اَهنِي بِك حَياتِي يَا رُوح اَلعُمر

-2-

صحى يناظر الغرفه وكل شي مكسر متحسر على حالته وتعبان بالحيل لكن كل ما هدى فتحوا له الموضوع من جديد يهوجس بـ اشياء كثيره يهوجس بحياته قبل بحلاوة روحه وحبه للحياه تنهد يمسح على شعره ويوقف بصعوبه, تقدم لـ المرايا يناظر جروح صدره تنهد بـ أسئ وتعب ونطق بكسره يضرب المرايا الي امامه:منت الاولي ياساجي! , طاح يسند راسه بتعب تعب تعب يتحمل كل شي حوله تعب بالحيل , نطق يكرر اسمه ويذكر نفسه انه تغير وتغيرت حياته او بـ الاحرى تدمرت تماماً,
-
ابتسمت جميله تشوف ود تتجهز:محاميتنا الحلوه بالتوفيق!
ابتسمت ود بلطف:ماما احبك!
ضحكت جميله:وانا احبك يا أجمل محاميه
ميلت وهج شفتها:وش ذا الغش وين عايشين؟؟ انا اخر العنقود المفروض يكون هالدلع لي
وهاج رفع كفه يضبط كتفها:ابو داحم انتِ عن عشر رجال وتبين ندلعك؟
وهج نطقت بحده:ابلع وانت ساكت لا اعطيك كف يعدل وجهك!
ضحكت جميله بعلو صوتها:هذا اثبات ياروحي انك ابو داحم !
كانوا يسولفون ويمزحون ماعاد ناهل قلبه وعقله وتفكيره كله مع "ساجي " لكن ابتسم من شافه نازل لكن كان كعادته باهت وحزين وسرعان مافز ناهل يتقدم لـ ساجي يحضنه :تو ما ابتدا صباحي !
ابتسمت جميله ونطقت:اي بالله تو مانورت يـ اسير الاحزان
تنهد ساجي وتقدم يجلس والتعب باين على ملامحه وسرعان مانطقت ود:تاخرت انا مع السلامه!
ابتسم ناهل: بالتوفيق يا حبيبة بابا!
طلعت ود ونطق ساجي بهمس :وين جسار ؟
جميله:في بيته ياحبيبي!
وهاج نطق بسخريه:كل ذا المدح لـ سوسو بحق!
التفت ساجي يناظر وهاج بنظره خاليه من المشاعر  وسرعان ما وقف وهاج ونطق:انا رايح اشوف سطام
نطقت وهج:اغبى ثنائي في التاريخ بيجتمعون غريبه اساساً يومين ماقابلته
ضحك ناهل:الثنائي الغبي العلاقه الي ماتغيرت ابد!
وهج:يبه لا تحاول بيادر مستحـ شهقت من بتر حروفها صراخ ساجي الي طلع لغرفته ونطقت جميله:غبيه انتِ؟
وهج تنهدت:يالله!
ناهل ابتسم :ساجي بحاجة مساعده الي مو فيه مو سهل مع الايام بيتحسن!
نطقت جميله من وقف ناهل يخرج من البيت:جوجو شوفي لنا دكتوره نفسيه شاطره
وهج ضحكت بسخريه؛ايوا لان اخوي حبيبي بيروح على طول! بعدين ماما ساجي مو مريض نفسي!
جميله:عارفه اجل بخلي ولدي مريض ولا اقول انا ليش اكلم وحده غبيه زيك !
ضحكت وهج تسحب كوب قهوتها :اجمل شي في هذي الحياه الاستغباء !
-
<المحكمه>
دخل عذبي وهو مايعرف شلون لحق يحجز اقرب طياره من الرياض لشرقية لكن اهم ماعليه ما تفوته المحاكمه
تنفس براحه من شافها واقفه تنتظر , وتنهد وهو كل مره يلمحها قلبه يخفق بجنون فز من تقدم له ناهل:المحامي عذبي ؟
ابتسم عذبي يصافحه:ارحب يبو جسار
ابتسم ناهل :اللقى يابن متعب اخبارك عساك بخير؟؟
عذبي:ولله الحمد وانت شخبارك ؟
ابتسم ناهل يرد عليه وياخذ اخباره :اي وش جابك لـ الشرقيه؟
ضحك عذبي:سمعت عن المحاميه وانها من افضل المحامين فـ جيت احضر الجلسه
ناهل ابتسم بفخر:المحاميه بنتي
كان عذبي مايسمع غير نبض قلبه :بنتك؟
ناهل:اي بنتي محامية آل ثنيان
حك جبينه بذهول ونطق:الله يحفظها لك
ابتسم ناهل يبتعد وهو يعرف عذبي بحكم انه استلم الكثير من القضايا وهذي مهنة ابوه من قبله
-
الرياض عيادة رُوح وإيناس تنهدت رُوح من انتهت جلستها مع مريضتها وعضت شفتها :الطب النفسي صعب
دخلت إيناس وهي تضحك:توك تستوعبين؟
رُوح :علم النفس اجمل بكثيرر
ابتسمت إيناس:يادكتورتي النفسيه انتِ عندك المجالين كلها !
