اليازيه طلعت
دانه : شفيهم اهلج مايحترموني لا امج ولا اختج
شيخه : ماعليج منهم ماعرف بلاهم اليوم كل وحده نفسيتها بخشمها
دانه : انزين بتطلعين الحين ولا؟
شيخه : طبعا لا
دانه : انا اقول طلعي احسن لا تبينين لهم انج مكسوره بيستغلونج عقب جي قومي طلعي ولا كانه شي صار يلا
شيخه : مابي
دانه : لا طلعي مايصير ماتطلعين يلا قومي بس لا تسلمين لحد خلي هم ايون لعندج ويسلمون عليج يلا تعالي نطلع
طلعوا مع بعض وراحوا يقعدون في الصاله حذال بعض ، شيخه طنشت الكل ولا كانهم موجودين
اليازيه : انتي اييه قومي ريلها بيدخل الحين
دانه : خلييه يدخل انا وشيخه واحد
اليازيه : الحين انادي امي تتفاهم معاج
دانه وقفت : قمت
قامت و وقفت قريبه من شيخه ، شوي ودخل منصور شاف شيخه وابتسم راح لعندها وباسها ع راسها
منصور : ياربيه شو هالجمال ادوخ والله
شيخه بدون تعابير
منصور : يالثقيله طالعه تخبلين اليوم ماعرفتج والله ، شوفيج معصبه
شيخه بدون نفس : ولا شي
منصور : شو ولا شي طاعي ويهج كييف معصبه ، منو عصب ف حرمتي بيومها
شيخه : اهلك
منصور باستغراب : اهلي !! ليش شو قالوا لج؟
شيخه : اختك من يت وهي براسها تسوي مشكله عيل نحن تقول لنا خيرنا يغطيكم؟ ليش شو شايفتنا عيال فقر نحن عسب تستنقص منا جي؟
منصور: لا اكييد مب قصدها جي انتي لا تاخذين الامور بحساسيه
شيخه : لا باخذها بحساسيه يوم هي جي اسلوبها
منصور : شو صار عسب جي قالت؟
شيخه : بس سألنا ليش مب يايبين ساعه اهلي مستغربين
منصور : هيييه عسب الساعه ، تدرين ليش مايبت لج؟ لانه يايب لج قبل وينها ساعتج؟ ماشوفها ع ايدج
شيخه : موجوده بس مالبسها جدام اهلي عسب مايسالوني منو يايبنها لج
