"لقيت فيك بين كل الارواح روحي"
بعد سنه رجعوا البلاد ،، سلموا ع اهلهم وبعدها ع طول رجعوا ورقدوا ، ع الظهر شيخه نشت ع صياح تاليا
شيخه : ياربييه انتي ليش جي يوم تنشين كله تصيحين وتخوفيني
منصور : الساعه كم راسي مصدع
شيخه : مادري قريب الوحده ، يلا قوم نش خ نلحق نتغدا
قاموا صحصحوا جهزوا ونزلوا تحت يتغدون معاهم
ام منصور : ماتدورن شكثر تولهت لبنتي تقصون علي بالصور والفيديوهات، سمعوني من الحين اقولكم تاليا بتم عندي كيفكم انتو
شيخه : عمووه انا ماعندي مانع لو بتم عندج
منصور يطنز عليها : وانتي شو شغلتج؟ تخلين البنت طول الوقت عند امي
شيخه : بعد امك متولها عليها خ تشبع منها
العنود : الحين خلاص بتمون هني مابتردون؟
شيخه : هيه قاعدين ع جبدج
العنود بصوت خفيف : كنت مرتاحه منكم
شيخه : والله نحن اللي ارتحنا منج
العنود : اووله سمعتي !
شيخه : هيه حبيبتي ع بالج صمخه؟
منصور : بس انتي وياها ماتعرفون تاكلون وانتو ساكتين
شيخه : شبعت
شيخه قامت تتغسل عقبها راحت تقعد في الصاله منصور وراها وقعد حذالها ، شافت مايد قاعد
شيخه : وانت ليش ماييت تتغدا؟
مايد : متغدي
شيخه : خبرني شو صار معاك في غيابنا؟ في حد يديد بالساحه؟
مايد : لا منو يعني بيكون؟
شيخه : ماتنلام بعد دانه لعبت فيك لعب تستاهل
منصور دق ايدها : بسج من الكلام الفاضي قوومي قهويني
شيخه : شفيك انت تريا تووك متغدي عط الاكل فرصه عالاقل شوي ينهضم ع طول تبي تتقهوه
منصور : بطلع عقب شوي مع ربعي ماعندي وقت
شيخه : اففف ردينا ع طير يلي
