هستاذنكم لو قابلتكم اي اخطاء إملائية اكتبولي عليها كومنت و انا هصلحها
**************************
استيقظت ريم في صباح يوم الثلاثاء و توجهت الي النادي الرياضي الذي تتمرن به بعد ان ابلغتها صديقتها نجوي انه تم فتحه مره اخري واتفقتا علي اللقاء
انهت ريم تدريباتها ولكن لم تصل نجوي بعد. اتصلت بها ريم عدة مرات و لكن دون جدوي فلم ترد نجوي.
بدلت ريم ثيابها سريعا و صعدت الي الطابق التي تقطن به نجوي و رنت جرس الباب فتحت لها نجوي وكان يبدو عليها آثار النعاس
ريم بقلق: الحمد لله ان انتي بخير. انت قلقت عليكي اوي
نجوي: انا اسفه والله راحت عليا نومه. مش عارفه ازاي مسمعتش المنبه. تعالي اتفضلي
ريم: لا مفيش داعي. المهم اني اتطمنت عليكي
نجوي: والله ما يحصل. مينفعش ابدا تيجي لحد هنا و متدخليش
دخلت ريم وجلست بغرفة الاستقبال
نجوي: منوراني والله تشربي ايه؟
ريم: ولا اي حاجه. انا بس قلقت لاني رنيت عليكي كتير
نظرت نجوي الي الهاتف لتجده علي الوضع الصامت
نجوي: كان سايلنت. انا اسفه والله خضيتك عليا اكيد عملته سايلنت بالغلط. انا هقوم اعملنا حاجه نشربها
عادت نجوي باحد العصائر و قطع من الكيك. بعد مرور حوالي النصف ساعة اخذتا فيها تناول اطراف الحديث
نجوي: هقوم اعملنا بقي دور نيسكافيه
اثناء تواجد نجوي بالمطبخ رن جرس الباب ليعلو صوت نجوي مناديه علي ريم
نجوي: معلش يا ريم هستاذنك افتحي بس انا طالبه حاجات من السوبر ماركت علي ما اجيب الفلوس
نهضت ريم وقامت بفتح الباب لتجد سليم امامها و يقف عصام خلفه بعدة خطوات. تفاجأت ريم و تعجبت من تواجد سليم امامها
ريم: سليم! بتعمل ايه هنا؟
سليم: جاي اتفرج علي الهانم المحترمة وهي اعدة مع راجل فشقه مفروشة لوحدها
ريم: انت اتجننت!
عصام: طيب انا هستناك تحت
سليم دون ان يلتفت له: لا استني متنزلش.
حطي سليم عدة خطوات محاولا دخول الشقة لتوقفه ربم وقام هو بدفعها و الدخول
ريم: انت رايح فين؟! هتدخل بيوت الناس من غير استئذان كمان؟!
سليم: ماهو البيه الي انتي جايه تقابليه لسه موصلش عشان استاذن منه
قام سليم بامساك ريم من شعرها بشده واخذ يتجول بارجاء الشقه بادئا بغرفة الاستبقال حتي غرفة النوم ليري ما اثار غضبه بشده ليترك شعر ريم وقام بصفع وجهها صفعتين متتاليتين اسقتتها اخرتهم علي الارض وصاح بها سليم غاضبا
YOU ARE READING
لن اغفر لك
Romanceعد بي الي حيث كنت قبل ان التقيك ثم ارحل روايه بالعاميه المصرية لو قريت السطور هتقرا قصه رومانسيه ومغامرة خفيفة لكن لو قريت بين السطور هتقرا عن العقبات الي بتقابلها الستات بمختلف اعمارهم فالمجتمع المصري علي مختلف طبقاته تنويه صغتن عشان منزعلش من بعض...