رُوح:في شي يقهر وهو الي يجيبونهم على اساس انهم مرضى! وهو فقط يحتاج شخص يسمع له ويخليه يتخطى هالصدمات!
ابتسمت إيناس تنزل كوبها:انا ماعندي القدره على اني اسمع لشخص لكن انتِ وافكارك الجباره ساهمة بشفاء كثيررر!
رُوح :مستعده اسوي اي شي بس مايدعون في نفس الانسان انه مريض نفسي!
إيناس:يلا اترك لك مجال ترتاحين
ابتسمت رُوح من طلعت إيناس وسندت راسها تنثر شعرها وتتصفح بمواقع التواصل وتسمع ذكرى كعادتها
وضحكت من دق سراج:الحقيني!!
ضحكت رُوح:وشصار؟؟
سراج بحده:ماغير تضحكين اسمعي وقعت على عمليه يوم سفرتنا!
رُوح عضت شفتها بقهر:اذبحك والله اذبحك سراج قدمت اجازه مسوي دكتور جراحه مهم اساساً انت كيف دخلت طب وانت بهذا الغباء يا متخلف! اساساً لو تسوي عمليه شلت الدماغ وركبت جزمه!
نطق سراج بصدمه :هوب هوب هوب تنتظرين اللحظه المناسبه عشان تسفلين فيني؟؟
رُوح:انقلع لان لو كملت احتمال نخسر بعض  ,فتاه تقتل اخاها بسبب عمليه
ضحك سراج:واخاها يعطيها كف يعدل وجهها!
نطقت بحده :والله وش زيني عدل وجهك بعدين تكلم
ضحك بصدمه من قفلت بوجهه وتنهد يفكر شلون يحل الورطه الي ورط عمره فيها,
-
<عند الثنائي الغبي>
سطام:وهوج احس اني طفشان
نطق وهاج بحده :وهوج بعينك بعدين تكفى لا تطفش تدخلنا بمصيبه ؟
سطام:احمد ربك احد معطيك وجه يدلعك
وهاج:الله والدلع وهوج ليتك راقد!
سطام نطق بتقليد:سطام تكفى تعال نتقابل من زمان عنك
وهاج :والله ندمت ليتني استخرت !
سطام:شرايك نشتري ارض بصرافة ابوي؟
ضحك وهاج :رهيبه لـ الامانه !
سطام:امش طيب الي اغلى ارض بالرياض كلها!
وهاج:عندي ولا يهمك!
ضحك سطام بحماس من ابتدوا  رحلة البحث عن اغلى ارض,
-
<شركة جراح>
نطق جراح بحده:نايف تسمعني زين وتعتذر من ساجي كم لي وانا اكلمك!
نايف؛ماني نعتذر شين وقوي عين يبه رفع السلاح بوجهي!
جراح ضحك بسخريه:والله ماندري من الشين وقوي العين! نسيت وش سويت؟؟
تنهد نايف يوقف يخرج من مكتب ابوه ويشتم كل شي حوله ,
,
عند جراح الي تنهد يسحب صورته مع ساجي وهو 26 سنه ساجي الي دار شركاته وسانده وينه الحين ؟ طريح الفراش وبسبب اقرب اشخاص له تنهد جراح بتعب وحسره على ذراعه اليمنى :ساجي القلب يا حفيد قلبي برجعك الاولي ولو مر وقتت,
,
"بيت جسار "
نطقت بقهر:جسار الا ابوي والله ما تلوم الا نفسك!!
صرخ جسار :ابوك عديم الاحساس !!! احرق ساجي ؟؟
بيان:وش تفكررر بس ابوي الي كان السبب غلطان بيادر ماتبي هالمختل!
شهقت من ضرب الجدار :الا ساجي الا ساجي يا بيان!!
بلعت ريقها وهي ندمت انها سمعت كلام امها بذا اللحظه ونطقت:جسار ثواني نتفاهم!
