اَهنِي بِك حَياتِي يَا رُوح اَلعُمر

-3-

< بيت نايف>
سندت راسها تناظر صورهم مع بعض وابتسمت تشوف كيف الضحكه ما كانت تفارق وجهه في كل صورهم ميلت شفتها تتذكر يوم زواجهم تتذكر ساجي الي كان يعشقها, مسكت راسها تلوم نفسها , فزت من انفتح الباب ودخل نايف:لمتى حابسه نفسك هنا؟؟
شتت نظرها ونطقت: تعبانه ابي انام!
نايف:من سنتين وانتِ تعبانه
بيادر :اذا طاب ساجي انا اطيب!
شد نايف على قبضة يده وتقدم لها :ساجي وانا ابوك ماعاد لك فيه اي صله ,
عضت شفتها تمنع دموعها:انت السبب!
ضحك نايف بسخريه:انا! انا يا بيادر من جاء عندي يبكي ويقول شلون بكمل حياتي ؟ بيادر تعرفيني زين وتعرفين معزة وغلات ساجي عندي انا سويت كل شي عشانك! عشان دموعك ما هانت علي! , العمر بيمشي وساجي بيطيب وبيعيش حياته طبيعي ,
تعالت شهقاتها من طلع ترفع جوالها تناظر صورهم مع بعض,
,
بيت ناهل كانت انظاره على رقم رُوح يفكر يتصل فيها او يتركها تتصرف من عقلها يسلم ساجي لها او يتدخل ويعطيها خطته كانت كل هالافكار تجول في باله لكن تنهد يكتب لها "السلام عليكم معك ناهل بن جراح سبق وبلغك عمك لكن اكد عليك ان اسمي ماينذكر مهما حصل ولك حرية التصرف في الموضوع , عندي ثقه كبيره فيك" ارسلها وقفل الجوال يتجه للصاله , ابتسمت جميله من شافته جاي: شرف الشيخ
ضحك وهاج بعلو صوته:من قدك دام جميله قالت لك الشيخ
ابتسم ناهل ونطق:اي بالله من قدي
ود ضحكت بعلو صوتها:اموت على الرومانسيه انا!
وهج:شفتي يمه قلت لك تبي تعرس ماصدقتيني!!
ناهل:وهج اتركي اختك في حالها
ود ضحكت:شفتي ناهل مايرضى علي!
ناهل:ناهل حلو والله خويك انا
ضحك وهاج بعلو صوته:قلت لكم ابوي ماله امان!
ضربت جميله راسه بخفه:عيب عليك ابوك!
ابتسم ناهل ونطق:الا وين المصارع؟
ضحك وهاج:بغرفته ابي اطلعه يسوي لي اكشن
تنهدت جميله:هو بس يشوف عمك نايف يفعل وضعية طرزان
ناهل تنهد:كل شي ينحل بأذن الله ,ووين جسار؟
ود:راح بيته
وهاج؛عشان كذا البيت صار سعيدد المهم انا طالع
ناهل: على وين
ميلت شفتها وهج:بيقابل زوجته
سحب وهاج المخده يرميها عليها:يبه تغلط عليه
مسح ناهل على وجهه:اذلف ل سطام
التفت وهج لوهاج ونطقت:اغبياء واجتمعواا
رفع وهاج حاجبه:طيب طيب اوريك اذا رجعت!!
-
~ في عاصمة بريطانيا " لندن" ~
ارتمت على سريرها بتعب ونطقت:واخيراً وصلنا لندن!
ميل سراج شفته: المفروض رحنا مانشستر اول!
ضحكت تعدل جلستها وتحرر شعرها:لندن ترد الرُوح!
هداج ضحك بعلو صوته:يلا يلا ارقدو معنا اسبوع لازم نحلله
نطق سراج ؛ظلم اربع ايام في لندن وثلاث ايام في مانشستر!
رُوح:ياليل كلنا ندري انك تبي تروح عشان الانديه الرياضيه !
هداج:رضى رُوح اهم من رضاك!
