اَهنِي بِك حَياتِي يَا رُوح اَلعُمر

-1-

في عاصمة مملكتنا الحبيبه تحديداً بيت الجد متعب كانت ضحكاتهم ماليه المكان تنهد يوقف ويتقدم نحوها ويمد لها كفه:رُوح العمر تسمحين لي برقصه!
ضحكت بخفه تعدل شعرها وتمد يدها لـ كفه:طبعاً يـ حلو اسمح لك!
رفعت نجلاء نظرها لهم وصفقت :واو! انا منتظره فقرة الرقص من بداية السهره
ضحك هداج يشد على يدها ونطق سراج بحسره:راحت علي هالمره!
هداج سحب رُوح يدخلها تحت ذراعه والتفت يناظر عُمر الي جالس وبجانبه نجود الي سانده راسها على كتفه:عمي بحق والله ماتقوم هالحلوه لـ الرقص !
نطقت رُوح بـ اسف :والله مو كل الناس جنتل زي اخوي!
هداج:تشوفين محد جنتل زيي !
سراج تنهد بحسره:وانا ولد البطه السوداء منبوذ!
التفت عذبي لـ نجلاء:اخطى بحقك !
عدلت نجلاء طرحتها والتفت على سراج بحده:ماغيرك البطه احترم امك!
ضحك سراج:افا! اي بالله اني بطه! ولا من الحمار الي يقول لكل هالجمال بطه؟
ضحكت نجُود بعلو صوتها:سراجي بياع حتسي!
ضحك سراج يروح يجلس جنب نجود ويحضنها :والله عمي محظوظ!
عُمر التفت لـ عزام الي جالس بجانب متعب:ولدك قليل ادب مايحترم عمه!
عزام ضحك ونطق:كل ذا عشان رقصة هداج و رُوح قلبي الي ماتمت!
ابتسمت رُوح تشد على الجاكيت من شدة البرد وتنطق:والله احبك يا اجملل عزام بالكوكب!
سراج رفع حاجبه ونطق:احترمي نفسك مدحتي الكل الا توامك!
ابتعدت عن هداج تركض لجانب سراج وتسحب راسه لحضنها:توامي شلون ما احبكك!
هداج ضحك يتقدم لهم ويحضنهم:مايكمل الحضن بدوني !
ضحكت نجود ونطقت الجده عذاري بحُب:مايحتاج لـ روُحنا اخوان هداج وسراج يكفون!
نجلاء ضحكت؛الحمدلله سمعت شورك يوم ولادة رُوح !
رُوح ضحكت والتفت لـ هداج:رقصتنا! وش صار عليها
متعب ابتسم يشغل اغنية رُوح المفضله وسرعان مافزت تسحب يد هداج الي ماينسمع غير صوت ضحكته ابتسم يرفع ذراعها ويتركها تدور وتغني وتضحك وتردد كل كلمه رجعت تمسك يدينه من شافت الكل قام حتى جدها وجدتها وضحكت من يحبها عذبي يدورها ويغنون بصوت واحد لان الكل يعرف هالاغنيه مفضله لـ عذبي و رُوح:المشاعرر في هوانا تنتظر ساعة لقاناا!
ضحكت نجود من عُمر الي مبتسم ومحاورها من الخلف يتامل علاقة بنته بـ اخوانها واعمامها ويحمد ربه على نجود حبيبته وزوجته وام بنته لكن قاطع تفكيره سراج الي مسك كتفه ينطق بعبط:نيغن يهوجس؟؟
ضحك عُمر بعلو صوته:ماتحس انك تافه وانت تعيد الذبه مليون مره!
عذبي ضحك:والله حلوه بحق يا عموري!
ضحكت رُوح بعلو صوتها:اوف عموري مره وحده لا لا!
هداج:بصراحه خطير عموري كاني سامعها بمكان
نطق عذبي بتقليد:واي عموري انتبه لا تطيح!
