شيخه : هيه ابي اتمشى بعد وابي اقعد معاك ماعندك دوام باجر خ نسهر شوي
منصور : اسهري فالبيت
شيخه : مابي
منصور تم يتمشى عقبها مر لكوفي وخذ اثنين تم واقف في باركن الكوفي
شيخه : كوفي هالوقت تبي تسهرنا
منصور : تقولين تبين تسهرين معاي
شيخه : هيه ابي اسهر معاك خاطري جي مره نسهر مع بعض وتكون سهرتي معاك خيالييه وابي اتذكر كل لحظة مريت فيها ومن كثر ما انا مستانسه فيها ماقدر ارقد في ليلتها ودي والله
منصور : والسهرات اللي طافت بداية زواجنا نسيتيها؟
شيخه : اكييد بنساها فتره طويله مرت رجعني على هذيج الايام قص علي بالكلام جاملني عشمني بالحب يلا فلم علي شوي دام تاليا راقده
شيخه قعدت تتطالعه وعينها علييه ومركزه ع ملامحه وهو يطالعها
منصور : اوك بقص علييج بس ترا كله جذب لا تصدقين
شيخه : عادي قوول اتقبل منك كل شي حتى لو جذب
منصور : انتي اجمل بنت شفتها بحياتي عيونج تسحرني ونظراتج يووووه تقتلني عاد احلى شي احبه فيييج شعررج خاصه اذا فردتييه وقعدتي جبالي تلعبين فييه
شيخه تتطالعه وهي منشقه من الابتسامه
منصور : تعرفين اني اشم ريحتج حتى وانتي بعييده عني ، حفظتها ، حفظت جسمج و طولج لو تمرين حذالي وانتي متغطيه كلج بعرفج ، عندج ابتسامه خطيييره تخبليني يوم تضحكين ، ما ندمت على اختياري لج بيوم وجودج نعمه بحياتي واحب الوقت اللي تكونين فييه معاي واستوحشه وانتي مب وياي ، اخاف علييج و اغار علييج من اي شي ، واكره شي عندي اني اشووفج بيوم وانتي زعلانه مني او متضايقه اتضايق اذا شفت دموعج نزلت احس الدنيا ماتسوى عندي لو نزلت بسبي اقول شو سويت انا عسب انزل دموعها ، وبس خلاص وايد جذبت علييج وانتي مصدقه بعد
شيخه مستانسه تضحك : حطها بذمتك منصور انه كل اللي قلته لي جذب ولا كلمه كنت صادق فيها
منصور : مابحطها
شيخه : قلتلك حطها بذمتك
منصور : اوص يلا قلتي لي جذب وقص علي ها عطيتج من الجذب اللي تبين تسمعينه مب عايبنج كيفج
شيخه : افف جلب عالاسلوب اللي ماحبه فيه ، عاد تدري حتى وانا متزوجتنك خطبوني
منصور طالعها بنظره : لا تقعدين تتمصخرين علي شرات جي
شيخه : والله ما اقص علييك
منصور اتضايق : منو اللي خطبج؟ ومايعرفون انج متزوجه؟
شيخه : لا ماكان يعرف
منصور عصب عليها : بعد ريال اللي خطبج وييين خطبج؟ ومتى !!
