قاموا واقعدوا في الصاله الثانيه
شيخه : ها شو تبيني؟
العنود : علاقتي مع ناصر تطورت وصارت فيج تقوليين كلها حب
شيخه : مسرع باسبوع صارت كلها حب !
العنود : قوولي ماشاء الله عن تحسدينا
شيخه : ماشاء الله ، فييه زواج بالطريق يعني؟
العنود : هيه ان شاء الله ، انا تكلمت معاه عن موضوع الزواج و ماعارضني بالعكس حسيته حاب انه يرتبط فيني
شيخه : والله زين اخيرا بنشوفج عروس مع اني كنت ابيج لاخوي
العنود : دخيلج خلييه لج مابيه ، اي شي ايي منج انتي ومنصور مابييه ، محد كان مكرهني بالزواج غيركم
شيخه : افا ما هقيتها منج بس زعلت منج
قامت وسارت تقعد لعندهم ، ع المسى كانت قاعده روحها محمد دخل البيت شافها روحها ، راح يقعد معاها
محمد : زين يوم انج روحج شكلج ماسمعتي باللي استوى يوم كنتوا مسافرين
شيخه : لا شو صار ! شو مستوي؟
محمد : تقدمت لاختج وامج رفضت
شيخه انصدمت : الحمدلله يوم انها رفضت شو تبا في اختي انت؟!
محمد : مابي منها الا كل خيير ابي اتزوجها عشان اكون قريب من بنتي بس
شيخه : مالقييت غير اختي عسب تكون قريب منها؟ محمد شوف اذا تبي تاليا تقدر تشوفها تراك اي وقت لا تحسسني انه نحن في بيت وانت في بيت ، ترانا كلنا قاعدين تحت سقف واحد ، ماله داعي تدخل اختي عشان اونك تكون قريب منها
محمد : في بيت واحد ما ختلفنا ، بس اقدر اطلع معاها واخذ راحتي وياها؟ لا ، اقدر اسافر معاها؟ لا ، كل شي لا عندج انتي ، وبعدها انتي ومنصور اكيد مابتمون طوول العمر ساكنين بهذا البيت ، مردكم بتطلعون وبتستقرون في بيت روحكم ، وزواجي من اختج بينفعني و ما بيضرها ، لا تفكرين بنفسج ولا بالماضي ، ترا الانسان يتغير مايتم على ماهو ، انا احاول اعدل من عمري واصير انسان زين عشان بنتي واظني انتي شايفه
شيخه : شوف تبي تتزوج كيفك تزوج بس مب اختي
محمد : بس انا مابي غير اختج ، وتقدرين تسالينها اذا هي تبيني او لا
شيخه : اكيد بتقول لا اختي واعرفها
محمد : ويمكن الجواب العكس
شيخه : مابيكون عكس الا اذا كنت لاعب براسها
محمد : اختج كبيره مب صغيره واظني فاهمه وعاقله مافي شي بلعب براسها ، اختج مطلقه وانا مطلق ، ومب سهل تلقى لها زوج عقب ماتطلقت
شيخه : لا سهل وانا واعدتنها زواجها بيكون ع ايدي بس مب علييك انت
محمد : يمكن النصيب يباني انا
شيخه : انا ماقدر اتحملك اكثر تصبح ع خير
