اَهنِي بِك حَياتِي يَا رُوح اَلعُمر

-6-

صباح اليوم الثاني في الفندق كان جالس على سريره رفع جواله يتصل على استقبال العياده ونطق من ردت عليه موظفة الاستقبال:السلام عليكم
الموظفه؛ وعليكم السلام كيف اقدر اخدمك؟
رفع ابهامه يحك طرف شفته ونطق:الدكتوره رُوح هل في يوم ما تجي فيه؟
الموظفه جاوبت لانها تظنه بيحجز موعد ؛ هي مواعيدها فقط من الاحد لـ الخميس الجمعه والسبت ماتكون موجوده لكن في دكتوره ثانيه اذا بغيت؟
ساجي :لا خلاص شكراً ماقصرتي
ردت عليه بالعفو وقفل منها يتجه رقم رُوح يتصل عليها مايدري وقته مناسب او لا لكن حالياً مايهمه , عند رُوح الي عقدت حجاجها من انطفت الاغنيه وتوجهت للجوال تناظر:الله يعين من صوت هيفاء لصوت هالعصبي!
نطق بهدوء عكس حدة صوته المره الي فاتت:السلام عليكم
ابتسمت تنطق:وعليععكم السلام يا ولد ناهل!
ساجي :انا وافقت اعطيك فرصه
نطقت بهمس وبشبه سخريه :لو ما اعطيتني كان يمكن اموت؟
نطق المره الثانيه :لكن في اليوم الي احدده انا!
ابتسمت لثواني ونطقت:اليوم الي تبيه يا ولد ناهل ونبدا جلساتنا
ساجي :بعد بكرا
رفعت نظرها لـ الجوال ونطقت بصدمه:الجمعه؟
ساجي:اي نعم
هزت راسها بالنفي لكن اعرف انه عرض عليها هاليوم لانه اوف لكن مستحيل ترفض:تمام موعدك الساعه ثمانيه الصباح يوم الجمعه بس لازم قبلها تجي تفتح ملف او عن طريق الجوال فقط وانا بسجل لك الموعد وشكراً احسن ظنك فيني وان شاءالله ما تطلع من العياده الا وانت راضي اتم الرضى
قفل بدون اي رد ونطق:كثيرة كلام !
سند راسه بتعب يرجع يكمل نومه هو عارف ان تصرفه وقح لكن يدري ان احد مرسلها عليه اذا بيعاملها بهالاسلوب لحد ماتعلمه لكن كان جاهل الايام والطريق الي بـ انتظاره,
-
عند رُوح عضت شفتها بغيض لكن تجاهلت الموضوع وطلعت رقم ناهل تتصل فيه وابتسمت من وصلها صوته :اهلاً بالدكتوره رُوح
نطقت بكل هدوء :هلا فيك شيخ ناهل !
ابتسم ونطق:عسى فيه اخبار تسر الخاطر يا بنتي
نطقت بجديه:والله يا استاذ ناهل تواصل معي وافق لكن بشرط تكون الجلسه يوم الجمعه
ناهل رفع حاجبه بـ استغراب ونطق:يوم جيتكم؟ طيب وافقتي
رُوح :وافقت لان هو يبي يعاند يبي يعرف من مرسلني عليه لكن بـ اسايره !
ابتسم ناهل ينطق:اساساً من الافضل الجمعه عشان ما تجمعكم الصدف لان ولدي واعرفه لو عرف اني وراء علاجه بيهد الدنيا بأذن الله انتِ قدها وواثق فيه
رُوح :بأذن الله تعالى اكون قد الثقه ما اخيب املك ويرجع مثل الاول واحسن
ابتسم ناهل :ان شاءالله , مع السلامه بينا تواصل
قفلت منه وارتمت على السرير تتصل على إيناس الي ردت وهي معصبه :وينك الى الحين ما جيتي ؟
نطقت بتعب:والله تعبانه واي ورقه او اي موعد قولي لهم يأجلونه بخلي اجازة الجمعه اليوم
عقدت حجاجها إيناس ونطقت:شلون؟
ضحكت رُوح:ولد ناهل دق قال يبي الجمعه
صرخت بصدمه؛وافق؟
رُوح :احسه مو عشان نفسه او علاجه احس عشان يعرف من انا
إيناس:اهم شي وافق كنت اظنه صعب!
رُوح :لا تطيرين نومي وخلي ناهل وولده يقعدون لاحقه عليهم
قفلت رُوح وتعالت ضحكات إيناس:غبيه هالبنت!
تنهدت تلتفت للورد الي توه وصلها ونطقت:من الغبي الي مسوي فيها مجهول ويرسله!!
,
,
في أحدئ مولات الشرقيه تنهدت تجلس بتعب:ود قسم
تعبتيني!!
ود:مالقيت فستان احلامي!!
وهج:وش ببالك؟
ود:ابي لون ابيض !
وهج:انا طلعت بكل هذي الاكياس وانتِ باقي!
ود:مالقيت الفستان الي صنع من اجلي
وهج؛ياروحي وانا وش ذنبي؟ مو على اساس ماتبينه؟؟
ود:باقي بـ استخير بس انا دايم حلوه مو عشانه او عشان اهله
وهج:منطقي مره بس بيكون احلى وافضل اذا قمتي انجزتينا!