ضحكت نجود بصدمه:بحق ترا بزعل منك
نطقت رُوح:صدق ياعذبي حدك الا المامي والبابي
نطق عذبي بصدمه:الله يالدنيا صاروا مامي وبابي!
رجعت شعرها لـ الخلف ونطقت بعبط :يس !
ضحك عزام ونطق:امي وابوي الى الان بعد شبابهم تقل لميس ومهند
ضحكت رُوح بصدمه:هاه! لميس ومهند! عمي انت معلق على الفين وكم؟
ضحك عذبي بعلو صوته:غبار وانا اخوك !
رفع حاجبه عزام:اخوك الكبير يا ورع!
نزل هداج بيالة الشاهي ونطق:خلاص عاد شوي وشعري يطلع منه شاهي متى العشى ومن بيعشينا؟
مسك سراج راسه:يالله نسيت محفظتي بـ الدوام!
رفعت حاجبها رُوح:ياكذاب اليوم اوف ما عندك دوام
زفر هداج بقرف:اجعلوا ولا انا بـ اعشيكم وراي استلام
عذبي:شرايكم نتعشى مندي!
التفت له نجلاء بصدمه:مو منجدك عذبي ارتاح!
ضحك متعب:والله اني مع شورك
تأففت رُوح ترفع شعرها:حشى اكلات لحوم كم مره في اليوم تاكلون لحم!
ناظرها سراج:يا كذابه مايجوز الكذب مو توك الفجر ماكله اثنين كبده!
ضحكت بصدمه:ترا ماعاد بشتري لك قهوه على حسابي!
تنهدت عذاري:انت وياها الولد عنده داوم انا بـ اعشيكم!
ضحكت رُوح بعلو صوتها:يس كفك سراجي !
ضحك يحضنها ويكملون سهرتهم الي معتادين عليها كل يوم جمعه في بيت متعب,
-
بعد ما انتهت السهره والعشى الكل راح بيته ماعاد الاحفاد وعمهم عذبي الي معتادين يجلسون لـ صباح السبت ثم يرجعون لـ بيتهم , غمضت عيونها تحس بـ الهوى يداعب شعرها وتحس بشدة البرد لكنها تعشق البرد وليالي ديسمبر الطويله شدت على كوبها ورجعت خصلات شعرها لخلف اذنها من جلس هداج قدامها ببدلته العسكريه ونطق:وش عندك جالسه لحالك؟
ابتسمت بخفه :اهوجس
ضحكت من قفز سراج:وان سهرت الليل اهوجس بك واعيد!
رُوح:ماتترك العباطه!
سراج:اتركها اذا خليتي شعرك يطول
ضحكت بصدمه:لذي الدرجه باين!
هداج ابتسم يناظر شعرها القصير الي لفوق كتفها ونطق:حلو عليها انت وش تبي؟
رُوح:يبي لنا سفره جديده ضروري!
هداج:والله تم بس لازم عذيب يكون معنا!
سراج تنهد:عذيب مب الي خابره!
هداج:ماتحسونه متغير؟
رُوح:والله للامانه قاعده احاول اسحب منه كلام وان شاءالله اوصل لنتيجه
وقف هداج يعدل بدلته:والله مابتنفعوني الحق دوامي احسن لي!
ضحكت ترفع جوالها تصوره:يا عسكري!!
التفت يناظرها:ضابط لو سمحتي!
ضحكت تصوره:كل الطرق تؤدي الى روما!
ابتسم يسحب جواله ومفاتيحه ويطلع لـ دوامه عكس سراج الي تثاوب بملل:بروح انام تصبحين على خير !
ابتسمت بخفه وهي تناظر صورة هداج :وانت من اهله!
وسرعان ماضحكت من شافت رد ايناس:أويلي صدق مايذبح البنت الا غرام العسكري!
ضحكت تكتب لها:خفيفه! وسرعان ماقفلت جوالها من
شافت عذبي متجه لها:رُوح قلبي وش مقعدك في هالبرد !
