شيخه : خلاص بدخل ابدل
منصور : والله ماتبدلين تعالي عندي بسرعه
شيخه : مابي انت تتطنز علي
منصور : شيخه تعالي عاد والله امزح معاج
شيخه راحت لعنده قعدت حذاله ، منصور حط ايده ع خصرها وايده الثانيه مسح ع شعرها
منصور : متى بيطول شعرج
شيخه : ابطله يعني هالشعر مب عايبنك؟
منصور : غيير اذا كان شعرج والله غير
شيخه : خلاص تصبر كم سنه لين يطول
منصور : خيبه تبيني اصبر سنه !! سيري اسالي خدامتنا شو عنايتها بشعرها ماشاء الله شعرها طويل وايد
شيخه : ههههههههه من صدقك شو تبا ف شعرها انت حاط عينك عليه
منصور : مب حاط عيني علييه بس شعرها طويل وحلو
شيخه : باجر بقول لعمتي تسفر هالخدامه مارتحت
منصور : شو ع بالج جوي خدم انا؟
شيخه : شدراني عنك قاعد تتمدح بشعرها
منصور : لا بس يعني اقولج انه شعرها حلو طويل وناعم ابي شعرج يستوي نفسها اساليها شو تحط ع شعرها
شيخه : ما بسال
منصور : عيل بسالها انا وباخذلج
شيخه : والله منصور اذا شفتك كلمتها بيوم من الايام انا اللي بسفرها مب ابوك
منصور : حرام عليج تقطعين رزقها
شيخه : بقطعه يوم انت عينك زايغه
منصور : امزح معاج
شيخه : انت دام مزحك جي يلوع بالجبد مابي خدامه لي انا روحي بهتم في بيتي وحتى غرفتنا مابيها تدخل انا بنظفها
منصور : هههههههههه بلاج الحين انتي؟ ليش شخصنتيها معاها والله مب هامتني لا هي ولا غيرها ، انتي بس اللي هامتني والله
شيخه : قص علي الحين شايفني مقصه عندك صح
منصور : لا فديت روحج انا المقصه والله
شيخه : دام جي اوك
