لن اغفر لك

11- ماس

في صباح يوم الخميس كان سليم بمكتبه يراجع بعض الملفات و قام بالاتصال بنجلا

سليم: ايوة يا نجلا ازيك. عملتي ايه فاجراءات السفر

نجلا: حجزتلك طيارة هتتحرك بيك الساعه 10 بالليل. الرحله 12 ساعه و ترانزيت فالمغرب 4 ساعات

سليم: كده هوصل هناك 2 الضهر و انا قولتلك عايز ابقي هناك بدري

نجلا: في فرق توقيت 6 ساعات يا سليم يعني هتوصل هناك 2 الضهر بتوقيتنا لكن 8 الصبح بتوقيتهم

سليم: الله ينور . طيب انا مش هاجي الشركة النهارده انتي عندك حاجه عطلانه عليا؟

نجلا: ورق لازم يتمضي

سليم: طيب تعالي افطري معانا و نخلص الشغل بعد الفطار

بعد ان انهي سليم مكالمته مع نجلا قام باستدعاء عصام

سليم: نجلا حجزت الطيارة و هتحرك 10 بالليل.

عصام: تمام و انا اديتها باسبورات الحرس الي هيسافروا معاك و خلصتلهم الورق. هيطلع معاك سعيد

سليم: بتثق انت فيه اوي

عصام: واد رجوله ونضيف من جوة اضمنه برقبتي

سليم: طيب زي الفل نتوكل علي الله

عصام: شركة البدر وصلت المينا النهارده الصبح. نبلغ؟

سليم: بلغ طبعا ودي عايزة كلام! عايز وانا مسافر يا عصام عينك علي ماما وريناد وريم واوعي جمال يستغل سفري و يعمل اي حاجه

عصام: عيب عليك متقلقش

سليم: عملت ايه فموضوع ريناد

عصام: متقلقش كله هيمشي مظبوط. عايزك انت بس تركز فحوار باولو ده عايزين نرجع من هناك معانا اتفاقيه جامدة

سليم: عيب عليك

عصام: هتروح فحته النهارده قبل السفر؟

سليم: لا هقضي اليوم فالبيت حتي قولت لنجلا تيجي نفطر يوا و نخلص الشغل المتاخر. ابقي تعالي افطر انت كمان

عصام: اتفقنا. هروح اظبط الدنيا مع الشباب و اجيلك
**************************
استيقظت ريم و هي مليئة بالحيوية و النشاط و اتصلت علي حسام و ابلغته بزيارة سليم لها بالامس و لكنها لم تخبره بسفره الي ڤينزويلا. لا تدري هل نست ام تناست
كانت ريم بالنادي الرياضي تمارس تمارينها الرياضيه علي المشاية الكهربائية و كان بجوارها سيدة في بدية الاربعينات من عمرها و لاحظت ريم ان السيدة بدأت تفقد توازنها فاوقفت مشايتها و المشليه الخاصه بالسيدة علي الفور و اسندتها قبل ان تقع ارضا

ريم: انتي كويسه؟ عندك ضغط او سكر؟

نجوي: سكر. الجهاز فشنطتي فاللوكر بتاعتي