بعد ساعتين كانت في الغرفه مع امها روحهم ، دخل عليهم منصور
منصور : الحمدلله ع السلامه
شيخه : والله انت الحمدلله ع السلامه ع الطيحه اللي طحتها ع بالي مت
منصور : شسوي بعد ماقدرت اتحمل المنظر
شيخه : مسوي فيها قوو اونه بيدخل معاي شاد حيله اول ماشاف الشق اغمى عليه
منصور : خلاص لا تذكريني احاول انسى اللي شفته
ام سهيل : مبروك ماياكم منصور وتتربى البنت بعزكم ودلالكم ودلعكم
منصور : امين عمتي انا برجع البيت عقب اللي شفته مابا اتم فالمستشفى باجر بييج
شيخه : وابويه علييك انا رووح الله يحفظك
منصور طلع عنهم ، ام سهيل تمت مع شيخه ورقدت معاها ، بعد يوم اهل منصور زاروها فالمستشفى
ام منصور : بنتنا مستعيله يايه قبل موعدها بشهر
العنود : وين البيبي ليش مب معاج !
شيخه : في الحضانه روحي شوفيها
العنود : بسير اشوفها شو سمتوها؟
شيخه : ما قررنا
العنود : غريبه ليش ما قررتوا للحين طول هالمده وبعدكم مب مختارين لها اسم
شيخه : هيه مايا الوقت عسب نختار لها اسم
العنود : انزين بروح اشوفها امييه بتروحين معاي
ام منصور : هيه بسير اشوف حفيدتي
قاموا وساروا يشوفون البيبي ، بعد شهر شيخه تمت في بيت اهلها وكملت عليها شهر زياده لين ياها منصور ورجعها البيت معاه ،، ردوا البيت دخلوا وسلموا عليهم وقعدوا معاهم
