ام منصور : لا مب عايبتني اليوم شيخه ، شو فيها تعبانه اليوم !
العنود : عادي امييه كلنا نتعب
صوب شيخه رقدت حذال بنتها ، ع الصبح نشت وحست عمرها بعدها تعبانه ، دقت لامها
شيخه : اميييه تعالي شليني المستشفى
ام سهيل : ليش شو فيج !
شيخه : تعبانه من امس مدوخه ومصدعه ورجعت رقدت بيوعي للحين حاسه عمري تعبانه
ام سهيل : وين منصور ليش ما يوديج؟
شيخه : بالدوام
ام سهيل : يلا الحين يايتنج
شيخه قامت تجهز ، نزلت بنتها معاها ، سلمت ع عمتها
شيخه : انا بطلع مع امي
ام منصور : الله يحفظكم
طلعت ركبت مع امها السياره
ام سهيل : رايحين المستشفى ليش يايبه تاليا معاج !
شيخه : مابي اثقل على عمتي روحها محد عندها
راحوا المستشفى، شيخه دخلت تسوي تحاليل وفحوصات بعدها بشوي عند الدكتوره
الدكتوره : تحاليلج سليمه ، انتي حامل
طالعت امها مصدومه : حامل !!
الدكتوره : هيه مبروك
شيخه تمت مصدومه ومب مصدقه وبنفس الوقت مستانسه ، طلعت مع امها في السياره
ام سهيل : زيين يوم حملتي كنت خايفه فيج شي
شيخه : بسم الله شو بيكون فيني !
ام سهيل : اشوفج طولتي واييد ، الله يتمم هالحمل على خير
شيخه : امين ، امييه ادعيلي دوم انه يتم ، خايفه
ام سهيل : بدعيلج وانتي ادعي لعمرج وله وان شاء الله ، الله بييبه ، اوديج بيتنا ولا بتردين عندهم؟
شيخه : لالا رديني عندهم تعبانه ابي اريح شوي واصلا منصور بعد شوي بي
ام سهيل : زين سلمي عليه
