محمد : لا ماشي
شيخه : زين فهمت بقوم ارقد عيل تصبح ع خير
قامت ودخلت الغرفه شافت منصور راقد ، صعدت ع السرير ورقدت ع طرف السرير ، ع الظهر نزلت من الغرفه رايحه تتغدا دخلت غرفة الطعام انصدمت شافت دانه قاعده
شيخه بدون نفس : هاي شو تسوي هني
محمد : اتزوجوا
شيخه ضحكت من ورا خاطرها وقعدت : الله يهني سعيد بسعيده
منصور التفت لها : بلاه ويهج جي متكفخ
شيخه : اسكت عني ولا تكلمني
شيخه قعدت تاكل وهي متنرفزه من الوضع ، قامت وقعدت في الصاله مع العنود وعقبها كلهم يو ، منصور قعد حذالها ، شيخه غيرت قعدتها وصدت عنه الصوب الثاني ، منصور تقرب منها وقعد حذالها
منصور : فديت المتغلي
شيخه : اسكت مابا اسمع حسك اللي فيني مكفيني
منصور : ماشوفج علقتي عن زواجهم
شيخه : ع اساس رايي مهم؟
منصور : ربيعتج
شيخه : ويعني؟ وبعدين كانت ربيعتي ، بالنهايه اخوك بياكلها دام اخذها خ تشفط اللي عنده واللي ماعنده وعقب خ يصيح
منصور : كيفه هو وياها ينيازون دام اخذها ، انزين ماعلينا منهم متى بترضين علي؟
شيخه : ماراح ارضى طلع تلفوني بسرعه بدق لامي
منصور: ماعندي تلفونج حاطنه فوق بالغرفه ماشفتيه؟ بعدين ليش تبين تدقين لامج؟
شيخه : اتي تشلني مالي قعده عندك
منصور : كم تبين اعتذر لج؟
شيخه : قلتلك لو تعتذر من اليوم لباجر مب مسامحتنك
منصور : شيخه عاد طيحي الحطب اعترف اني غلطان ومتندم انا مابا اخسرج وشوفي انتي كيف تبين تخسريني
شيخه : بفكر اني اسامحك
منصور : بعد بتفكرين !! يعني امس طول الليل مافكرتي؟
شيخه : فكرت بس بعد بفكر ، اهلك شو قالو يوم عرفوا انه اخوك اتزوج؟
منصور : ههههههههه طلعتي ملقوفه تبين تعرفين
شيخه : شو قالوا؟
منصور : مادري ماكنت معاهم انا حالي من حالج دخلت وشفتها موجوده هني بس صبري "بصوت عالي" امييه شيخه تسال شو كانت ردت فعلـ
شيخه دقته ع راسه : انت ايييه بلاك مب جي عاد اشكره جدامهم
منصور : عادي شفييج همتج ربيعتج يعني؟
شيخه : تخسي
منصور : عيل خلاص
ام منصور : شوفيك منصور شو فيج شيخه شو بتقولي منصور؟
منصور : لا ماشي بس كنت بسالج شرايج بزواجهم جي دخلوا عليج مره وحده
ام منصور خذت نفس : ماعندي راي دام يابها ودخلها هني علينا شو تباني اقول؟ خلني ساكته بس
شيخه : واضح انها متضايقه وايد منهم ، الله يعينج عمتي ماعليج منها اعتبري وجودها والعدم واحد
دانه : دام اني صرت حرمة مايد وجودي صار اساسي بهذا البيت حالي من حالج
شيخه : لا حبيبتي لا تقارنين نفسج فيني انتي ماتوصلين لي اصلا لاني اعلى منج بوايد
منصور : صح علييج اجلديها
شيخه : والله لو عمتي مب قاعده جان قمت وكفختها السباله
منصور : لالا ضرب مانبي بس فري عليها كلام
شيخه : لو تكلمت من اليوم لين باجر شو بيسكتني
منصور : لا تسكتين خذي راحتج انا عاطنج المجال
شيخه : خلاص عيل خ تكلمني او تقولي شي شوف كيف برد عليها
منصور : ردي عليها لا تسكتين
