ع المغرب طلعوا مع بعض يتمشون ، نزلوا يقعدون في مطعم وطلبوا لهم اكل
شيخه : طلعتنا مع بعض احسها غريبه وبنفس الوقت احس فيه شي تبين تقولينه لي؟
العنود : هييه بس قبلها منو هذا اللي من دخلنا وهو عينه عليج؟
شيخه : منو !
العنود : طالعي يمينج
شيخه طالعته وابتسمت : ها دكتوري اللي ولدني في ماريا
العنود قربت لعندها : اقولج خ ايي يقعد معانا
شيخه : لا مابي مافيني يطلع لي اخوج
العنود : وين بيطلع لنا ! طالع مابيي هني ، بلييز ناديه
شيخه : وانتي ليش تبينه يقعد معانا؟
العنود : انتي خلييه ايي هني
شيخه : انزيين
اشرت له ايي لعندهم ، قام ويالعندهم
شيخه : المره اللي طافت عزمتني انا واختي ، هالمره بعزمك انا ، حياك معانا هذي العنود حميتي اخت منصور
العنود : شحالك دكتور شو مسوي؟
ناصر : الحمدلله بخيير شحالكم انتو؟ اخييرا شفنا هذي الصغيره كل مره انسى اسمها
شيخه : مار،،
العنود قاطعتها : اسمها ماريا
شيخه طالعتها ، العنود تسوي عمرها ماتشوفها
شيخه : شفت بنتي بعد كم شهر ماتبي تشلها؟
ناصر : اكيد ابي ليش لا "شلها" فدييت ريحتها ، ريحة اليهال كلهم تتشابه
العنود : معرس؟
ناصر : لا
العنود : ارتحت
شيخه بويها علامات استفهام لها ، وصل اكلهم وقعدوا ياكلون مع بعض ، العنود قعدت تسولف مع ناصر ، وخذت راحتها بالسوالف معاه ، شيخه شافت الوقت قاعد يمشي ، والعنود مب منتبه لها
