محمد : خبرتيها؟
شيخه : هيه بس حسيتها كانه مب عايبنها اني اسير معاك
محمد : قلتلج ما بعيبها
شيخه : عادي بعدين انا وين سايره معاك؟ بس طالعه اشم هوى شوي
محمد : وين لج خاطر اوديج؟
شيخه : مابي انزل مكان خلنا بالسياره الكوفي اللي اخر مره يبته لي عيبني ابي اجربه بعد مره
محمد : اوك ماطلبتي شي
محمد مر للكوفي ونزل ياخذلها كوفي وعقب ركب السياره وعطاها
محمد : عليج بالعافيه
شيخه : ربي يعافيك
محمد : بتسيرين معاي المول؟ لاني ماخذ شي وابي ارجعه ما ناسبني ولا اخليه عقب ما انزلج؟
شيخه : عادي سير بنزل معاك يمكن يعيبني شي واخذ
محمد : خلاص عيل
محمد مر المول ونزلوا ، دخل المحل اللي يبيه شيخه قعدت تترياه لين طلع ، عقب تموا يمشون ومسافه من بينهم ، محمد تقرب منها
محمد : ماتبين تاخذين لج شي؟
شيخه : حسيت اني ابا بس تذكرت امس خلصت بيزاتي دقيقه بدق لمنصور يطرشلي بيزات
محمد : لا تدقين له انا بدفع انا واخوي واحد
شيخه : لا شو تدفع لي !! مايصير والله بدق لمنصور ويت
دقت لمنصور طول لين رد عليها
منصور : ها
شيخه : شو ها؟ اقولك طرشلي بيزات انا طالعه
منصور : كيف طالعه ومتى طلعتي وليش ماتخبريني شورج براسج
شيخه : انت طرش وانت ساكت
منصور : مابطرش يوم بتستاذنين مره ثانيه بطرشلج يلا
