راح لعندهم وقعد
مايد: منصور تلعب ع الحبلين؟
منصور: لا حبلين ولا غيره انا ساير
مايد: وين توني ياي اقعد شوي
منصور قام وراح عنهم ، دانه طالعت مايد
دانه: شسالفه انت منو وليش ييت تقعد معاي
مايد: اخوي منصور
دانه: اها اخوك ماحسيت مافيكم شبه موول
مايد: ليش منصور كان قاعد معاج؟
دانه: لا ولا شي سوالف بس
مايد: اها يعني تسولفون عادي وحرمته عادي عندها بعد؟
دانه: لا ماتعرف انا قلتله اييني وهو يا ، شيخه ماتعرف عن شي اصلا
مايد: واذا عرفت شيخه؟
دانه: هههههههه عادي خ تعرف اصلا شيخه مغصوبه عليه ولا هي ماتباه اصلا
مايد: كيف مغصوبه؟
دانه: اهلها اغصبوها يعني لو قعدت معاه ماراح تفرق معاها
مايد: وانتي شو تبين من منصور؟
دانه: مابا شي منه مجرد ربع ونسولف وبس مابي شي غيره
مايد: انزين شرايج تودرين عنج منصور لانه متزوج ونصير انا وانتي ربع شو قلتي؟
دانه: هههههههه ماتفرق معاي عادي اثينيكم صيروا ربعي احب جي انا اصلا اتعرف ع اخوان جوي
مايد: اها طلعتي جي
دانه: ههههههه لالا اسولف لا تاخذها جد انت بعد اتمصخر
مايد قعد يسولف معاها ، صوب منصور رجع الفندق عند شيخه
شيخه : انت وينك من نزلتني سحبت علي
منصور : كنت اباج تشتاقين لي
شيخه : ماشتقت
منصور : واضح من استقبالج تضاربيني انت وينك
شيخه : حسيت بالوحده لاتلومني
منصور : شو سويتي
شيخه : انت اللي شسويت وين اختفيت؟
منصور : بقولج بس لا تعصبين
شيخه : ها
منصور : سرت عند ربيعتج
شيخه تغير ويها : اي ربيعه !
منصور : دانه كلمتني وسرت لعندها وتوني ييت
شيخه : ع اي اساس تسير لعندها وليش تسير لعندها اصلا !
منصور : قالتلي تعال بكلمك ومدري شو يوم سرت قالتلي بردلك بيزاتك وعطني رقمك عسب ادقلك وجي
شيخه : وانت عطيتها رقمك؟
منصور : هيه
شيخه : انت حيووان؟
منصور : اسولف اسولف ماعطيتها قلتلها عندج حسابي كلميني فيه يوم بتكون عندج البيزات وبي لعندج اخذهم
شيخه : لا حبيبي مابتسير لعندها ولا بتكلمها اذا بترد البيزات ، بتردهم لي انا مب لك فاهم
منصور: اكيد فاهم دام حرمتي تغار علي
شيخه: ما اغار عليك بس مابي احد يتكلم عنك
منصور: خ يتكلمون شسالفه؟
شيخه: منصور هالسوالف مافيها مزح
منصور : عيل شو فيها؟
شيخه : تبيني اضربك تراني بضربك والله
منصور حط عينه بعينها : انتي بنت
شيخه : بهذي السوالف مافيها انتي بنت والله بضربك وترا اذا ضربتك مابهدك ليين اشوفك تصيح
منصور: مصدقه عمرج وايد انتي ترا ضربيني يلا
شيخه: طفرني شرات جي والله بضربك
منصور بغيض: خ اشوف تلفوني من رديت ما مسكته يمكن كلمتني دااانه تبا تشوفني نطلع باجر نتمشى او نقعد بكوفي ، اوف ماكلمتني بكلمها انا عيل
شيخه بنفعال : منصوووور
منصور : غارت غارت
شيخه : ما اغار من زينك اصلا اغار علييك سيير لاه عني بتكلم بنات كيفك كلم بس ربيعاتي مايخصك فيهم فاهم
منصور : لالا انا يازت لي دانه وابي اكلمها
شيخه : قلتلك الا دانه مايخصك فيها خلااااص
منصور : لا مب خلاص بكلمها الحين
شيخه : اضربك يعني؟ اذا قمت مابرحمك والله
منصور : قومي لانه جي ولا جي انا بكلمها
