اَهنِي بِك حَياتِي يَا رُوح اَلعُمر

-13-

بعد العشاء عند سطام الي ابتسم براحه يرفع جواله يحاسب من صرافة ابوه بعد ما تنهوا من كل شي يخص الديكور وكان مبلغ جداً مبالغ فيه ويمكن يكون هالمبلغ سبب في وفاة نايف , ابتسم براحه يناظر حوله يشوف اللوحات الي كان يعشقها معلقه والفنانين والشعار صورهم ماليه المكان مع عبارات واشعار عظيمه لا تنسى و اغلبها لـ شعار عظيمين يشوف ديكور المحل الي كانه قديم لكنه معاصر يهني نفسه على ذوقه وجميل اختياره وهو عنده يقين ان المحل بيكون عليه إقبال كبير لأجل الديكور إلا اقل كلمه توصف جماله هي الفخامه تنهد يسحب كرسي ويفتح جواله يشوف اتصالاتهم العديده وضحك يرد على وهاج؛السلام عليكـ ضحك بذهول من قاطع وهاج كلامه بحده؛يا غبي يا ثور يا دلخ ما ترد علي ليش؟؟
ضحك سطام بعلو صوته؛ ان لله لذي الدرجه تخافون علي؟؟
وهاج بحده؛لو اشوفك كسرتك زي ما ساجي كسر سيارتك
ضحك بذهول: يارجال كنت مشغول !
وهاج؛48ساعه مشغول وش سويت؟؟
سطام ؛المحامي سطام فتح افخم محل بالشرقيه
نطق وهاج بذهول:شسويت؟؟
ضحك سطام:برسل لك الموقع تعال
قفل وهاج بسرعه يلتفت لـ ناهل؛يبه سطام رد علي
نزل ناهل كوب قهوته ينطق:وينه فيه من الصبح؟
سحب مفتاح سيارته ينطق؛مدري عنه ذا الدلخ بروح أشوفه
ناهل نطق بحزه؛كلمني صاير فيه شي
صرخ وهاج يطلع؛مدري مدري
نطقت وهج بـ استغراب من ضرب الباب وهاج؛ ليش كل هالخوف؟
ناهل؛سطام يسوى قبيله كامله واغلى من روحي علي وما تبيني اخاف
ميلت شفتها تشوف خوفهم عليه ونطقت ود؛كلمتوا ساجي؟
جميله؛لا بس هو كلم جسار وقال انه بيكمل وبعدها بيسافر
عقدت حجاجها وهج؛وين يسافر؟
جميله؛خلوه يكمل علاجه ووقتها كل قرارته بـ تتلاشى وبيرجع عقله لـ راسه
ود؛بصراحه أنا عندي ثقه بـ رُوح انها بتغير الي ما قدرنا نغيره حنا!
تنهد ناهل يوقف وينزل نظاراته وهو فعلاً واثق برُوح لانه عارف انها بتسوي الي تقدر عليه حتى ترجع لهم ساجي الاولي
ابتسمت ود تنطق؛ان شاءالله ما يجي زواجي إلا وهو بخير!
ضحكت وهج:يالله زواجك!
ابتسمت جميله؛الله يكتب الي فيه الخير
ميلت وهج شفتها تشوفهم كلهم يقومون تنسدح على الكنبه تفتح جوالها تشوف آخر مسج وصلها وكانت لوحه مليانه تفاصيل وصعبه صعبه نطقت بـ استغراب؛ذا وش يحسبني بس المبالغ مُغريه بشكل!
,
~ بيت نايف ~
الي كان قايم قاعد من الصبح ينتظرون مكالمه وحده تطمنهم على سطام لكن وقف نايف بذهول من شاف سحب من صرافته بمبلغ وقدره ينطق:سطام بخير وساحب من حوالي المية الف
وقفت نوال بذهول تنطق؛شلون؟؟
مسح نايف على ملامحه يتصل على سطام ينطق من فتح الخط؛حمار أنت والله اني جايب حمار احرقت قلبي عليك وتطلع مقفل جوالك عشان الفلوس؟
تنهد سطام ينطق:يبه والله ما كنت ادري اني بشغلكم!
صرخ نايف بحده؛ارسلي موقعك الحين جايك والله يا سطام لو الموقع ما يكون صحيح ان تشوف شي مايسرك
قفل نايف منه ونطق سطام؛يلا عادي يا سطيم ارسله له حتى إذا مت اهم شي سويت الي بخاطرك رفع نظره من دخل وهاج يدفع الباب بغضب؛ اقسم بـ ايات الله أن أسدحك هنا يا كلب
ضحك سطام؛حبكم عنيف وخوفكم مخيس متى اتزوج ذيك الي تهمس لي
صرخ بالم من سدحه وهاج ينطق بحده؛ غبي انت تحسب ما وراك احد ظنيت انك مت!