رُوح:جواب منطقي ويلا كلكم برا بدون مطرود!
ضحكوا هداج وسراج يطلعون ويتركونها لحالها بجناحها, رفعت جوالها تستغرب الرقم الي مرسل لها ونطقت:اف مالي خلق بعدين ارد عليه!
فزت تناظر الاطلاله تعشق لندن وتعشق اجوائها تقدمت ترتب اغراضها وتاخذ شاور , طلعت تنثر شعرها وتعدل بجامتها الحرير وضحكت ترفع عطرها:اهم فقره بحياتي كلها! , ارتمت على السرير تفتح جوالها وتتوجه لـ الانستا وتدخل على حساب صاحب البراند ميلت شفتها :صدق انك غبي يـ SA في شخص يوقف بيع عطور حلوه لهدرجه!
وسرعان ما صرخت من دقت إيناس:احبكك! دقيتي قبل ما ادخل بدوامة الهواجيس !
إيناس:شرايك بس!!
رُوح:اكلمك من لندن كان خليتيني اهوجس يمكن هواجيسها غير
إيناس :حُبي وش هي لندن عن الرياض
رُوح:اتفق معك في هالنقطه المهم تخيلي شفتي عني كلمني عشان ولد ناهل بن جراح
إيناس :من ذا؟
ضحكت رُوح:شفتي ذا جراح عند شركة عقار مره كبيره وعياله واحفاده معه واتوقع ان واحد من عياله تعبان
إيناس ميلت شفتها تقرا:الاب وسيم كيف عياله اجل
ضحكت رُوح بصدمه:بسرعه وريني!!
ضحكت إيناس:اصبري الان اطلع لك عياله!
رُوح:الانن بسرعه!
عقدت حجاجها إيناس:شوفي هالصوره من تويتر فيها كل عيال جراح واحفاده بس مره قديمه!
ميلت شفتها رُوح تكبر الصوره تشوف الاشخاص:للامانه كلهم حلوين
إيناس:لا شوفي الي بجنب الجد احلى بشوي!
ميلت شفتها :ياليت اعرف اسمه مدري اذا قالي عمي!
ضحكت إيناس :شلون ماتعرفين اسمه وبتعالجينه!
رُوح :اساساً انا متفقه مع عمي اخذ رقمه وابحث عنه اذا رجعت!
ضحكت إيناس :اصبري لقيت حساب واحد اسمه سطام بن نايف
رُوح ؛ذا ولد عمهم لاني دايم اسمع عذبي وهو يسولف مع جدي!
إيناس:حلوين بحاول اصيد حساباتهم منه لكن الحساب مره قديم!
رُوح:عطيني انا بشوف وانتِ روحي نامي
ضحكت إيناس :طرده عن بُعد؟
ضحكت رُوح تقفل وتشوف البوستات الي منزلها وقفت عند بوست مصور فيه مع اثنين وكاتب" النسايب":وش ذا الصداع ! الصوره من ٢٠١٧!! لو اني نايمه احسن! ميلت شفتها ترسل لـ إيناس
"الي على اليمين احلى! خواتها ذويقات"
ضحكت إيناس تكتب لها :ياخفيفه!
رُوح:ماني خفيفه لكن جذبني هههههههه
إيناس :اقول نامي وراك بكرا طلعات وتجيبين لي هديه !
رُوح:تحلمين اجيب لك هديه خلي راعي الورد يجيب لك
ضحكت ترمي جوالها وتغمض عيونها تمنع الهواجيس تداهمها وتدخل في نومها,
,
< جناح هداج وسراج>
سراج:هداج اشغلتني الله يشغلك!
ضحك هداج:ياولدي اصبر ادور حساب وحده
سراج:طف النور ياللي ماتستحي تطرد ورا بنات خلق الله
هداج:انطم وقم طفه لا اصفقك!
سراج::اقسم بالله انك غبي وترفع الضغط ولو اني قاعد في الرياض اسوي عملياتي ابرك لي
هداج:اشغلتنا بذا العمليات وانت محد يعرفك الا انا و رُوح!
