منصور : لالا بتهونين
شيخه : صدق والله بهون زعلت الصراحه
منصور: انتي مستويه واييد حساسه تراج
شيخه : وانت صاير وايد تزعلني
منصور : هيه بزعلج
شيخه راحت عنه شلت بنتها تحاول ترقدها لين رقدت حطتها ع سريرها ، راحت تصعد عالسرير عند منصور وقعدت مجابلتنه
منصور : ها
شيخه : عادي ارقد في حضنك؟
منصور : ليش؟
شيخه : بدون اسئله عادي او لا؟ انا ليش استاذن منك
دخلت في حضنه وحطت راسها ع صدره
شيخه : دقات قلبك تدق لمنو؟
منصور : لنفسها عشان اعيش
شيخه : يعني ماتدق لي؟
منصور : لا ليش تدق لج؟ مصدقه نفسج انتي
شيخه : وليش ماصدق نفسي؟
منصور : مع نفسج مادريت فيج
شيخه : ادري اني للحين فقلبك وتحبني وتموت فيني وتعزني واهمك وكل شي بحياتك حلو انا سببه صح او بتنكر؟
منصور غمض عينه مسوي عمره راقد
شيخه : بلاك سكت بلعت لسانك فجاه
رفعت راسها شافته مغمض عينه باسته ع خده بين شفايفه وردت تحضنه ورقدت معاه ، ع الصبح نشت قامت تسبح وعقبها لبست وجهزت ونزلت تحت
ام منصور : وين رايحه على الصبح؟
شيخه : بسير العياده اسناني تعورني مارقدت امس من الالم
ام منصور : هيه زين
