منصور : لا مافيني شي
شيخه : عيل؟ ليش جي بترقد
منصور : صار اليوم موضوع وضايقني مابا اتكلم فيه خليني ارقد لاني مصدع
شيخه : اوك برايك ارقد
منصور رقد عنها بعد يوم ع العصر مايد نزل وشافهم كلهم قاعدين وقف
مايد : امييه ابي اكلمج بموضوع
ام منصور : تعال كلمني جدام اخوانك
مايد : لا ابي اتكلم معاج روحنا
ام منصور : خيير فييه شي؟
مايد : تعالي
ام منصور قامت معاه ودخلوا يقعدون في الصاله الثانيه
ام منصور : شفيك خوفتني فييه شي صاير معاك؟
مايد : هيه انا ابا اتزوج
ام منصور : خوفتني ع بالي فييه شي انزين بخطب لك اجمل واحسن بنت
مايد : لا انا مختار البنت وابيها
ام منصور : بعد بتسوي شرات منصور تتزوج ع ذوقك
مايد : هيه منصور مب احسن عني انا بعد ابي اتزوج اللي اباها
ام منصور : منو هاي بعد؟ من بنته و وين تعرفها؟
مايد قعد يتكلم عن دانه معاها ، ام منصور من كلام مايد ما اقتنعت فيها وحست مب مرتاحه
مايد : ها شو قلتي متى بتكلمين امها؟
ام منصور : خلني اكلم اخوانك اول وعقب بكلم امها
مايد : لا تخبرين حد
ام منصور : كييف ما اخبرهم هذيل اخوانك ماتباهم يفرحون لك
مايد : اباهم بس مب الحين
ام منصور : عيل متى؟
مايد : اذا صار نصيب كلمي امها اليوم
ام منصور : ان شاء الله بكلمها اليوم