سراج:بقوم اصفقك يا غبي!
هداج:انطم وارقد لا اجي اصفقك بطريقه تخليك تنام اسرع!
سحب سراج المحبه يرميها عليه وصرخ هداج من كبت عليه القهوه:يا بزر!
سراج : ماغيرك البزر ماريحتنا نرقد !
هداج:يالله ماسك نفسي ما اصفقك
وقف سراج بقرف يطفي النور ونطق:كان فيك خير شغله !
هداج نزل قهوته وتوجه لسريره:الغلط علي مو عليك قاعد معك بنفس الغرفه !
-
احدئ مقاهي الرياض وقف سطام من شاف وهاج متقدم له:كان نمت ؟
وهاج:والله ودي بس تعنيت لاجلك
ضحك سطام؛ابشرك لقيت لنا ارض ماتتفوت
وهاج:نسيت السالفه وانت باقي تفكر فيها؟
سطام؛عجبتني الفكره ليش ما افكر فيها!
ضحك وهاج:عمي بينجلط ؟
سطام:يمكن ايه ويمكن لا؟
وهاج؛انا مالي شغل لو انجلط ذنبه في ذمتك انت ولده!
سطام :نذل حطيتها فيني ؟؟
وهاج؛ماعلينا في ذبانه لونها ازرق ليش؟
ضحك سطام:ليش؟
ضحك وهاج بعلو صوته:لابسه جينز
ضحك سطام؛على تبن فضحتنا!
وهاج:زرفتها من ساجي
سطام:يوه الله يسقي كان ماغير يذب ويقول نكت بيض
وهاج:اذا ربي كتب بيرجع كل شي زي ما كان
سطام:ماظنتي ساجي ماهو الاولي
وهاج:سوالفك تسد النفس زي وجهك!
سطام:حب يدي تراني عازمك بفلوسي!
وهاج:الله والفلوس! القاك سارقها
سطام :كيف عرفت؟
ضحك وهاج:ان لله توب الى الله واترك السرقه
سطام:سرقت صرافة جدي عادي منا وفينا
وهاج:محد يقدر على جراح الا سطيم
سطام:وش ذا الاسم المخيس لا عاد تدلع وقم رح لبيتكم سديت نفسي!
-
صباح يوم جديد تحديداً في لندن نزلت كوب قهوتها وهي تتامل المنظر الي امامها وترفع جوالها تعشق ملامحها وتعشق تصور شكلها في الدقيقه مليون مقطع خرجت من الكاميرا تتجه لـ الواتس تشوف رقم ناهل ماسكه نفسها تدق عليه وترد على رسالته لان الهواجيس اكلت راسها اكل تنهدت تسند راسها :روري اتركي هالعاده!
تعالت ضحكاتها من دقت إيناس:والله جيتي بوقتك!
إيناس :ياليل على تعبي معك لازم تجيبين لي هديه !
رُوح:دام الموضوع كذا روري تنسحب!
إيناس:انتِ على مين طالعه بخيله ياقليلة الادب!!
رُوح:يالله! يلا بوسات بقفل!
إيناس:تصرفني!!
ضحكت رُوح:مع السلامه يلا!
قفلت إيناس ودقت رُوح على رقم امها:مامي اشتقت لك!!
ضحكت نجود بعلو صوتها:يا كذابه من امس مو مكلمتني!
رُوح:نمت وتو اصحى شدعوه اخبار عموري؟
نجود؛والله عمورك يتجهز لـ الدوام!
ضحك عمر يتقدم يقبل خد نجود وينطق:والله عمورك بخير صفى له الجو
رُوح:عيب عليك !
