعرف عليه. انبهرت ريم بالمكان و شعرت براحه نفسيه كبيره به الحديقه هادئه
Oops! This image does not follow our content guidelines. To continue publishing, please remove it or upload a different image.
