اَهنِي بِك حَياتِي يَا رُوح اَلعُمر

-21-

ضحكت رُوح باسى ورفعت نظرها لـ ساجي الي كان مغطي ود تماماً ومو واضح غير اطراف فستانها ونزلت نظرها لـ بيادر الي كانت امامها وكانت تتامله بطريقه تنرفز رُوح وتخليها تغلي ميلت شفتها تنطق بهمس؛تحسبه حقه؟
التفت لها إيناس؛قلتي شي؟
ابتسمت تهز راسها بـ النفي وضحكت بذهول من شافت وهاج يدفع ساجي بخفه ويحضن ود ومرت دقايق طويله وهم يرقصونها وبعده طلعوا مع عذبي يرجعون لقسم الرجال ووقفت رُوح مع امها يتقدمون لـ ود يعطونها هديتها ويباركون لها,
,
عند الرجال نطق سراج لـ عُمر؛عمي قوم ولا تعطيه مجال
التفت له عُمر بـ استغراب يرفع نظره لـ مالك وابتسم؛والله ما يمس بنتي ولا حتى يفكر فيها الله يكون بعون ابوه بس
تنهد سراج يعدل جلسته من شاف الرجال بدو يمشون ونطق ؛ اهخ يا عذبي اعرست
التفت له عذبي؛والله اني مبسوط اني معد بشوف وجهك تدري؟
نطق سراج بسخريه؛وش معد بتشوفه تحسب بتخطفك
ضحك هداج؛بيعطيها وضعية جيتني بعد الشروق الي محى عتم الليالي
تنهد عذبي ينزل بشته من تقدموا الناس يسلمون عليه ويتودعون منه ونطق سطام ؛والله اني تعبت
التفت له ساجي؛تعبت من ضربة الشمس الي صفقت عقلك اليوم
ضحك بذهول سطام ينطق؛أنا راضي بـ الاهانات لانك صاير تهرج معي
ابتسم يناظر القاعه الي فضت تماماً ما بقى فيها سوى آل ثنيان وآل غياث تنهد من شاف عمه يتقدم نحوه ينطق بهمس؛يارب صبرك
وقف من تقدم له ينطق ؛ولا تسلم يا ولد ناهل ولا تقول اني عمك و وجوب صلة الرحم
رص على اسنانه بغضب يلف رقبته بخفه لان نايف استفزه يوم نطق بصوت عالي وبوجود ناس مو من آل ثنيان ابتسم ينطق بهمس؛في كل مره مُصر تنهان يا نايف؟
نطق نايف بصوت عالي؛افا ولد اخوي وتهيني؟
ضحك بغضب لان الي يسويه جنون وهو كان ناسي ان ساجي يعشق هالجنون لاجل يفرغ غضبه؛يعني ملزم ابكيك بكل مناسبه تصير؟ ياحيف انك من آل ثنيان
دخل ناهل وهو يشوف نايف و ساجي قريبين من بعض والعين بالعين تحت انظار عايلتهم وعايلة متعب الي علامات التعجب واضحه على ملامحهم عكس علامات التوتر الي واضحه على جراح واحفاده تقدم ناهل ينطق؛عسى ما شر؟
نطق نايف بسخريه؛لا بس ولدك محترم كعاته
شد ساجي على قبضة يده ينطق بـ ابتسامه ؛محترم غصباً عنك
احتدت نظرات ناهل لـ ساجي الي اخذ نفس يرفع يدينه لـ زرار الثوب العلوي يفكه ونطق نايف؛خايف تنفعل ويقولون عنك مريض نفسي ومجنون بعد ما تعالجت
تقدم ساجي لنايف لكن دفعه ناهل يطيح شماغ ساجي في ذات اللحظة الي نطق فيها جراح بحده؛عمك يا ساجي
مسح على ملامحه من نطق عزام؛يا جماعه استهدوا بالله
التفت ساجي يرفع اصبعه بوعيد وتهديد من سحبه جسار؛موتك على يدي رفع جسار يده على فم ساجي من بدأ يشتم بـ الألفاظ ما تناسب هالمكان ولا تناسب اصحابه دفعه يخرجها لـ الخارج ومن حسن حظهم ان عذبي مشى قبل يصير هالنقاش، نطق جسار بحده؛صاحي انت مو قدام آل غياث
رفع يده يمسح ثغره وينطق؛والله لا ابكيه والله لا اندمه
