شيخه : مابيي قول اول شسالفتها معاك هاي السلامه؟
منصور : تعالي لعندي وبقولج
شيخه قربت منه وحطت راسها ع صدره
منصور : مافي شي ترا بس قالتلي انا بهتم فيك لانه حرمتك مب موجوده هني وانا قلتلها هذا اللي ابيه منج تهتمين فيني بس
شيخه رفعت عمرها تتطالعه معصبه : نعم !
منصور : هههههههه اسووولف ماقلتلها شي قمت وخليت الاكل لها ورقدت من حزتها لين قبل ساعه ما اييج
شيخه : قول والله ماقلت جي؟
منصور : والله ماقلت شي
شيخه : ع بالي بعد كنت صدق بدفنك هني بمكانك
منصور : انا صريح معاج تراني وقاعد اقولج كل شي
شيخه : احس اني يعت وين المطعم اتاخر
لمت منصور وغمضت عينها ، منصور قعد يمسح ع شعرها
منصور : انتي متى اكلتي اخر مره؟ "شيخه رقدت" اكلمج اييه؟ شو رقدتي ع طول؟ والاكل من بياكله اللي انا طالبه؟
شيخه رقدت منصور قعد يتريا المطعم لين يا ، قام وطلع اييبه بعدها رجع ودخل عليها
منصور : شيخه تبين تاكلين ولا اكل عنج؟
شيخه قامت : وصل؟ باكل طبعا شو تاكل عني
منصور : خربتي علي كنت باكل اكلج
شيخه : يلا يلا
شيخه قامت تاكل معاه ، عقب الاكل
منصور : يلا انا برد البيت
شيخه : بيت شو بترده؟ الحين بياذن الفجر بترقد عندي اليوم ماشي طلعه
منصور : وين ارقد عندج هني تستهبلين؟ برد بيتنا
شيخه : والله ماطلعت يلا تعال ارقد هني معاي
منصور : شتبين؟ باجر الظهر بي اشلج انتي وتاليا بردكم البيت لا تخربين لي جدولي
شيخه : جدولك بكبره بيخترب يلا لا تزعلني ارقد معاك
منصور : ان شاء الله مابردج بس اول الصبح بطلع
شيخه : مافرقت المهم ترقد هني