ضحك عمر:وين القرود الي معك؟
رُوح:والله مدري عنهم شكلهم باقي نايمين
عمر:مايستحون مافطروا بنتي؟؟
ابتسمت رُوح ونطقت :بابي بسالك عن شي
ابتسم من ابتسامتها:لبيه ياعيوني؟
رُوح:تعرف ناهل بن جراح؟
ضحكت نجود:ومين مايعرفه؟
عمر: لا يا شيخه؟ , اي اعرفه
رُوح:في واحد من عياله تعبان او شي؟
عمر:في واحد من عياله كان مقوم الشركه حتى ان انا وحدة حضرنا عرسه
عدلت جلستها بحماس ونطقت:وش اسمه؟؟
ضحك عمر من حماسها؛وراء هالحماس بلى؟
رُوح:لا بابا عمو علمني انه يبي يعالج ولده!
ابتسم عمر:يا دكتورتي الحلوه اسمه ساجي
صرخت بعلو صوتها:اسمه مميز !
عمر:وانا ابوك مع السلامه واتركي الشغل وانبسطي !
رُوح:من عيوني!
ابتسم ينطق:تسلم هالعيون مع السلامه
ابتسمت تقفل وفزت تغير ملابسها وتحط ميكب خفيف , تقدمت تاخذ شنطتها وتخرج متوجها لجناح هداج وسراج
-
<الشرقيه >
عقد حجاجه يتقدم لها:بيان اكلمك اتركي حركات الورعان!
عضت شفتها بيان تكمل شغلها على اللابتوب لكن شهقت  بـ الم من شد على ذراعها يسحبها له :كم مره اعيد واكرر كلام امك مايمشي عليك ولا نهايتنا زي نهاية ساجي وبيادر!
عضت بيان شفتها تمنع دموعها :طلق وخلصنا!
رص على اسنانه بغضب ونطق:اموت ولا اطلق حطي هالشي براسك !
بيان:مو انا ورعه ليش ماتفتك مني؟
رمها على الكنبه وسند راسه على الجدار:بيان لمتى كلام عمتي يلعب براسك!
صرخت بقهر:من سنتين وانت مو طبيعي من سنتين متغير !!
جسار رفع اصبعه:لانك تدخلني في كل نقاش ساجي وانتِ اكثر من يعرف ان ساجي روحي واقرب مني لي!!
بيان مسكت راسها بـ الم ونطقت:اطلع برا!
رص على اسنانه بغضب يخرج ويقفل الباب بكل قوته يتركها تقارن الم راسها وهواجيسها بكلامه هل هو صحيح وهل الغلط منها او منه او كلهم ضحايا المشاكل العائليه او ضحايا قصة حُب ساجي و بيادر الفاشله تحس بضيقه وتعب وانهيار داخلي , رفعت جوالها تتصل على بيادر والدموع ماليه وجهها وسرعان ماسمعت صوت بيادر الي نطقت بصدمه: بياني علامك؟
بيان نطقت بصعوبه:والله تعبت من وضعنا الي مالنا فيه ذنب تعبت!!
بيادر رفعت شعرها عن وجهها : لا تهدمين بيتك يا بيان وتغلطين نفس غلطتي
بيان:راضيه اغلط اذا بفتك من هالعذاب النفسي!
بيادر صدت ترفع صورتها وساجي حاضنها:شوفي مابقى غير الذكريات!!!
بيان مسحت دموعها:بيادر هذي مو ذكريات هذا عذاب نفسي!
صرخت بقهر تنطق:اتركيني انا وعذابي وشوفي نفسك والحقي عمرك قبل مايغلط جسار غلط ساجي
ومن بيان الجوال اشوفه يتكسر قدامها وهي فعلاً ندمت انها اختارت بيادر تساندها ,
,
,
~ بيت ناهل~
رفعت نظرها بصدمه من شافت جسار داخل واضح عليه التعب , شرعت ذراعها له؛تعال يا امي تعال !
تقدم جسار ينزل راسه بحضن امه ونطق:يمه تعبت!
انحنت جميله تقبل جبين جسار:قوي نفسك لا تصير مثل اسير الاحزان
جسار:والله لو ساجي بخير ما كان وصلت لذا الحال!
جميله:بأذن الله بيصير بخير!
جسار؛يمه تعبت تعبت سنتين اتحمل كل شي!
تقدم ناهل يجلس:بأذن الله كل شي بينتهي !