خرج ناهل بـ استعجال لـ ساجي الي التفت يركل كفر السياره ونطق بحده ؛ولد! , لكن ما سمعه يكمل يركلها لحد ما رفع يده بيضرب بها الشباك ومسك يده ناهل؛ساجي
خرج نايف والتفت له ساجي بيركض لكن دفعه ناهل يطرحه على السياره ؛مو قدام العالم
رفع راسه بصعوبه من خلف ناهل يبزق على نايف وسرعان ما كتم انفاسه ناهل بيده ياشر لـ سطام ياخذ ابوه ويمشي
اما متعب تقدم لـ ناهل ينطق؛يبو جسار
التفت له ناهل يترك ساجي الي نزل يسند ظهره على مقدمة السياره ياخذ نفس ونطق متعب؛فمان الله ماشين الحين حنا بغيت شي مساعده
هز ناهل راسه بالنفي يصافحه ؛لا والله في حفظ الرحمن يبو عزام وأعذرنا على الي حصل
, في الجهه الأخرى خلف القاعه خرجت ريناد تنطق؛اوف وينهم مو قالوا برا
تنهدت رُوح تميل راسها وسرعان ما اتسعت عينها بذهول تشوف ساجي الي ابوه كان كاتم انفاسه ثم تركه من تقدم له متعب وكان شكله عشوائي والتراب معبي ثوبه عضت شفتها وهي ودها تسأله وش صار معه؟ هي خايفه عليه والخوف بان عليها لكن بتعطي هالخوف حجه انه بيوم من الايام كان مريضها
«قصر ناهل , منتصف الليل»
كانوا جالسين اربعتهم ناهل وعياله الاثنين ورابعهم سطام وهم اخذوا ساعتين لاجل يهدون أسير الاحزان الي سكن وكان جالس على أحدى الكنبات وكان هالمره الصمت سيد الموقف لان ناهل كان منحرج جداً من آل غياث وخايف على ساجي ينتكس لكن قاطع صمتهم الاسير الي كان كل ثوبه تراب وشماغه بجانبه وشعره متبعثر وبعض الخصل متمرده على ملامحه الهادئه قاطع صمتهم من نطق ؛وانا محسب حسابه نجيه من غير بابه
كان يردد رغم ان صوته عادي لكن صُعقوا من غمض عيونه يكمل"سنتين على الدرب تايه" كانت ملامح الذهول واضحه عليهم لانه اختار احدى اغاني فنان العرب وما كانت اي اغنيه كانت اغنيه توصف حاله وبشكل مو معقول"ما احد من الناس يأبه يرشدني علي احبه"
كانت كل كلمه من هالاغنيه توصف حاله خلال السنتين الي مضت بشكل "مجنون" لانه فعلاً عاش عذاب سنتين لين ربي دله على انسانه حبها وطلعته من هالعذاب لكن اليوم بعد الي حصل يفكر وبشكل مو طبيعي معقول ما تحبه ؟ معقول تكسره؟ وكيف بينساه سهل ينسى اي شخص إلا" رُوح"صعب نسيانها تنهد يفتح عيونه ويرفع جواله يناظر الرساله الي ما فتحتها من الاساس وتنهد يغمض عيونه ويسكت هالمره بدون ما يغني تحت انظار ناهل والباقيين الي كانوا فعلاً مصدومين من حاله وهدوئه بعد العاصفه الي سوها ولولا ما مسكوه اليوم احتمال انه ذبح نايف وانتهت معاناته معه,
,
الفندق عند العرسان الي فعلاً ما كانوا دارين عن الدنيا وعن الي صار , ابتسم لها عذبي يشد عليها بحضنه وينطق؛انتهت هاليله على خير
ابتسمت له ونطق؛عذبتني معك سنتين يا حضرة المحاميه!
ضحكت بذهول تنطق؛كلها سنتين شدعوه
ضحك ينحي يقبلها ويتعمق بتقبيلها لحد ما ضربت كتفه؛ننام مؤدبين! مفهوم؟
ضحك يطفي النور الي بجانبه ؛اخاف ترفعين علي دعوة خلع إذا ما سمعت كلامك؟
ضحكت تغمض عيونها وهي فعلاً مبسوطه لان هي وعذبي لايقين لبعض وبشكل مو معقول ويستاهلون كل خير,