منصور : انا بطلع وانتي خذي ع راحتج يوم بتخلصين ناديني
منصور طلع عنها ، شيخه توهقت قعدت تشوف الملابس ومجبوره تاخذ ومب عارفه شو تختار ، خذت اي شي وراحت عند الحساب ، منصور شافها راح لعندها ودفع حسابها واطلعوا ، كملوا يتشرون لين المسى عقبها اتعشوا و رجعوا الفندق ، بعد ساعه
شيخه : مب يعني ماخليتني اشتري الملابس اللي ارتاح عليهم ما راح البس ، حبيبي بلبس من ملابسك وبتشوف
منصور : ياويلج مني لو شفتج لابسه ملابسي ، اليوم ماخذ لج ملابس زينه وحلوه وبنوتيه ابي اشوفهم عليج فاهمه
شيخه : لا مافهم
منصور : شيخه اعتدلي
شيخه : معتدله شو يعتدل فيني بعد
منصور : بشل ملابسج الصبح بوديهم البيت بخلي الخدامه تغسلهم وتكويهم لج
شيخه : زين يلا تصبح ع خير برقد
سارت صعدت ع السرير شلت اللحاف وانسدحت بترقد ، منصور راح الجهه الثانيه من السرير وانسدح حذالها
شيخه : ليش
منصور : شو ليش
شيخه : ليش بترقد معاي؟ شحلاتك امس وانت راقد بعيد عني لو سمحت قووم انا ماعرف ارقد و حد معاي بنفس السرير ، لاني وايد اتجلب واتحرك وارفس بعد ، عشان ماتتعور قوم وخلني اخذ راحتي بالسرير روحي
منصور : عادي بتعود علييج
شيخه : اوهو هذا اللي مايفهم الرمسه من اول مره ، بابا قووم شل بعمرك وارقد ع الكنبه
منصور قرب لعندها : امس خليتج ع راحتج اليوم مب ع كيفج
شيخه : لا كيفي عيل ع كيفك انت؟ قوووم ولا برفسك والله
منصور : رفسيني ، تعالي قربي عندي خ ابوسج
شيخه : لا يع مابا لا تبوسبني ولا ابوسك