فز جسار يعدل جلسته؛نعم؟
ابتسم ناهل:لقيت الدكتوره الوحيده الي بتقدر تطلع ساجي من حالته !
عدلت جميله جلستها :شلون؟
ناهل:الدكتوره شاطره لدرجه يلقبونها بدكتورة السعاده
ابتسمت جميله ونطقت:وش اسمها
ناهل:رُوح ال غياث لكن الموضوع ما ابي يطلع من بينا ثلاثتنا !
ابتسمت جميله:الله يكتب الي فيه الخير !
ناهل:يبي لها اسبوع لانها برا المملكه
فزت جميله:اعوضها بدال السفره سفرات بس تجي اليوم!
ضحك ناهل:صبرتي سنتين ماتصبرين اسبوع ؟
ابتسمت تسند راسها وتسحب جسار لحضنها وتدعي ان ربها ييسر هالعلاج بـ اسرع وقت ,
-
~ لندن ~
صرخت بعلو صوتها:صدق مافيكم خير !!!
نطق هداج بتعب:والله الوقت طويل يمدينا خليني انام!
سراج حضن المخده ونطق :والله صادق باقي وقت خلينا نرقد!
رُوح:ترا اطلع لحالي اسوء من كذا رفقاء سفر ماشفت الله يسقي عذبي!
سراج :اي والله عذبي يخلينا نرقد مو شايب زيك! يصحينا من صباح ربي!
هداج رمى المخده على سراج:اول مره اتفق معه!
رُوح:خمس دقايق ماقمتوا رحت لحالي!
تقدمت رُوح تجلس على الكنبه تسند راسها على مايجهزون , طلع هداج يشد على الجاكيت:يلا يا العجوز !
رُوح:ايوا انا عجوز! بس يلا مشينا!
تنهد سراج:قالك لندن بتطير؟
رُوح:بالنسبه لي اي يلا استعجلوا!
ضحكت من سحبها سراج يدخلها تحت ذراعها وطلعوا يتمشون بشوارع لندن واسواقها ويفطرون وكان وراهم يوم طويل مليان احداث ينتظرهم ,
,
,
~ الرياض ~
نزل عذبي قلمه ونطق :بس ليش اختارو رُوح بذات؟
عُمر:مدري لكن وصلها الخبر عن طريق عزام
ابتسم عذبي:بصفتي محامي اقول لك بداية خير!
ضحك عمر بعلو صوته:وش دخل صفتك محامي؟
عذبي:لو سمحت !  السنوات الي درستها ما تروح عبث
عُمر:والله ياشيخ عذبي الموضوع سري جداً
ميل عذبي شفته:رغم معرفتي عنهم لـ اول مره اعرف بموضوع ساجي !
عُمر:ماتذكر ؟ حضرنا عرسه سوى؟
عذبي ابتسم بخفه:شلون انسى وانا الي سحبتكم غصب
ضحك عُمر :علاقتك بـ ناهل كانت قويه!
عذبي:من بعد قضية الشركه الي ساعدته فيها حبني
ضحك بعلو صوته ونطق:حبك مره وحده لا اله الا الله!!
عذبي ضحك بخفه:يعني تعرف الناس مهووسين فيني!
تنهد عُمر؛قدك ثلاثيني اترك سوالف المراهقين
عذبي :شف شف !! من يتكلم ؟ عُمر الي له مليون سنه رافض يجيب غير رُوح عشان يتهنى بنجوده
سحب عمر الفاين يرميه عليه:استحى على وجهك اخوك الكبير
عذبي:تراك في مكتبي اقدر اطردتك!
عُمر:اذا ذا مكتبك ذي شركتي!
حك عذبي جبينه؛ان لله !
فتح عزام الباب يدخل:الشامتين مجتمعين هنا وش عندهم
ضحك عذبي يرمي عليه القلب:بـ انتظار الشايب يجي
عزام:شايب بعينك!!
ضحك عذبي ونطق عزام:في راسك حرش؟
تعالت ضحكاته ونطق:كيف عرفت؟