كانت ريم تجلس امام دكتورة امنية الطبيبة التي رشحتها لها سارة. لم تكن ريم مقتنعة بجدوي المتابعة معها و لكنها وافقت بعد اصرار سارة فقط . قصت ريم عليها كل شئ عن والدها و عن علاقتها بسليم كيف بدأت و كيف انتهت و عن الصراع بداخلها
أمنية: طيب انتي ايه الي محتاجاه دلوقتي؟
ريم بتهكم: هكون محتاجه ايه يعني يا دكتورة! انا اصلا مش محتاجة حاجه و شايفة ان الي انا بمر بيه طبيعي و هي مسألة وقت و هتعافي نفسيا من الي حصل
أمنية: اولا الي انتي فيه مش طبيعي وثانيا فعلا هي مسألة وقت و تتعافي بس سؤالي مش عن ده. سؤالي انتي عايزة لما تتعافي توصلي لايه يا ريم؟
ريم: مش فاهمه
أمنية: افهمك بس طولي بالك معايا شويه و افهمي بقي من الاول ايه الي حصل جواكي وصلك للغبطة دي
ريم: اتفضلي
أمنية: اي انسانه طبيعية هتقابل راجل و هتحبه و تكتشف انه بيتسبب فقتل و موت ناس، طبيعي هتكرهه بس وراد تتعاطف معاه تحاول تغيره، لكن لما يحاول يقتلها هي و بدم بارد اكيد هتكرهه و عمرها ما هايبقي جواها اي مشاعر حب تجاهه. لكن ده محصلش معاكي هنا لازم نسال ليه
ريم: انا اوقات فعلا بحس انا بكرهه بس اوقات تانيه بيوحشني و حقيقي مش فاهمه حاجه ازاي يوحشني حد وانا متاكدة ان وجوده هيأذيني
أمنية: عندنا عقلين يا ريم عقل واعي و عقل باطن. تفتكري انهو فيهم الي بياخد معظم قرارات حياتنا
ريم: العقل الواعي
أمنية: للاسف لا. العقل الباطن بياخد 80% من قراراتنا. لما تتحط ادامك اكله بتحبيها و تاكلي منها كتير لحد ما بطنك توجعك ده قرار عقل باطن مش عقل واعي. لما تزعلي فتنامي كتير ده عقل باطن. لما يعجبك فستان و تشتريه رغم انه غالي ده عقل باطن. لما بنصرف مرتبنا كله اول كام يوم فالشهر ونشحت باقي الشهر ده عقل باطن و حاجات كتير لو فكرنا فيها هتلاقي زي ما بقولك معظم قراراتك عقل باطن. جوازك من سليم عقل باطن الصراع الحالي بين مشاعرك هو صراع بين عقلك الواعي و عقلك الباطن وعشان نفهم ايه الي بتمري بيه دلوقتي لازم نفهم عقلك الباطن بيفكر ازاي
ريم: اتفضلي كملي
أمنية: العقل الباطن مبيتخذش قرارات بناءا علي موقف واحد لا ده بياخد قرارات بناءا علي تراكمات السنين عشان كده الناس بتنضج بعد التلاتين لما بتبقي مرت بتجارب كتير
ريم: عقد الطفوله بقي و كده؟
أمنيه: مش شرط. تعالي نشوف الاحداث الي مريتيى بيها فحياتك واحده واحده. انتي بنوته وحيدة باباها و مامتها مدلله بابا شغله بيكبر و المستقبل ادامك مشرق. اول صدمه مريتي بيها هي موت مامتك هنا عقلك الباطن لاول مره بيكتشف اننا ممكن نفقد الامان بس تكيف مع الوضع عشان بابا موجود و الحياة لسه مستقرة و المستقبل مشرق. طيب تكيف ازاي؟ عقلك الباطن كان بياخد 100% من الامان من شخصين باباكي و مامتك. لما مامتك اتوفت طبيعي عقلق الواعي يفقد 50% من الامان لكن الي حصل ان عقلك الباطن عشان ميفقدش حاجه راح حاطط ال 100% امان عند باباكي
YOU ARE READING
لن اغفر لك
Romanceعد بي الي حيث كنت قبل ان التقيك ثم ارحل روايه بالعاميه المصرية لو قريت السطور هتقرا قصه رومانسيه ومغامرة خفيفة لكن لو قريت بين السطور هتقرا عن العقبات الي بتقابلها الستات بمختلف اعمارهم فالمجتمع المصري علي مختلف طبقاته تنويه صغتن عشان منزعلش من بعض...