هز راسه بـ اسف وسحب جواله يطلع من البيت بسرعه جنونيه, وقف بنص الطريق يسند راسه على المرتبه ويدق على رقم ساجي على امل انه يرد وسرعان ماضحك بفرح من رد عليه ونطق :ساجي؟
نطق ساجي بصوته المليان حزن:كالعاده تسببت بمشاكل من جديد, سكت شوي ثم نطق يكمل:عسى ربي ياخذني وتفتكون مني,
تنهد جسار :ياخي ارحمنا وارحم نفسك!
سند ساجي راسه بتعب:وش سوت بحياتي؟
جسار شغل سيارته ونطق:اهدا وانا جايك الحين !
تنهد ساجي من قفل جسار وسند راسه لدقايق طويله لحد مافتح جسار باب غرفة ساجي ونطق:كنت تنتظرني؟
فتح ساجي عيونه وهز راسه بـ ايه ونطق جسار:من قدي عقب هالسنتين ساجي ينتظرني!
بلع ساجي ريقه ونطق:مرت سنتين ! مو سنين؟
جسار طلع صوره من جيبه يمدها لـ ساجي:شوف شلون ضحكتك ! شوف نفسك!
ساجي رفع الصوره ويأسر على الشخص الي بجانبه:كان معي كان معي يا جسار!
ابتسم جسار:صحيح انه كان معك بس الحين ماهو معك يهون عليك تكون كذا من بعده يوم كنت تحزن مايرضى عليك!
ساجي :طعنوني في ظهري! طعنوا ساجي الي باع الدنيا لـ أجلهم كان قلبي بين يدينهـ قاطعت كلامه وهج الي دخلت بسرعه وصرخت برُعب :ساجي انت بخير؟؟؟
عض جسار شفته ومسك المخده يرميها عليها لان ساجي تكلم ! قدر يسحب من الكلام بدال ما يكتمه داخله كان بيحاول يساعده  يتخطى الصدمات الي مر فيها لكن قاطعتهم وهج , نطق ساجي بتعب:اطلعوا وقفلوا الباب
,
طلعوا من الغرفه وسحب جسار اذن وهج :انتِ ماتستحين ؟ كان في امل !
وهج:الامل الوحيد يذبح عمي
جسار :وانا اذبحك؟
ضحكت وهج ونطقت:تعال بسوي لك قهوه!
جسار تأفف بقرف وابتعد عنها لانه في كل مره يرتاح له ساجي يخرب الموضوع ,
-
"المحكمه "
طلعت بفرحه كبيره تحضن ابوها انها كسبت هالقضيه وكانت بكل مره تثبت انها من افضل المحاميين لكن عضت شفتها من شافت عذبي يتقدم لـ ابوها الي نطق؛المحامي عذبي الى الان موجود؟
ابتسم عذبي: حضرت المحاكمه حبيت اكون موجود
ضحك ناهل:تقييم المحامين؟
عذبي ضحك :تقدر تقول!
ناهل:دام كذا يا ولد متعب عشاك عندنا
عذبي :والله ان ودي تجمعنا جلسه طويله لكن الرياض تناديني!
ابتسم ناهل:ثاني مره ما اتركك لرياض,بلغ متعب سلامي !
عذبي:يوصل,
تنهدت ود من نظرات عذبي والتفت لـ ناهل:بابا ما ابي ارجع البيت,
ابتسم ناهل يقبل راسها:من عيوني وين تبين بس؟
ابتسمت برضى تام تحضن ابوها صحيح قلبها مو مرتاح بسبب خوفها على ساجي لكن مابيدنا شي ,
-
~ القصر الحنون~
تأففت ملل ترطب جسمها:جده تعنيت وجيتك احسب فيك شي بالنهايه عشان عندك عزيمه!
ضحكت الجده عذاري ونطقت:ماتجين الا اذا قلت كذا وبعدين انتِ البنت الوحيده الي بتخدمنا!
نجلاء نزلت المناكير:افااا انا ونجودي مو مالين عينك
ضحكت عذاري:حريم عيالي ازين البنات !
وقفت رُوح تشد على روبها وتمشي لغرفتها :الحمدلله ان عندي هنا غرفه !
ضحكت نجود :عمه ترا قصدها تنحاش!
عذاري:وين تنحاش ابي اليوم تصير مخطوبه!
شهقت رُوح تنسب راسها مع الباب:نعم!!؟؟
عذاري:الي سمعتيه ابيك تعرسين واشوف عرسك !
