ناصر : لا بس قعدت اتاملها شوي ، ماشاء الله تاخذ شبه منج ، الله يحفظها ، ماخبرتيني فادج العلاج اللي عطته لج سلامه؟
شيخه : ماعرف قلت يوم بترد دكتورتي برجع لها
ناصر : لا تترينها بطول شوي ، تعالي المستشفى الصبح بكون موجود
شيخه : اممم اوكييه
ناصر ياه اتصال قام عنهم
شيخه : شرايج فيه؟ تبينه؟ اضبطج له؟
اليازيه : دخيلج عن يطلع بس اخس عن سعييد ، مابي دكاتره ، خذت دكتور ومدير وماشفت الراحه ، تبيني اعيد نفس الغلطه؟ مابي
شيخه : انتي الخسرانه
شوي ويا ناصر وقعد معاهم
شيخه : تشرب شي؟ نحن طلبنا لنا كوفي
ناصر : لا ، عليكم بالعافيه ، استانست بالقعده معاج انتي واختج
شيخه : هههههه مع اختي وانت ماسولفت معاها ولا سمعت حسها
اليازيه تطالعها تسكت
ناصر : بدون ماتتكلم اهم شي انها وافقت انها تقعد معاي بنفس الطاوله "وقف" اشوفج باجر عيل في المستشفى
شيخه : وين ساير توو الناس
ناصر : لو ماعندي شي بقعد بس مرتبط عالعموم نشوفج مره ثانيه بقعده احلى
شيخه : الله يحفظك دكتور
راح عنهم
اليازيه يت تقعد حذالها
اليازيه : انتي شتبينه؟ ليش احسج ناشبه له "تقلدها" وين ساير تو الناس؟؟؟ تبيني اخبر عليج منصور؟
شيخه : شفيج عادي دكتوري
اليازيه : والله لو منصور يدري والله ليسحبج من شعرج للبيت ويضربج
شيخه : مايضربني انا بضربه
اليازيه : قوومي خ نروح وباجر يوم بتروحين له لا تروحين روحج خلي منصور ياخذج
شيخه : مابقوله تعالي انتي معاي
اليازيه : عندي شغل
شيخه : خلاص عيل بروح روحي
اليازيه : انتي ما ترتاحين غيير يوم تسوين مشكله بينج وبين ريلج؟؟
شيخه : شفيج ترا الا هو دكتور بيعالجني
اليازيه : هالدكتور اللي بيعالجج الله اعلم شو بيطلع من وراه ، تريي فتره بيقولج انا انعجبت فيه وابيج
شيخه : ينعجب فيني ويبيني ليش؟ شو يبي في وحده متزوجه وعندها عيال ، قصدج بي لي صح بس بيطلبج انتي مب انا ، انا مابدل منصور لو الموت
اليازيه : اتمنى يلا قومي خ نروح
شيخه : تحسين دفع حسابنا ولا؟
اليازيه : مادري قومي خ نشوف