ود:خاطري اتقهوى !
وهج:نتقهوى بالبيت بسوي لك بلاك كافي يلا قومي!
ود:تصرفيني بـ البلاك لا يحياتي ابيV60
وهج:والله بوسي الي تبين بس قومي خذي الفستان الذي صنع من اجلك !
ضحكت توقف تشيل باقي اكياسها وتلحق وهج ,
,
بعد صلاة العشاء ابتسمت رُوح :عذابي
رفع عذبي نظره لها ونطق:وش عندك؟
ضحكت بصدمه:افا!
عذبي:وراك شي ولا تناديني عذابي؟
غمضت عيونها ونطقت بسرعه:الجمعه مقدر اروح معكم!
رفع حاجبه ونطق:لا يشيخه!!!
رُوح :ياخي والله عندي شغل مهم!
عذبي ميل شفته؛شغلك اهم مني اصلاً
تنهدت من حست بزعله : عذيب ترا متعبه نفسي مسوية لك حلى !
عذبي :لا يشيخه شغلك اهم!
رُوح :عذبي بلى حركات بزران بعدين ترا بس زياره مو خطبه!
عذبي:بس ابيك معي خطوه بخطوه!
رُوح تأففت بزعل تحرك شعرها:ماتعذرني؟
عذبي:والله اعذرك لكن هالشي مهم وانا ابغى اختي وبنتي تحضر
ضحكت تمنع دموعها لان هذا طبعها مع الكلام الحنون وخاصه اذا شخص تحبه وتعزه تغلبها دموعها وعاطفتها تقدمت تحضنه وتسند راسها على صدره:والله وعد بس هذا الشغل مقدر والله مره مهم!
شد عليه ونطق:ام دميعه خلاص عذرتك
ابتعدت تضرب كتفه:تخسى!
ضحك :وين الي قبل شوي تحضني ؟؟
رُوح :انقلع عند زوجتك يلا الغلط علي!
سحب الحلى وتربع من سمع رنة الجرس:جماعتنا عند الباب فكي لهم
ضحكت تركض تفتح الباب ونطقت:آل غياث كلهم جايين
ضحك عُمر :العزيمه في بيتي افاا!
متعب:تعقب بيتنا كلنا!
تعالت ضحكاتهم ونطقت نجلاء:الله الله حلى عشان الشيخ عذبي
هداج:وانا فقعت مرارتي بـ الشاهي والهون شوكلت!
ضحكت بصدمه:يالجحود! والبيتزا
سراج:هي مره وحده وطلعتيها من خشمي!
ضحكت بصدمه تجلس عند الحلى وتبدا تقسمه:طبعاً قد بلغت العريس والحين بـ ابلغكم
نجود:نعم يا امي مسويه حلى وتقسمينه وراك شي؟
ضحكت بعلو صوتها:صح عرفتي!
نجود:تفضلي قولي ؟
رُوح:ما راح يمديني اروح معكم الجمعه
رفعت حاجبها عذاري:ليش يـ روحي ؟
رُوح ابتسمت بلطف:والله عندي موعد لمراجع
عُمر :امعصي تقعدين لحالك!
رُوح :بنادي إيناس!
سراج:ان كان تفكرين تروحين له قسم اروح اصفق وافي واصفقك معه
ضحكت بصدمه:يمه منك , بس لا والله صدق في مراجع وعمي عزام يعرف عنه حدد يوم الجمعه
رفع عزام حاجبه بدهشه ان ساجي ماراح يكون متواجد ونطق:اذا المريض انا انا مرسله ضروري تكونين موجوده!
ميلت شفتها نجلاء:حسافه من يقيم اهل العروس معي؟
ضحكت رُوح :شدعوه جده ومامي معك!
عُمر:اذا كنتي تفكرين تقعدين هنا لحالك لا وستين الف لا
ضحكت تقوم تجلس جنبه وتبوس خده:احب الي يخافون!!
ضحك يقبل جبينها :اهخ منك يا رُوح العمر!
وقف هداج بتقليد يحضن عزام الي دفعه:لا ياشيخ!
ضحك هداج:والله بيئه جافه احتاج احد احضنه ويحضني
نزل عذبي صحن الحلى ونطق بعبط:تعال يا حبيبي لحضني
شرع يدينه يركض بعبط لعذبي يحضنه:شفتوا تعلموا الحنان من عمي!
ضحكت رُوح :مو صاحيين!
نطق هداج:عذبي حب راسي عشان احس بحنان اكثر
دفعه ونطق بحده:اعقب وانا ولد متعب
رفع حاجبه متعب:وانا ابوك قم شف شغلك معه حفيد فاشل
تعالت ضحكاتهم من وقفوا عذبي وهداج يتصارعون وتعزيز متعب وعزام كان يزيد صوت ضحكهم الي ما كان يخلى من جلساتهم يثبتون بحبهم لبعض وجلستهم الحنونه وقلوبهم الي على بعض ان فعلاً العائله أساس الايام السعيده وسبب سعادة الانسان حتى في وقت حزنه
يثبتون ان المرء يُغاث بدفء عائلته بعد رحمة الله يثبتون ان كل ما كانوا حول بعضهم تكون سعادتهم ولا يهمهم العالم الخارجي , منظر ضحكة العائله بشكل جماعي يستحق التخليد ,