شيخه : بتشتاق لي يعني؟
منصور : بشتاق لتاليا
شيخه : يالنصاب
منصور : انزين يلا قومي بوصلج انا
شيخه : ليش توصلني بروح روحي يمكن عقب ابي اطلع اتمشي مع بنتي او اختي تباني اتضارب مع سهيل عسب اخذ سيارته؟
منصور : دقيلي وانا بطلعج
شيخه : بتفضى لي يعني؟
منصور : هيه بفضي عمري وبطلعج
شيخه : زين بقوم عيل ارتب اغراضنا
منصور : يومين بس
شيخه : تمام شفيك
شيخه صعدت ترتب اغراضها واغراض تاليا عقبها نزلت وخلت الخدامه تنزل شنطها
منصور : اربع شنط ليومين !
شيخه : هيه شسوي بعد بغير البيت كل شي احتاجه شليته معاي
منصور : انتي سايره بيت اهلج ترا مب مسافره
شيخه : اوك ابي اغراضي بحتايهم انا شنطتين وتاليا شنطتين وبس
منصور : انزين بقوم احطهم في السياره
منصور قام يحط الشنط في السياره ، شيخه سلمت ع ام منصور وشلت بنتها ، منصور شل تاليا وحطها ع كرسيها في السياره ، شيخه طلعت راحت تركب السياره منصور تقدمها وبطل لها الباب ، شيخه استغربت من حركته وحضنته
شيخه : بتتوله علي؟
منصور : بتوله ع تاليا
شيخه : وامها؟
منصور : يلا ركبي
شيخه : اففف زين
بعدت عنه وركبت السياره منصور راح يركب و وصلها بيت اهلها نزلهم و راح عنهم ، شيخه دخلت وقعدت مع اهلها ،، صوب اهل منصور