ابتسمت تناظره:احتريك !
عقد حجاجه بـ استغراب :ليش؟
عدلت جلستها تنزل الكوب وتشد على الوشاح :عذبي انت مو بخير!
بلع ريقه وشد على قبضة يده:وش تشربين
ميلت شفتها ونطقت :هوت شوكلت, لكن تذكر مصيري اعرف!
ابتسم عذبي:طيب سوي لعمك!!
ابتسمت بخفه:من عيوني ياعذابي!
ضحك بخفه:تسلم عيونك !
وقفت تمشي لـ المطبخ والسماعه بـ اذنها كالعاده تسمع اغاني عشوائيه لحد ماتوصل لـ اغاني ذكرى , ابتسمت ترفع الجوال وتصور شكلها اكثر من مره وتتامل شكلها لحد مادخل عذبي:شف انا تجمدت وانتِ جالسة هنا تصورين!
ضحكت بخفه:معليش نسيتك!
عذبي:مافيك خير حتى لعمك!
ضحكت تنزل قدامه الهوت شوكلت :يلا تصبح على خير!
ضحك بعلو صوتها من شافها تخرج وترسل له بوسات :والله انتِ كل الخير يبعد راسي!
-
طلعت بشكل مستعجل للمجلس الخارجي ودخلت بسرعه:سراج بسرعه الحقني!
رفع نظره لها:وش؟
تنهدت لثواني:تذكر المريض الي كانت اخر جلسه له قبل شهرين؟
تأفف سراج:شدخلني طيب؟
رُوح مسكت راسها:رجع مره ثانيه يسجل موعد!!
ضحك سراج بعلو صوته:اوف شكلك دكتوره فاشله
رُوح:انقلع قسم بالله ببكي! غثيث وعديم فهم متخلف
سراج:اني داري اجل ليش جاي يتعالج عندك لو هو بخير ما جاك!
ميلت شفتها ترمي عليه المخده ونطق:بنت لا تزعلين بحوله على عيادتي!
ضحكت تقفل الباب وهي فعلاً كانت متوتره تقابله بعد اخر جلسه لانه فعلاً ما كان طبيعي وسرعان ما ابتسمت من دقت إيناس تصارخ:وقح هو مختل بكل وقاحه يسجل موعد!
ضحكت رُوح:هدي سراج بيحل الموضوع
تنهدت إيناس:روري اخاف عليك من هالناس المختله!
نطقت رُوح:انا رُوح ماعلي خوف وبعدين لا تنسين وش سويت فيه!
ضحكت إيناس:والله اموت عليك !
قفلت رُوح منها وهي مستسلمه لنوم بعد كل هالاحداث الحافله الي مرت فيها , رمت نفسها على السرير تغمض عيونها بتعب شديد وتدخل في نوم عميق ,
-
في الشرقيه تحديداً بيت ناهل مع طلوع الشمس المعتاد عليه هو الطمأنينه لكن ماكان ينسمع من بيته غير صراخ جراح :قفلوا عليه!
صرخ ساجي بحده وهو يرمي كل شي حوله :مو انا الي تمنعوني اخذ حقي منه!!
جراح ضرب بعصاته الارض:امنعك وادعس عليك ولا يرف لي جفن!
رص وهاج على اسنانه بقهر من وضع اخوه وكيف يحاولون فيه هو وجسار لحد مارموه بـ اقرب غرفه يقفلون عليه تنحرق قلوبهم بكل مره يسمعون فيها صوته لكن مابيدهم حيله , جلس جراح بتعب:اتعبنا هالولد وش الحل معه !
نطق جسار بحده:محد زاد همه وصله لذا المرحله الا نايف ولدك
التفت ناهد يناظره بحده:نايف الي تقوله عمك !
نطق وهاج بسخريه:عمي الي ما استفدنا منه غير البلاوي!