لن اغفر لك

18- الجوازة دي لا يمكن تتم

استيقظت ريم يوم الخميس علي صوت جرس الباب. لملمت شعرها و فتحت لتجد سارة امامها

ريم: ليه الانسان ممكن يصحي اخوه الانسان ٧ الصبح.

سارة: 8 مش 7

ريم: فرقت! المفروض الي يصحي حد من النوم ده تكون عقوبته 20 جلدة

ساره: مانتي مختفيه بقالك يومين قولت اجيلك والحقك قبل ما تنزلي عشان اتطمن عليكي

ريم: والله يا سارة كانو يومين صعبين اوي بس الحمد لله عدوا

ساره: ايه بس الي حصل

ريم: هحكيلك. كان في واحده متعرفه عليها فالچيم كان عندها السكر و بيجيلها غيبوبه اعدت بقي تقولي انها عايشه لوحدها و بتاع فكنت بطلع اتطمن عليها لو مجتش الچيم و مردتش علي التليفون

سارة: كويس جدا

ريم: اه. اخر مره طلعتلها بقي قالتلي اتفضلي فاتفضلت. شويه و الجرس ضرب قالتلي قومي افتحي و عينك ما تشوف الا النور بقي

ساره: ايه الي حصل؟

ريم: لقيتلك سليم ادامي و دخل الشقه واعد يدور فيها و بزعق

ساره: ليه ده كله ؟!

ريم: اتاري الشقه دي مأجرها الحيوان ابن عمي و كنت كل ما بروح الچيم بيروح هو هناك و الست الي انا اتعرفت عليها دي متفقه معاه عشان سليم يفكر ان بيني و بين مازن حاجه و ببعد عني

ساره: وبعدين

ريم: ولا حاجه قولت لسليم انا معرفش ان الشقه دي بتاعه مازن و ان دي شقه واحده اتعرفت عليها. قالي انه مصدقني و خدني روحني و راح بقي جاب مازن و عرف منه ان هو الي عامل كل ده

ساره: طب و هو يستفيد ايه ؟

ريم: ماهو طلع بقي جمال هو الي زاقق مازن عليا و دافعله فلوس كمان عشان عايزني ابعد عن سليم عشان مقولش لسليم علي الي عمله مع بابا و لا اعرفه ان جمال بيشتغل فالمخدرات

سارة: ده علي اساس ان هو مش عارف

ريم: ايوة مكانش عارف و دلوقتي هو بيدور ورا جمال و لو وصل لحاجه هيقولي

سارة: يابنتي افهمي دي واحد بيتاجر فارواح الناس. مش هيبقي صعب عليه انه بكدب عليكي

ريم: انا خليته حلف علي المصحف

سارة: و هو الي بيتاجر فالمخدرات هيخاف يحلف كدب!

ريم: انا مصدقاه لان هو غني و وارث ايه الي هيخليه يعمل كده

سارة: طيب علي الاقل اجلي الجواز لحد ما نناكد

ريم: بصي انا صليت استخاره و هسيبها علي ربنا و انا مرتحاله و متطمنه و اتفقنا ان هنتجوز كمان 10 ايام

ساره: الله يسامحه حسام. هو الي دخله فحياتك

ريم: صدقيني و صدقي احساسي و متقلقيش بقي و خليها علي ربنا