شيخه : تندمين ع شو؟ هذا مايبا منج عيال بتمين طول عمرج جي وحيده معاه؟ باجر بتكبرين ومحد بيكون عندج ولا حد بيشلج عقبه اسمعي كلام اختج والله ازوجج شيخه
اليازيه : ههههههه خليني انفصل عنه واريح كم شهر وعقب اذا بتزوجيني شيخه ، زوجيني محمد ابي اسكن معاج
شيخه انصدمت وطالعتها : خيير؟ مابغيتي غير هالخايس ازوجج له؟
اليازيه : الله يرحم يوم كنتي تبين تربطيني فيه
شيخه : كنت غبيه بس يخسي الحين اخليج تاخذينه
اليازيه : شكله في شي صاير من بينكم شو؟ خبريني انا اختج
شيخه وقفت : انا بسير السياره وانتي دفعي الحساب ولحقيني
شيخه راحت عنها ، اليازيه دفعت الحساب وطلعت راحت لشيخه السياره
اليازيه : بلاج قمتي طلعتي جي
شيخه تنرفزت : والله اذا يبتي لي طاريه مره ثانيه انتي مب اختي
اليازيه : خيبه خيبه عساني ماعرفت ، وين تبين نروح؟
شيخه : رديني البيت
اليازيه : اوكييه
اليازيه مصدومه من شيخه بلاها جي جلبت عليها فجاه ! رجعوا البيت مع بعض ، ام سهيل كانت موجوده قعدوا معاها
اليازيه : امييه انا قررت اني انفصل عن سعيد
ام سهيل : ليش ! سعيد ماقصر معاج بشي
شيخه : لا مقصر معاها حارمها من العيال
ام سهيل : انزين اذا عن العيال انا بتكلم معاه
اليازيه : امييه سعيد مب صغير عشان انتي تكلمينه ، هو عنده عيال وحاس انه مكتفي ومايبي مني
شيخه : خليها تنفصل احسن دام مابينهم عيال الحين
ام سهيل : بس الريال مافيه شي ومب مقصر بشي غير عن العيال
شيخه : انتي عاجبج وضع بنتج جي؟ عاجبج انه مانعها من العيال؟
ام سهيل : لا طبعا مب عايبني بتكلم معاه
اليازيه : لا مابيج تكلمينه انا اللي بكلمه عن موضوع العيال مره ثانيه اذا مارضى بخليه يطلقني
ام سهيل : وانا مابي بنتي تتطلق ، يزوي انتي صغيره مب كبيره
شيخه : تطلق وهي صغيره احسن من انها تطلق ع كبر
ام سهيل: محد لاعب براسها غيرج انتي
شيخه : ابي مصلحتها انا بس
ام سهيل : انتي متى بي ريلج؟
شيخه : اه تولهت علييه حبيبي ، ماعرف ان شاء الله باجر قولي يارب
ام سهيل : ان شاء الله ايي ويشلج معاه ، خليتج شوي مع اختج لعبتي براسها
شيخه ببراءه : شسويت الحين انا؟ ابي مصلحتها
ام سهيل : قومي شلي بنتج سبحيها ورقديها
شيخه : ياربييه ماقدر قولي للخدامه
ام سهيل : اتصل في منصور؟
اليازيه : انا بقووم يلسي انتي
