منصور تقرب منها ، ع الصبح قعدوا من النوم ع اتصال اليازيه لشيخه ردت عليها
شيخه : ها
اليازيه : شو ها انتي وين؟ هاده بناتج وطالعه
شيخه قعدت : الحين بي
اليازيه : وين طلعتي؟ يلا ردي البيت صدعوني من اول الصبح وانا ناشه اروق ، اي رواق هذا فييه صراخ يهال
شيخه : تحمليهم اخر يوم معاهم الحين يايه "بندت" منصور يلا قوم ردني البيت
منصور : وين تردين صبري بريقج وعقب بوديج
شيخه : بتتخبل يزوي لو تاخرت خربت عليها يومها
منصور : ماعليه يوم واحد بس بنتريق وبردج ع طول
شيخه : اوك مابردك
شوي و وصلهم ريوقهم قعدوا يتريقون مع بعض ، منصور ياه اتصال طنش
منصور : من كم يوم يوصلني رقم غريب ماعرف منو يدقلي
شيخه : رد شوف منو يمكن احد يبيك بشي ضروري
منصور : ماحب ارد ع الارقام الغريبه
شيخه مسكت تلفونها : عطني الرقم
منصور : شو تبينه؟
شيخه : بدق ابي اعرف منو يدقلك
منصور : مابعطيج اذا رد يدق مره ثانيه برد عليه
شوي و رد الرقم يندق له ، رد وحطه سبيكر
منصور : الو؟
البنت: شخبارك منصور؟
شيخه انصدمت وطالعته !!
منصور : عفوا بس منو انتي؟
البنت : انا مها
شيخه : منو هاي منصور؟؟
منصور قام عنها : لحظه لحظه اي مها انتي من وين يبتي رقمي؟
مها : العنود عطتني رقمك سوري بس بلييز لا تخبرها اني قلتلك
منصور : شو تبين مني؟
مها : بصراحه انا من زمان معجبه فيك و ودي لو نكون انا وانت مع بعض بيوم من الايام ، انا نفسها اللي شفتني امس بالمطعم
منصور : ايوووا زين والله ، وينج الحين بالفندق بعدج؟
