سارت صعدت عنهم فوق
العنود : لوتييه هاي بخبر عليها منصور
ام منصور : لا تسوين مشاكل بينها وبين اخوج خليها عنج
العنود : تنرفز والله
ام منصور : سيري ساعديها خ تخلص بسرعه
العنود : والله ماسرت
صوب شيخه بخرت فستانها وعقبها لبسته وتعطرت ، ولبست ذهبها ، شلت الدبله ولبستها والساعه ، عقبها طلعت ونزلت تحت تقعد معاهم
شيخه : شسالفه للحين محد يا
ام منصور : ياين مايتريونج قاعدين في الحوي
شيخه : عيل بطلع
ام منصور : لا قعدي تريي منصور وعقب طلعي معاه مره وحده
شيخه : ليش ! ماله داعي
ام منصور : لا له داعي انتو الاثنين مع بعض
شيخه بدون نفس : زين
شيخه تمت قاعده روحها ، منصور يالعندها ، شيخه شافته وقفت مسكت شعرها
شيخه : شرايك؟
منصور بدون مايطالعها : زينه
شيخه بحباط : زينه بس !
منصور : شو تبيني اقوول؟
ام سهيل دخلت مع اليازيه عليهم وقطعتهم ، سلموا ع شيخه و منصور
ام سهيل : من طلعتي من بيت ابوج مافكرتي تزورينا او تجاملينا باتصال بلغلط عالاقل
شيخه : اللي سويتيه فيني مب شويه عسب انسى بسهوله
ام سهيل : ابي مصلحتج انا ، منصور شحالك وشحال الزواج معاك عسى بس مب مطلعه عينك
منصور : الحمدلله عمتي
