يوم من ايام الاسبوع ، ملتمين العايله في المزرعه ، ع الليل الكبارية راقدين والبنات والشباب قاعدين ، الشباب قاعدين برع وشابين الضو ، اما البنات قاعدين في الفيلا
شيخه : قومي يزوي نطلع شوي نتمشى ونشم هوى
اليازيه : لا تطلعين تووه سهيل قالي ربعه موجودين محد يطلع برع
شيخه : نحن بنقعد داخل عشان خاطر ربعه قومي خ نطلع
اليازيه : دقيقه خ اشووف وين قاعدين هم "قامت تشوف من الدريشه" خ نطلع من الباب اللي ورا احسن
شيخه : يلا عيل طلعنا
قاموا يطلعون وهم يتمشون بين الشير شيخه طلعت الشيشه الالكترونية تدوخ
اليازيه : الله ياخذج قوولي امين
شيخه : مكتومه
اليازيه : يعلج تنكتمين زياده الحين لو حد شافج ما ترتاحين غيير يوم تسوين لنا مصيبه
شيخه : بلاج انتي محد درى عني ظلام وليل
اليازيه : انتي من قمتي ترابعين هالبنات اللي فالكليه اندمرتي
شيخه : حرام علييج والله انهم زينات وبعدين الواحد كم بيعيش خليني اعيش حياتي بطولها وعرضها ومستانسه لو تمينا ع اهلج مابنوصل مكان خلج انتي خايفه جي ، هاج ودج تجربين؟
اليازيه ضربتها ع ايدها : مابي اندمر نفسج
شيخه : كيففج
شيخه قعدت تدوخ لين حست بعوار بصدرها قعدت تكح وقعدت ع الارض