دفع سطام وهاج يوقف ينطق؛ما يحق لي انعزل ابعد عنكم اسوي الي بخاطري؟ ولا لا متعودين على سطام الي يضحك ويمزح وكل شي بالنسبه له سهالات ينطرد كل مره ويضحك يشوف عمه وعيال عمه يهينون ابوه ويسكت ابوه يذله على الفلس ويسكت ابو يسوي أشياء ما ترضي حتى المجنون ويسكت اهله يكونون بـ اسوء حالاتهم ويضحك ويسكت ليش؟ لانه سطام يتحمل!
تقدم له نايف ينطق؛هذا ظنك ابوه يذله على الفلس؟
رفع سطام نظره يشوف ابوه امامه ؛ابوك يذلك؟
شتت نظره ينطق؛محشوم يبه
صرخ نايف بحده؛ جعل الفلوس تحترق إذا كانت بتحط بيني وبين ولدي حدود!
ضحك بسخريه لان هذا طبعهم يقلبون سعادة الشخص لـ حزن ونطق؛محشوم يبه اعتبرني ما قلت شي إلا وش رايك بالمكان مو رهيب!
رفع نايف نظره بقلة حيله يعرف ولده وطبعه وانه يعاتب من لا شي لانه بالأخير مستحيل يزيد بالعتاب او ينهار قدام احد لانه يعرف ان مشكلة نايف وساجي زعزعت عائلتهم  الي ما بقى منها إلا علاقة وهاج و سطام هو يدري انه غلطان لكنه يكابر يدري ان نوال عيت راسه لكنه غلط وما اعتذر واذا اعتذر وش بيفيد؟! هو ما كان غلطه لمدة يوم او يومين او شهر كان لمدة سنتين ضاع من عمر ساجي آخر سنينه بالعشرين خسر اخوه وأخوتهم الي ينضرب فيها المثل  وفوق هذا كله عنده فرصه يصلح كل شي ويريح كل واحد فيهم لكن يكابرر,
,
بداية الفجر تافف يخرج من سحبه وهاج ؛والله ما تنام في بيتكم
صرخ بجنون ينطق؛ياخي شتبي انت شتبي ابي غرفتي تكسر ظهري من نومك المشب
وهاج؛تعودت عليك احسك ولدي
سطام؛ياولدي اتركني ابي بيتنا مسوي لي فيها كريم؟
وهاج ؛هب شحمه انت وكريم وامش معي
سطام؛اشتقت لـ امي طيب
ضحك وهاج يركب ؛اصير لك ام
ضحك سطام من ضحكته يركب سيارته ويغير مساره يغدر بـ وهاج الي لحقه يوقف امام بيت نايف؛يا تنام عندنا يا انام عندكم
سطام؛ترا مو الكل عمتي جميله يجهز لك فطور ويأكلك ويخليك ترقد !
ضحك وهاج بذهول ؛يعني ارجع بيتنا
سطام؛لا اقلط وانا اخوك
ضحك وهاج يدخل ونطق؛لا انت قلطت صدق؟
ضحك وهاج يتوجه لـ المجلس ويتوجه سطام لـ الداخل يجيب فرش؛حسبي الله عليك متى برجع ارقد على سريري!
وهاج؛الله يا دنيا نسينا يوم كنت تنام على قطعة قماش
سطام؛أنا ما اذكر انت البزر كيف تذكر؟
,
~ بيت عُمر تحديداً غرفة رُوح~
انسدحت تغطي نفسها وتعدل بجامتها تحرر شعرها من المشبك وهي فعلاً ألغت كل مواعيده القادمه تنزل له مواعيد بـ الاسبوع تكون عنده جلستين وجلسته الجايه وهي ثاني جلسه في هالاسبوع كانت الثلاثاء هي إلى الان ما تدري بتكمل علاجه ولا لا لكن نزلت له الموعد الي بيحسم مسيرتهم في هالمشوار , نزلت جوالها تناظر بـ السقف وتفكر هي كيف بتخوض هالصراع معه وهل بتكون قده وبتقدر ترجعه زي ما كان واحسن؟ تتسائل وكثير وتساؤلاتها ما تنتهي ابد ,
,
هو ما نام ابد ولا غفى من داهمته ذكريات وصور ما انمحت من ذاكرته ينسى اسمه وعُمره واغلى ما يملك ولا ينسى ايامه وذكرياته معه ولا ينسى كم يوم ساندوا بعض كم مره دخل بيته واكل معه كم مره ضحكوا كم مره انهد حيلهم كم مرا فشلوا ما ينسى الشخص الي شاركه فشله وشاركه نجاحه ودعمه يخطب الي يحبها وسانده في امور حُبه وشغله وقف معه كثيررر هو يكره نفسه ويشتم الليله  الي يتذكر فيهاا لانه فعلاً عنده يقين ان اكبر واسوء عدو لـ الانسآن ذكرياته كان يحترق ويلوم نفسه لانه يتذكر ويشوف ويشتاق لـ مواقف مستحيل تنعاد لانه يشتاق لـ شخص ميت ويعرف انه الشوق لـ الميت مميت,