شيخه شلت بنتها وعطتها المصاصه تلهيها شوي ، بدلت ملابسها وسوتلها حليب وطلعت من الغرفه ، قعدت في الصاله روحها شربتها حليب ، وتمت البنت تصيح مب عارفه شفيها تمت متوهقه معاها ، محمد طلع من الغرفه وشافها مع بنتها روحهم
محمد : ليش تاليا تصيح شوفيها؟
شيخه بدون ماتطالعه وتحاول تخش بنتها عنه : ولا شي
محمد قرب منها : اشووف بلاها ليش تصيح
شيخه : محمد حسستني انك تعرف تتصرف معاها عسب تشوفها
محمد : انزين راويني خ اشوفها ليش غاطتنها عني
شيخه : محمد سير عني مب ناقصتنك
محمد : قلتلج عطيني البنت شو بسوي فيها انا؟ عطيني يلا هديها شوي بشلها
شيخه عطته البنت ، محمد شلها وحضنها ، وسكتت ع طول من شلها ، قعد ع الكنبه شيخه مصدومه من بنتها فجاه سكتت يوم شلها محمد ، قعدت قريب محمد
محمد : لو مخلتني اشلها من مساعه مب احسن شووفي كيف سكتت بحضني ، حبيبة ابوها
شيخه انصدمت منه : انتبه على كلامك
محمد : انا شو قلت؟ ماقلت شي فديت بنتي
شيخه عصبت : محمد لا تنسى انه محد يعرف
محمد : برقد بنتي عندي اليوم
شيخه : بنتي مابترقد عندك
محمد : مب ع كيفج بعدين انتي ليش طالعه من الغرفه؟ منصور طاردنج
شيخه : هيه مسووين له ازعاج وهو يبا يرقد عنده دوام الصبح
محمد : هههههههه تعالي رقدي معاي انزين
شيخه : اكل تبن
محمد: كيفج انا بشل بنتي معاي