رُوح هزت راسها بـ اسف ودخلت تتصل على إيناس الي ردت بنفس الثانيه:هلا هلا وش عندك داقه فيس تايم؟
رفعت رُوح بيدها اليمنى فستان وبيدها اليسرى بدله رسميه : نوسه اي واحد؟
ضحكت إيناس بحماس تأشر على الفستان :الاسود عليك غيررر
ضحكت رُوح:والله انتِ الغير يلا انتظرك لان مستحيل اتحمل صديقات جده
إيناس:نوسه في كل زمان ومكان
ابتسمت من قفلت وتقدمت لجوالها تشغل ذكرى وتلتفت لـ المرايا وتنشف شعرها بعشوائيه ثم تلتفت تتامل وجهها وشاماتها وضحكت من دخلت امها بالبخور:بنت باقي تتاملين نفسك انجزي!
التفت رُوح على نجود:اوف وش ذا الجمال يا مامي!
ضحكت نجود:اموتتت بالحلو الي يمدح
ابتسمت  من نزلت البخور وطلعت ؛ روري انجزي الميك اب يبدو انه لايوجد مفر!
جلست امام المرايا تاره تغني وتاره تتمكيج لحد ما انتهت من الميك اب , تنثر شعرها الويفي بعد مالبست فستانها الاسود وفعلاً كانت غير بالاسود ! غير من كل النواحي جميله بالحيل , ضحكت من دخلت إيناس:الله الله هالروقان !!
رُوح:اعجبك!
حضنتها إيناس وصرخت:رُوح وقسم ريحة العطر خيالل عطيني اسمه!
رُوح:صاحب البراند اختفى من سنتين وللامانه اخر عبوه عندي وحتى لو رجع ما بعلمك ! اغار!
ضحكت إيناس:شف شف امشي بس نشوف ام زوجك المستقبلي!
رُوح:ولدها اشغلني والحين امه ياحبيبي!
ضحكت إيناس تمسك يدها وينزلون لـ الحريم,
-
قصر نايف صرخت نوال :اسحب بنتك من عند هالصايع جسار!
نايف التفت عليها بحده:ولد اخوي لا تغلطين عليه
نوال:يوم ساجي اغلط براحتي بس جسار لا
نايف صرخ بحده:محد فرق بيني وبين اخواني الا انتِ!
نوال:اهلك مايبونك احمد ربك اني اخذتك!
نايف رفع يده يضربها كف:مو انا الي ترفعين صوتك علي!
دخل سطام من سمع الصراخ :شفيكم؟
التفت نوال على سطام:ابوك على اخر عمره يضربني!
تنهد سطام والتفت لـ ابوه بقرف:لمتى ؟
نايف:عاتب امك الي تهدم كل شي!
نوال:وش هدمت يا نايف الخالي من العيوب
نطقت بيادر ببرود:هدمتي حُب سنين !
ضحك سطام بسخريه:كلكم عايشين دور الضحيه الحمدلله والشكر, رمى كلامه الي كان كافي يسكتهم وطلع متجه لـ رفيقه لان كل ماضاقت فيه الدنيا راح لـ وهاج
-
~ البيت الحنون ~
تأففت ترفع كوب قهوتها ونطقت إيناس :قومي نرقص؟
التفت نجلاء عليها:وهي صادقه قومي ارقص وكلي عليهم الجو ,
ضحكت رُوح ترمي الوشاح:بس مصري غيره ما اقبل!
تعالت ضحكاتهم من وقفوا هي وإيناس سوى وكان رقصهم بقمة الاتقان وخاصه رقص رُوح الي كانت تتمايل على حسب الدقه , ضحكت ترجع شعرها خلف اذنها:مامي شرايك؟؟
ضحكت نجود:تربيتي !!
نجلاء:تربية خالتها قصدك!
رُوح ضحكت:تعلمت منكم بس رقصي يبقى الافضل
التفت بصدمه من نطقت جدتها ؛عقبال ماتوقفين لزوجك!
رُوح:جده الله يسعدك وش ذا التفكير
مسكت إيناس بطنها بـ الالم:لا تكفين ما اتخيلك ترقصين له مصري ,
جلست رُوح بصدمه:جدتي شكلها تبي تزوجني ولد الديره لان مو طبيعي الي قاعد يصير!
رفعت الجده عذاري حاجبها:مو عاجبك شوفيني انا كنت ارقص لجدك
صرخت رُوح:حرام عليكم احرقتوا زهرة شبابي بسوالفكم!