************************
في صباح اليوم التالي استيقظت ريم و اتصلت علي المشفي التي تعمل بها و ادعت اصابتها بوعكة صحية و اخذت اليوم عطلة مرضية. ارتدت ملابسها و توجهت ل زيارة قبر والديها. بعد ان قضت الساعه الاولي في قراءة القرآن اغلقت مصحفها و نزلت من علي الكرسي لتجلس بالارض امام باب القبر و تعلقت به كالطفل الخائف الذي يحتمي بوالديه و اخذت تبكي بحرارة
ريم: ليه بس سيبتوني لوحدي؟! كنتو حتي جيبتولي اخ اتسند عليه. ليه يا بابا وثقت فجمال ده؟! كل الناس عايشه حياه طبيعيه الا انا . انا الي لازم اعيش بذنب معملناهوش. ذنب هيفضل يطارني طول عمري. قطعت علاقتي بكل الي اعرفهم و حاولت ابدأ بدايه جديده مع ناس جديدة لكن مفيش فايده كل ما حد يقرب مني و يعرف الحقيقه بيبعد عني فورا. قولت مش مهم و قررت اعيش لوحدي. مش عايزة اعرف حد. برده الماضي جاي يطاردني و ياعالم عاوزين مني ايه. كان نفسي بس يكون حتي حد منكم جمبي دلوقتي. وحشني حضنكو اوي. لكن لا انا مش هسكت و مش ههرب المره دي انا هواجهه و هقف و هعرف كل الناس الحقيقه
ثم نهضت من مكانها و نفضت التراب عن ثيابها و اخرجت هاتفها و اتصلت علي حسام
حسام: الو ازيك يا ريم
ريم: انا تمام الحمد لله. انا موافقه يا حسام اعمل الي انت عاوزني اعمله
حسام: مال صوتك؟ انتي كويسه؟
ريم: انا تمام متقلقش
حسام: عندك شغل النهارده؟
ريم: لا خدت اليوم اجازة
حسام: خلاص تعالي نتغدا سوا و نتكلم
*************************
في صباح نفس اليوم بقصر الصياد كان سليم يتناول طعام الافطار مع والدته
فريدة: روحت انادي ريناد عشان تفطر قالتلي انك قايلها متخرجش من اوضتها طول مانت موجود
اومأ سليم لها ايجابا دون ان ينظر لها
فريدة: متقساش علي اختك يا سليم انتو ملكوش غير بعض يا حبيبي
سليم دون ان ينظر لوالدته: انا بقسي عليها يا امي؟
فريدة: يعني جايبها امبارح من بره وواخدها علي المكتب وتلاقيك زعقتلها . و خرجت من المكتب مفتوره من العياط و دلوقتي حاكم عليها متطلعش من اوضتها. كل ده ليه عشان اتاخرت شويه!
نهض سليم و لم يكمل طعامه و لم يرد علي والدته
فريدة بصوت مرتفع: اما اكون بكلمك متسيبنيش و تمشي.
وقف سليم دون ان يلتفت لها: ابقي اساليها عملت ايه الاول قبل ما تيجي تحاسبيني. و مهياش هتسافر معاكي
فريدة: للدرجادي يا سليم!
توجه سليم الي المطبخ دون رد وجد السيدة فاطمة "مديرة المنزل"
سليم: ازيك يا دادا عامله ايه
فاطمة: الحمد لله يابني انا تمام الحمد لله فنعمه. انت عامل ايه طمني عليك
YOU ARE READING
لن اغفر لك
Romanceعد بي الي حيث كنت قبل ان التقيك ثم ارحل روايه بالعاميه المصرية لو قريت السطور هتقرا قصه رومانسيه ومغامرة خفيفة لكن لو قريت بين السطور هتقرا عن العقبات الي بتقابلها الستات بمختلف اعمارهم فالمجتمع المصري علي مختلف طبقاته تنويه صغتن عشان منزعلش من بعض...
